ವಿಟ್ಲ: ಯಾವುದೇ ವೃತ್ತಿಯಲ್ಲಿ ಸ್ವಯಂಪ್ರೇರಿತವಾಗಿ ಸಕ್ರಿಯವಾಗಿ ತೊಡಗಿಸಿಕೊಳ್ಳುವಿಕೆ ಅವರವರ ಸ್ವಬೆಳವಣಿಗೆಯಲ್ಲಿ ಮಹತ್ತರ ಪಾತ್ರ ವಹಿಸುತ್ತದೆ, ಹೊಸತನವನ್ನು ಊರ್ಜಿತಗೊಳಿಸಲು ಸದಾ ಮನಸ್ಕರಾಗಿರುವ ಮಾದರಿ ಶಿಕ್ಷಕರ ಸಾಲಿನಲ್ಲಿ ಶಾಲಿನಿ ನೋಂಡಾ ಸದಾ ಸ್ಮರಣೀಯರು ಎಂದು ವಿಟ್ಲ ಜೇಸೀಸ್ ಆಂಗ್ಲ ಮಾಧ್ಯಮ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಎಲ್. ಎನ್. ಕೂಡೂರು ತಿಳಿಸಿದರು.
ಅವರು ಭಾನುವಾರ ವಿಠಲ್ ಜೇಸೀಸ್ ಶಿಕ್ಷಣ ಸಂಸ್ಥೆಯಲ್ಲಿ ನಡೆದ ನಿವೃತ್ತ ವೈಸ್ ಪ್ರನ್ಸಿಪಾಲ್ ಶಾಲಿನಿ ನೋಂಡಾ ಅವರ ಬೀಳ್ಕೊಡುಗೆ ಅಭಿನಂದನೆ ಸಮಾರಂಭದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಅಭಿನಂದನೆ ಸ್ವೀಕರಿಸಿ ಮಾತನಾಡಿದ ನಿವೃತ್ತ ವೈಸ್ ಪ್ರಿನ್ಸಿಪಾಲ್ ಶಾಲಿನಿ ನೋಂಡ ಮಾತನಾಡಿ ಕೆಲಸದಲ್ಲಿ ಶ್ರದ್ಧೆ, ಸಹದ್ಯೋಗಿಗಳಲ್ಲಿ ಹೊಂದಾಣಿಕೆಯಿದ್ದು ಸಂಸ್ಥೆ ಶ್ರೇಯೋಭಿವೃದ್ಧಿಯಲ್ಲಿ ಪಾತ್ರ ವಹಿಸಬೇಕು ಎಂದರು.
ಆಡಳಿತ ಮಂಡಳಿಯಿಂದ ಹಾಗೂ ಸಿಬ್ಬಂದಿಗಳ ಪರವಾಗಿ ಅವರನ್ನು ಸಮ್ಮಾನಿಸಲಾಯಿತು.
ಶಾಲಾ ಆಡಳಿತ ಮಂಡಳಿ ಸದಸ್ಯರು, ಪ್ರಿನ್ಸಿಪಾಲ್ ಜಯರಾಮ್ ರೈ, ಆಡಳಿತಾಧಿಕಾರಿ ರಾಧಾಕೃಷ್ಣ. ಎ, ವೈಸ್ ಪ್ರಿನ್ಸಿಪಾಲ್ರುಗಳಾದ ಜ್ಯೋತಿ ಶೆಣೈ, ಹೇಮಲತಾ ಸಹಶಿಕ್ಷಕರು, ಶಿಕ್ಷಕೇತರ ಸಿಬ್ಬಂದಿಗಳು ಉಪಸ್ಥಿತರಿದ್ದರು.
ಸಹಶಿಕ್ಷಕಿ ಧನಲಕ್ಷ್ಮಿ ಪ್ರಾರ್ಥಿಸಿದರು. ಸಹ ಶಿಕ್ಷಕಿ ನಯನ ಸ್ವಾಗತಿಸಿದರು. ಕಾರ್ಯಕ್ರಮವನ್ನು ಶೇಖ್ ಝುಕಿಯಾ ನಿರೂಪಿಸಿ, ವಂದಿಸಿದರು.
