ಬಂಟ್ವಾಳ: ಬಂಟ್ವಾಳ ಶಾಸಕರಾದ ರಾಜೇಶ್ ನಾಯ್ಕ್, ಉಳಿಪಾಡಿ ರವರ ಪರಿಕಲ್ಪನೆ ಮೇರೆಗೆ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವರು, ಸಂಸದರು ಹಾಗೂ ಕರಾವಳಿ ಜಿಲ್ಲೆಗಳ ಎಲ್ಲಾ ಶಾಸಕರ ಮಹತ್ಕಾಂಕ್ಷೆ ಯೋಜನೆಯಾದ ಹಡಿಲು ಬಿಟ್ಟ ಗದ್ದೆಗಳಿಗೆ ಕಾಯಕಲ್ಪ ನೀಡುವ ಯೋಜನೆ ಈಗಾಗಲೇ ಕರಾವಳಿ ಜಿಲ್ಲೆಗಳಲ್ಲಿ ಸಮೀಕ್ಷೆ ಕಾರ್ಯವನ್ನು ಕೃಷಿ ಇಲಾಖೆ, ಕಂದಾಯ ಇಲಾಖೆ, ಗ್ರಾಮ ಪಂಚಾಯತ್ ಇಲಾಖೆ ಗಳ ಮೂಲಕ ಮುಗಿದಿದ್ದು ಪ್ರಗತಿ ಪ್ರಾರಂಭವಾಗಿದ್ದು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿಯೂ ವ್ಯಾಪಕ ಮೆಚ್ಚುಗೆಯೊಂದಿಗೆ ಬೆಂಬಲ ವ್ಯಕ್ತವಾಗಿದೆ.
ಈ ಹಿನ್ನೆಲೆಯಲ್ಲಿ ಭತ್ತ ಬೆಳೆಗೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಸಿದ್ದಕಟ್ಟೆ ಸಹಕಾರಿ ವ್ಯವಸಾಯಿಕ ಸಂಘದ ಆಡಳಿತ ಮಂಡಳಿ ಮುಂದೆ ಬಂದಿದೆ. ಸಂಘವು ತನ್ನ ಕಾರ್ಯವ್ಯಾಪ್ತಿಯ 8 ಗ್ರಾಮಗಳಲ್ಲಿನ ಹಡೀಲು ಬಿದ್ದ ಒಟ್ಟು ಸುಮಾರು 49 ಎಕ್ರೆ ಜಮೀನುಗಳ ಗದ್ದೆಗಳನ್ನು ಭತ್ತದ ಕೃಷಿ ಮಾಡುವ ಮೂಲಕ ಕೃಷಿ ಜಮೀನುಗಳನ್ನಾಗಿ ಪರಿವರ್ತನೆ ಮಾಡುವವರಿಗೆ ಸಿದ್ದಕಟ್ಟೆ ಸಹಕಾರಿ ವ್ವವಸಾಯಿಕ ಸಂಘವು ಸಂಪೂರ್ಣನೆರವು ನೀಡಲಿದೆ. ಸದ್ರಿ ಜಮೀನುದಾರರಿಗೆ ಭತ್ತ ಕೃಷಿ ಕೈಗೊಳ್ಳುವವರಿಗೆ ಕೃಷಿ ಇಲಾಖೆಯಿಂದ ರಾಷ್ಟ್ರೀಯ ಆಹಾರ ಭದ್ರತಾ ಯೋಜನೆಯಡಿ ನೇರ ನಗದು ಪ್ರೋತ್ಸಾಹ ಧನ ವರ್ಗಾವಣೆ, ಸಹಾಯಧನದಲ್ಲಿ ಬಿತ್ತನೆ ಬೀಜ ವಿತರಣೆ,ಸಂಘದ ವತಿಯಿಂದ ಬಾಡಿಗೆ ಸೇವಾ ಕೇಂದ್ರದ ಮುಲಕ ಉಳುಮೆ ಯಂತ್ರದ ರಿಯಾಯಿತಿ ದರದಲ್ಲಿ ಸಹಕಾರ,
ಕೃಷಿ ಪರಿಣಿತರಿಂದ ಆಧುನಿಕ ಭತ್ತ ಕೃಷಿ ಬಗ್ಗೆ ಮಾರ್ಗದರ್ಶನ ನೀಡುವ ಬಗ್ಗೆ ನಿವೃತ್ತಿಗೊಂಡ ಕೃಷಿ ಅಧಿಕಾರಿ ನಾರಾಯಣ ನಾಯ್ಕ್ ರವರನ್ನು ಗೌರವ ಸಲಹೆಗರರಾಗಿ ಪಡೆದುಕೊಂಡು ಹಾಗೂ ದಿಶಾ ಟ್ರಸ್ಟ್. ರಿ. ಬಿ.ಸಿರೋಡ್ (ಕೈಕಂಬ) ಇವರ ಸಹಯೋಗ ದೊಂದಿಗೆ ರೈತರಿಗೆ ಸಹಕಾರಿಯಾಗುವಲ್ಲಿ ಸಂಘದ ಆಡಳಿತ ಮಂಡಳಿ ತೀರ್ಮಾನ ಮಾಡಿದೆ.
ಹಡಿಲು ಬಿಟ್ಟ ಜಮೀನುದಾರರು ಆಸಕ್ತಿ ತೋರದಿದ್ದಲ್ಲಿ ಮನವೊಲಿಸಲಾಗುವುದು..
ಅಲ್ಲದೆ, ಆಸಕ್ತ ರಿಂದ ಗೇಣಿ ರೂಪದಲ್ಲಿ ಸಾಗುವಳಿ ಮಾಡಲು ಪ್ರೇರೇಪಿಸಿ ಆರ್ಥಿಕವಾಗಿ ಸಹಾಯ ಮಾಡುವುದು.
ಉಳಿದಂತೆ ರಸಗೊಬ್ಬರ ಪೂರೈಕೆ, ಇನ್ನಿತರ ಎಲ್ಲಾ ರೀತಿಯಲ್ಲಿ ಆರ್ಥಿಕ ಮತ್ತು ಸಕಲ ನೆರವು ನೀಡಲು ಸಂಘವು ತೀರ್ಮಾನ ಕೈಗೊಂಡಿದೆ.
ಎಂದು ಸಂಘದ ಅಧ್ಯಕ್ಷರಾದ ಪ್ರಭಾಕರ ಪ್ರಭು ತಿಳಿಸಿದ್ದಾರೆ. ಈ ಸಂದರ್ಭದಲ್ಲಿ ಸಂಘದ ಉಪಾಧ್ಯಕ್ಷರಾದ ಸತೀಶ್ ಪೂಜಾರಿ ಅಳಕ್ಕೆ, ನಿರ್ದೇಶಕರಾದ ಸಂದೇಶ್ ಶೆಟ್ಟಿ, ರಾಜೇಶ್ ಶೆಟ್ಟಿ, ಹರೀಶ್ ಆಚಾರ್ಯ ರಾಯಿ, ದಿನೇಶ್ ಪೂಜಾರಿ, ಉಮೇಶ್ ಗೌಡ, ದೇವರಾಜ್ ಸಾಲಿಯಾನ್, ವೀರಪ್ಪ ಪರವ, ಜಾರಪ್ಪ ನಾಯ್ಕ, ಮಂದಾರತಿ ಶೆಟ್ಟಿ, ಮಾಧವ ಶೆಟ್ಟಿಗಾರ್,ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ ಆರತಿ ಶೆಟ್ಟಿ ಆಡಳಿತ ಮಂಡಳಿ ಸಭೆಯಲ್ಲಿ ಉಪಸ್ಥಿತರಿದ್ದರು.
