ಪೋಷಕರಿಗೆ ತಮ್ಮ ಮಕ್ಕಳು ತಮಗಿಂತ ಒಳ್ಳೆಯ ಮಟ್ಟಕ್ಕೆ ಬೆಳೆದು ನಿಲ್ಲಬೇಕು ಎಂಬ ಆಸೆ ಇರುವುದು ಸಹಜ. ಭಾರತದಲ್ಲಿಯೂ ಬಹುತೇಕ ಕೆಳವರ್ಗ ಹಾಗು ಮಧ್ಯಮವರ್ಗದ ಜನರು ತಮ್ಮ ಆದಾಯವನ್ನು ಲೆಕ್ಕಿಸದೆ ,ಮಕ್ಕಳನ್ನು ಉನ್ನತ ರೀತಿಯ ಶಿಕ್ಷಣವನ್ನು ಪಡೆಯಬೇಕೆಂಬ ಆಶಯದೊಂದಿಗೆ ಸರ್ಕಾರಿ ಶಾಲೆಗಳಿಗಿಂತ , ಖಾಸಗಿ ಶಾಲೆಗಳನ್ನೇ ಸೇರಬಯಸುತ್ತಾರೆ .
ಈ ಚಿಂತನೆಯು ಸಂಪೂರ್ಣವಾಗಿ ಬದಲಾಗಬೇಕಾದ ಅವಶ್ಯಕತೆಯಿದೆ. ಈ ನಿಟ್ಟಿನಲ್ಲಿ ಒಂದು ಬದಲಾವಣೆಯನ್ನು ತರುವ ಪ್ರಯತ್ನದಲ್ಲಿ ನಾವು ತೊಡಗಿದ್ದೇವೆ . ಸರ್ಕಾರಿ ಶಾಲೆಗಳ ಸರ್ವತೋಮುಖ ಅಭಿವೃದ್ಧಿಗಾಗಿ ಹಲವಾರು ಪ್ರಯತ್ನಗಳು ನಡೆಯುತ್ತಿವೆ. ಈ ವಿಷಯವಾಗಿ ಯೋಚಿಸಿ, ಹೆತ್ತವರ ಹಾಗು ಮಕ್ಕಳ ಮನೋಭೂಮಿಕೆಯಲ್ಲಿ ಸರ್ಕಾರೀ ಶಾಲೆಗಳ ಪರ ಒಳ್ಳೆಯ ಅಭಿಪ್ರಾಯ ಮೂಡಿಸುವ ನೆಲೆಯಲ್ಲಿ ಶಾಲೆಗಳ ಆವರಣದ ಶುಚಿತ್ವ, ಮಕ್ಕಳಲ್ಲಿ ಈ ಪ್ರಕಾರವಾಗಿ ಚಿಂತನೆಯನ್ನು ಮೂಡಿಸಿ ದೇಶಾಭಿವೃದ್ಧಿಯ ಪರ ಪ್ರೋತ್ಸಾಹಿಸುವುದು , ಮುಂತಾಗಿ ಕಾರ್ಯಗಳನ್ನು ಮಾಡುತ್ತಿದ್ದೇವೆ .ಇಷ್ಟೇ ಅಲ್ಲದೆ ನಮ್ಮ ತಂಡವು ಸರ್ಕಾರದಿಂದ ಲಭ್ಯವಿರುವ ಎಲ್ಲಾ ರೀತಿಯ ಆರೋಗ್ಯ ಸೌಲಭ್ಯಗಳ ಬಗ್ಗೆಯೂ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಕಾರ್ಯವನ್ನೂ ಮಾಡುತ್ತಿದ್ದು ,ಬಡ ಕುಟುಂಬದಮಗಳಿಗೆ ಆರ್ಥಿಕ ಬೆಂಬಲವನ್ನು ಕೂಡ ನೀಡುತ್ತಿದೆ.
