ಬಂಟ್ವಾಳ: ಹಿರಿಯನಾಗರಿಕರೊಬ್ಬರಿಗೆ ಮಹಿಳೆಯ ಜೊತೆ ಸಂಪರ್ಕ ಕಲ್ಪಿಸಿ ಹಣ ವಸೂಲಿಗೆ ಬೆದರಿಕೆ ಹಾಕುತ್ತಿದ್ದ ಆರೋಪಿಯೋರ್ವನ ವಿರುದ್ದ ಶನಿವಾರ ವಿಟ್ಲ ಠಾಣೆಯಲ್ಲಿ ದೂರುದಾಖಲಾಗಿದೆ.
ವಿಟ್ಲ ಕಸ್ಬಾ ಗ್ರಾಮ ನಿವಾಸಿಯಾಗಿರುವ ಹಿರಿಯನಾಗರಿಕರೊಬ್ಬರು ಬಾಡಿಗೆಗೆ ನೀಡಿರುವ ಮನೆಯಲ್ಲಿ ಓರ್ವ ಮಹಿಳೆ ಮತ್ತು ಮಗು ವಾಸವಾಗಿದ್ದರು. ಆರೋಪಿ ಉಮ್ಮರ್ ಎಂಬಾತನು ಮಾ.3 ರಂದು ಇಬ್ಬರ ನಡುವೆ ಸಂಪರ್ಕ ಕಲ್ಪಿಸಿ, ಬೆದರಿಕೆ ಒಡ್ಡಿ 50 ಸಾವಿರ ಹಣವನ್ನು ವಸೂಲುಮಾಡಿದ್ದ. ಆ ಬಳಿಕವೂ ಬೇರೆ ನಂಬರ್ ನಿಂದ ಕರೆ ಮಾಡಿ, ಪೊಲೀಸ್ ಮಾತನಾಡುವುದೆಂದು ಬೆದರಿಸಿ ಹಣಕ್ಕೆ ಬೇಡಿಕೆ ಇಟ್ಟಿದ್ದ. ಮೇ.1 ರಂದು ಮನೆಗೆ ಬಂದು ಹಣಕ್ಕಾಗಿ ಬೆದರಿಕೆ ಒಡ್ಡಿದ್ದು,ನೆರೆಮನೆಯವರನ್ನು ಕಂಡು ಪರಾರಿಯಾಗಿದ್ದಾನೆ. ಹಿರಿಯ ನಾಗರಿಕ ಇದೀಗ ವಿಟ್ಲ ಪೊಲೀಸರಿಗೆ ದೂರು ನೀಡಿದ್ದಾರೆ. ವಿಟ್ಲ ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.
