ಬಂಟ್ವಾಳ: ಸಾಮಾಜಿಕ ಅರಣ್ಯ ಬಂಟ್ವಾಳ ವಲಯದ ನೆಟ್ಲ ಮುಡ್ನೂರಿನ ಕೇಂದ್ರಿಯ ನರ್ಸರಿಯಲ್ಲಿ ಈ ಸಲ ಒಟ್ಟು 50 ಸಾವಿರ ಸಸಿಗಳನ್ನು ಬೆಳೆಸಲಾಗಿದ್ದು, ಇದನ್ನು ರಸ್ತೆ ಬದಿ, ನೆಡು ತೋಪು, ಸರಕಾರಿ ಕಚೇರಿಯಲ್ಲಿ ಬೆಳೆಯಲು ಸಂಘ ಸಂಸ್ಥೆಗಳಿಗೆ ಹಾಗೂ ಸಾರ್ವಜನಿಕರಿಗೆ ವಿತರಣೆಗಾಗಿ ಬೆಳೆಸಲಾಗಿದೆ.
ಸಾರ್ವಜನಿಕರಿಗೆ ವಿತರಣೆಗಾಗಿ 6*9 ಹಾಗೂ 8*12 ಪಾಲಿಥಿನ್ ಚೀಲಗಳಲ್ಲಿ ಸಸಿಗಳನ್ನು ಬೆಳೆಸಲಾಗಿದ್ದು, ರಿಯಾಯಿತಿ ದರದಲ್ಲಿ ಇದನ್ನು ವಿತರಿಸಲಾಗುವುದು.
ಬೀಟೆ, ಶ್ರೀ ಗಂಧ, ಹಲಸು, ಹೆಬ್ಬಲಸು, ಪುನರ್ಪುಳಿ, ಕಹಿ ಬೇವು, ರೆಂಜ, ಬೆಂಗಾ, ಮಹಾಗನಿ, ಜಂಬೂ ನೇರಳೆ, ನೆಲ್ಲಿ, ನಿಂಬೆ ಮುಂತಾದ ಜಾತಿಯ ಸಸಿಗಳು ಲಭ್ಯವಿದೆ.
ನರೇಗಾ ಯೋಜನೆಯಲ್ಲಿ ಕೂಡ ಸಸಿಗಳನ್ನು ವಿತರಿಸಲಾಗುತ್ತಿದ್ದು, ಉದ್ಯೋಗ ಸೃಷ್ಟಿ ಹಾಗೂ ಮಾನವ ದಿನ ಸೃಜನೆಯ ಇಲಾಖೆಯ ಮುಖ್ಯ ಉದ್ದೇಶವಾಗಿರುತ್ತದೆ.
ನರೇಗಾ ಯೋಜನೆಯಲ್ಲಿ 2 ಸಾವಿರ ಕಸಿ ಗೇರು ಲಭ್ಯವಿದ್ದು, ಅರ್ಹ ಫಲಾನುಭಾವಿಗಳಿಗೆ ವಿತರಿಸಲಾಗುವುದು.
