ಬಂಟ್ವಾಳ:ಪೋಲೀಸ್ ಇಲಾಖೆಯಲ್ಲಿ ನ ಉತ್ತಮ ಸೇವೆಯನ್ನು ಗುರುತಿಸಿ ಸರಕಾರ ನೀಡುವ ಮುಖ್ಯ ಮಂತ್ರಿ ಪದಕಕ್ಕೆ ಬಂಟ್ವಾಳ ವೃತ್ತ ನಿರೀಕ್ಷಕ ಟಿ.ಡಿ.ನಾಗರಾಜ್ ಅವರು ಆಯ್ಕೆಯಾಗಿದ್ದಾರೆ.
ಪೋಲೀಸ್ ಇಲಾಖೆಯಲ್ಲಿ ಅತ್ಯುತ್ತಮ ಸೇವೆಗಾಗಿ 2019 ಸಾಲಿನ ಮುಖ್ಯ ಮಂತ್ರಿ ಪದಕಕ್ಕೆ ಬಂಟ್ವಾಳ ವೃತ್ತ ನಿರೀಕ್ಷಕ ಟಿ.ಡಿ.ನಾಗರಾಜ್ ಅವರು ಅರ್ಹವಾಗಿ ಆಯ್ಕೆಯಾಗಿದ್ದಾರೆ.
ಮೂಲತಃ ಶಿವಮೊಗ್ಗ ಜಿಲ್ಲೆಯ ತುಪ್ಪೂರು ಗ್ರಾಮದ ನಾಗರಾಜ್ ಅವರು 2003 ರಲ್ಲಿ ಪೋಲೀಸ್ ಉಪನಿರೀಕ್ಷಕರಾಗಿ ಸೇವೆಗೆ ಸೇರಿದ್ದಾರೆ, ಬಳಿಕ 2010 ರಲ್ಲಿ ವೃತ್ತ ನಿರೀಕ್ಷಕರಾಗಿ ಬಡ್ತಿ ಹೊಂದಿದ್ದಾರೆ.
ಇವರು ದ.ಕ.ಜಿಲ್ಲೆಯ ಅತ್ಯಂತ ಕಠಿಣವಾದ ಮತ್ತು ಕೋಮುಸೂಕ್ಮವಾದ ಠಾಣೆ ಗಳಲ್ಲಿ ಕ್ಲಿಷ್ಟಕರವಾದ ಸಂದರ್ಭದಲ್ಲಿ ಗಂಭೀರ ಪ್ರಕರಣಗಳನ್ನು ಭೇದಿಸಿದ್ದಾರೆ.
ಉಳ್ಳಾಲ , ಪುತ್ತೂರು, ಬಜಪೆ, ಕದ್ರಿ, ಬಂಟ್ವಾಳ ಠಾಣೆಗಳಲ್ಲಿ ಕಾನೂನು ಸುವ್ಯವಸ್ಥೆ ಯನ್ನು ವ್ಯವಸ್ಥಿತವಾಗಿ ಮಾಡಿದವರು.
ಇವರ ಅವಧಿಯಲ್ಲಿ ನಡೆದ ಹೆಚ್ಚಿನ ಅಪರಾಧ ಪ್ರಕರಣಗಳಲ್ಲಿ ಶಿಕ್ಷೆಯಾಗಿವೆ.
ಕೋಮು ಸೂಕ್ಷ್ಮ ಬಂಟ್ವಾಳದಲ್ಲಿ ಪ್ರಸ್ತುತ ಇವರು ವೃತ್ತ ನಿರೀಕ್ಷರಾಗಿ ಕಾರ್ಯ ನಿರ್ವಹಿಸುತ್ತಿದ್ದು ಇತ್ತೀಚಿನ ಅನೇಕ ಘಟನೆಗಳನ್ನು ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ.
ರಾಮಮಂದಿರ ತೀರ್ಪು, ಸಿ.ಎ.ಎ. ಎನ್.ಆರ್.ಸಿ. ಮತ್ತು ಚುನಾವಣೆಯ ಬಂದೋಬಸ್ತ್, ಸಹಿತ ಅನೇಕ ಘಟನೆಗಳ ಸಂದರ್ಭದಲ್ಲಿ ಬಂಟ್ವಾಳ ತಾಲೂಕಿನ ಲ್ಲಿ ಯಾವುದೇ ರೀತಿಯ ಗೊಂದಲಗಳು ಉಂಟಾಗದಂತೆ ಕಾನೂನು ಸುವ್ಯವಸ್ಥೆ ಕಲ್ಪಿಸಿದ ಕೀರ್ತಿ ಇವರಿಗೆ.
ಇವರು ಬಂಟ್ವಾಳಕ್ಕೆ ವೃತ್ತ ನಿರೀಕ್ಷಕರಾಗಿ ಆಗಮಿಸಿದ ಸಂದರ್ಭದಲ್ಲಿ ವಿಟ್ಲ ವ್ಯಾಪ್ತಿಯ ಕುಂಟ್ರಕಲ ಎಂಬಲ್ಲಿ ಉಂಟಾದ ವಿವಾದಾತ್ಮಕ ಘಟನೆಯ ಸ್ಥಳಕ್ಕೆ ಬೇಟಿ ನೀಡಿ ಘಟನೆಯನ್ನು ಕೇವಲ ಅವರ ಮಾತಿನ ಚಾಟಿಯ ಮೂಲಕ ಬಗೆಹರಿಸಿದ ಅತ್ಯುತ್ತಮ ವಿಡಿಯೋ ಸಖತ್ ವೈರಲ್ ಆಗಿತ್ತು.
ಇಂತಹ ಅನೇಕ ಉತ್ತಮ ಕಾರ್ಯಗಳನ್ನು ಗುರುತಿಸಿ ಮುಖ್ಯಮಂತ್ರಿ ಪದಕಕ್ಕೆ ಇವರನ್ನು ಉನ್ನತ ಅಧಿಕಾರಿಗಳು ಹೆಸರು ಸೂಚಿಸಿದ್ದಾರೆ.
ಬಹುತೇಕ ಎಪ್ರಿಲ್ ನಲ್ಲಿ ಬೆಂಗಳೂರಿನಲ್ಲಿ ಸಿ.ಎಂ.ಅವರ ನೇತೃತ್ವದಲ್ಲಿ ನಡೆಯುವ ಸಭೆಯಲ್ಲಿ ಪದಕವನ್ನು ಪಡೆಯಲಿದ್ದಾರೆ.
