ಬಂಟ್ವಾಳ: ಪೋಲೀಸರನ್ನು ಜೊತೆಯಲ್ಲಿ ಸೇರಿಸಿಕೊಂಡು ರಸ್ತೆ ಬದಿಯಲ್ಲಿ ಕಸ ಎಸೆಯುವವರ ಮೇಲೆ ಕಾನೂನು ಕ್ರಮ ಕೈಗೊಳ್ಳಲು ಶಾಸಕರು ಕೆ.ಡಿ.ಪಿ.ಸಭೆಯಲ್ಲಿ ನೀಡಿದ ಸೂಚನೆಗೆ ಅಧಿಕಾರಿಗಳು ಒಂದು ಚೂರು ಬೆಲೆ ನೀಡಿದಂತೆ ಕಾಣುವುದಿಲ್ಲ ಎಂಬುದಕ್ಕೆ ಚಿತ್ರದಲ್ಲಿ ರುವ ಚಿತ್ರಗಳೇ ಸಾಕ್ಷಿಯಾಗಿದೆ.
ಇದು ರಾಷ್ಟ್ರೀಯ ಹೆದ್ದಾರಿ 75 ರ ಮಂಗಳೂರು ಬೆಂಗಳೂರು ರಸ್ತೆಯ ಪಾಣೆಮಂಗಳೂರು ಹಳೆಯ ಸೇತುವೆ ಹತ್ತಿರ ಹಾಗೂ ಪಾಣೆಮಂಗಳೂರು ಮೆಲ್ಕಾರ್ ಮಧ್ಯೆ ರಸ್ತೆಯ ಬದಿಯಲ್ಲಿ ರಾಶಿ ಬಿದ್ದಿರುವ ತ್ಯಾಜ್ಯ.
ಇದು ಕಳೆದ ಕೆಲವು ತಿಂಗಳಿನಿಂದ ಕಾಣಸಿಗುವ ತ್ಯಾಜ್ಯ.
ಪ್ರತಿ ದಿನ ಬೆಳಿಗ್ಗೆ ಮತ್ತು ಸಂಜೆ ವೇಳೆ ವಾಹನದಲ್ಲಿ ಬರುವ ವ್ಯಕ್ತಿ ಗಳು ತ್ಯಾಜ್ಯವನ್ನು ಎಸೆದು ಹೋಗುತ್ತಿರುವ ದೃಶ್ಯ ಕಂಡು ಬರುತ್ತಿದೆ ಎಂಬುದು ಇಲ್ಲಿನ ಸ್ಥಳೀಯರ ದೂರು !
ಇದರ ಜೊತೆಗೆ ನೇತ್ರಾವತಿ ನದಿಗೆ ಎಸೆದು ಹೋಗುತ್ತಿದ್ದಾರೆ ಎಂದು ಸ್ಥಳೀಯರು ಆರೋಪಿ ಸಿದ್ದು ಇವರ ಮೇಲೆ ಕಾನೂನು ಕ್ರಮ ಕೈಗೊಳ್ಳಲು ಒತ್ತಾಯಿಸಿ ದ್ದಾರೆ.
ಸ್ವಚ್ಚ ಭಾರತದ ಜೊತೆ ಸ್ವಚ್ಚ ಬಂಟ್ವಾಳ ದ ಕನಸು ಹೊತ್ತಿರುವ ಬಂಟ್ವಾಳದ ಜನತೆಗೆ ಹೆದ್ದಾರಿಯ ಬದಿಯಲ್ಲಿ ರಾಶಿ ಹಾಕಿರುವ ಕಸ ನ್ಯಾಯ ಒದಗಿಸಬಹುದೇ?
*ಇಲಾಖೆ ಯಾಕೆ ಮೌನ*
ತ್ಯಾಜ್ಯ ಎಸೆದು ಹೋಗುವವರ ಮೇಲೆ ಅಧಿಕಾರಿಗಳು ಕಾನೂನು ಕ್ರಮ ಕೈಗೊಂಡಿದ್ದರೆ ಹೆದ್ದಾರಿಯಲ್ಲಿ ಈ ರೀತಿಯಲ್ಲಿ ತ್ಯಾಜ್ಯ ರಾಶಿ ಬೀಳುತ್ತಿರಲಲ್ಲ . ಅಧಿಕಾರಿಗಳ ಮೌನವೇ ಕಸ ಎಸೆಯುವ ವರಿಗೆ ವರದಾನವಾಗಿದೆ.
ಪುರಸಭಾ ಇಲಾಖಾ ಅಧಿಕಾರಿಗಳು , ಪುರಸಭಾ ಇಲಾಖೆಯ ಆರೋಗ್ಯ ಅಧಿಕಾರಿಗಳು ಹಾಗೂ ತಾಲೂಕು ಆರೋಗ್ಯ ಅಧಿಕಾರಿಗಳು ಯಾಕೆ ಮೌನವಹಿಸಿದ್ದಾರೆ ಎಂದು ಸ್ಥಳೀಯ ರು ಪ್ರಶ್ನೆ ಸಿದ್ದಾರೆ.
*ಉದ್ದೇಶಿತ ಕೃತ್ಯ*
ಅನ್ನ ತಿನ್ನುವವರು ಈ ರೀತಿಯಲ್ಲಿ ತ್ಯಾಜ್ಯ ರಸ್ತೆಗೆ ಎಸೆಯುವುದಿಲ್ಲ, ಇದೊಂದು ಉದ್ದೇಶಿತ ಕೆಲಸ ಎಂದು ದಿನೇಶ್ ಅಮ್ಟೂರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಕಸ ಎಸೆದು ಹೋಗುವ ಅನಾಗರಿಕ ಜನ ಅವರ ಅವರ ಮನೆಯ ಮುಂದೆ ಇದೇ ರೀತಿಯಲ್ಲಿ ಕಸವನ್ನು ರಾಶಿ ಹಾಕಿ ನೋಡಲಿ.
ನಾವು ಪ್ರತಿ ದಿನ ರಸ್ತೆಯಲ್ಲಿ ಸಂಚರಿಸುವ ವೇಳೆ ಕಸದ ರಾಶಿಯನ್ನು ಕಾಣುತ್ತಿದ್ದೇವೆ.
ವಾಸನೆಯ ಜೊತೆ ಕೊಳಕು ನೀರು ರಸ್ತೆಯ ಬದಿಯಲ್ಲಿ ಹರಿಯುತ್ತಿರುವ ದೃಶ್ಯ ಕಂಡು ಬರುತ್ತಿದೆ.
ಇಲ್ಲಿ ಕಸ ಎಸೆದು ಹೋಗುವವರ ಮೇಲೆ ಕಾನೂನು ಕ್ರಮಕೈಗೊಳ್ಳುವಂತೆ ಅವರು ಇಲಾಖೆ ಅಧಿಕಾರಿಗಳಿಗೆ ಈ ಮೂಲಕ ಒತ್ತಾಯ ಮಾಡಿದ್ದಾರೆ.
