ಪುಣಚ: ಗ್ರಾಮದ ಬೈಲುಗುತ್ತು ಧರ್ಮದೈವಗಳ ವರ್ಷಾವಧಿ ನೇಮೋತ್ಸವದ ಸಂದರ್ಭದಲ್ಲಿ ಸಾಂಸ್ಕ್ರತಿಕ ಕಾರ್ಯಕ್ರಮದ ಅಂಗವಾಗಿ ಕುಕ್ಕಾಡಿ ಬಾಲಕೃಷ್ಣ ಶೆಟ್ಟಿ ಸಾರಥ್ಯದಲ್ಲಿ ಚಲನಚಿತ್ರ ಹಾಗೂ ಕಿರುತೆರೆ ನಟಿ ನಾಟ್ಯ ಚತುರೆ ಭವ್ಯಶ್ರೀ ರೈ ಅವರಿಂದ ನೃತ್ಯ ವೈಭವ ಮತ್ತು ಡ್ಯಾನ್ಸ್ ಡ್ಯಾನ್ಸ್ ಖ್ಯಾತಿಯ ಪೆನ್ಸಿಲ್ ಬಾಕ್ಸ್ ಚಲನಚಿತ್ರ ನಟಿ ದೀಕ್ಷಾ ಡಿ. ರೈ ಮತ್ತು ಬಳಗದವರಿಂದ ಮನೋರಂಜನಾ ಕಾರ್ಯಕ್ರಮ ಪ್ರದರ್ಶನಗೊಂಡಿತು.
ಬಳಿಕ ನಡೆದ ಸಭಾ ಕಾರ್ಯಕ್ರಮದಲ್ಲಿ ಭವ್ಯಶ್ರೀ ರೈ ಮತ್ತು ಅವರ ಪತಿ ಚಲನಚಿತ್ರ ನಟ ಸುರೇಶ್ ರೈ ಬೈಲುಗುತ್ತು ಮತ್ತು ದೀಕ್ಷಾ ಡಿ ರೈ ಅವರನ್ನು ಸನ್ಮಾನಿಸಲಾಯಿತು.
ವೇದಿಕೆಯಲ್ಲಿ ಬಂಬ್ರಾಣ ಮನೆತನದ ಯಜಮಾನ ಮೋಹನದಾಸ ರೈ, ಕುಕ್ಕಾಡಿ ಬಾಲಕೃಷ್ಣ ಶೆಟ್ಟಿ ಮತ್ತು ಜಗನ್ನಾಥ ರೈ ಬೈಲುಗುತ್ತು, ಪ್ರಪುಲ್ಲಾ ಜೆ ರೈ, ವಿಠಲ ರೈ ಬೈಲುಗುತ್ತು, ಜಯಂತಿ ರೈ ಬೈಲುಗುತ್ತು, ಮಾರಪ್ಪ ಶೆಟ್ಟಿ ಬೈಲುಗುತ್ತು, ಸದಾಶಿವ ರೈ ಬೈಲುಗುತ್ತು ಉಪಸ್ಥಿತರಿದ್ದರು.
ಶ್ರೀದೇವಿ ಸ್ವಾಗತಿಸಿದರು. ರಾಜೇಂದ್ರ ರೈ ವಂದಿಸಿದರು.
