ನಾರಾಯಣ ಗುರುಗಳು ನೀಡಿದಂತಹ ಸಂದೇಶವನ್ನೇ ಎಲ್ಲ ಸೂಫಿ, ಸಂತರೂ ನೀಡಿದ್ದಾರೆ. ಎಲ್ಲರಿಗೂ ದೇವನೊಬ್ಬನೇ, ಆದರೂ ನಾವು ಮಾತ್ರ ಜಾತಿ, ಧರ್ಮ ಹೊಡೆದಾಡಿಕೊಳ್ಳುತ್ತಿದ್ದೇವೆ. ಈ ಸಂದೇಶ ಗಟ್ಟಿಯಾಗಿಟ್ಟುಕೊಂಡು ಯುವಪೀಳಿಗೆಗೂ ತಿಳಿ ಹೇಳಬೇಕಾಗಿದೆ ಎಂದು ರಾಜ್ಯಸಭಾ ಸದಸ್ಯ ನಾಸಿರ್ ಹುಸೈನ್ ಅಭಿಪ್ರಾಯಪ ಟ್ಟರು.
ಬ್ರಹ್ಮಶ್ರೀ ನಾರಾಯಣ ಗುರುವರ್ಯರ 167ನೇ ಜನ್ಮದಿನ ಪ್ರಯುಕ್ತ ಕುದ್ರೋಳಿ ಗುರು ಬೆಳದಿಂಗಳು ಸೇವಾ ಸಂಸ್ಥೆಯಿಂದ ಉಳ್ಳಾಲ ಜುಮಾ ಮಸೀದಿ, ಸಯ್ಯಿದ್ ಮದನಿ ದರ್ಗಾ ವಠಾರದಲ್ಲಿ ಶುಕ್ರವಾರ ಔಷಧೀಯ ಗಿಡ ನೆಡುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ನಾಮ ಹಲವಿದ್ದರೂ ದೇವನೊಬ್ಬನೇ, ನಾರಾಯಣ ಗುರುಗಳ ಸಂದೇಶ ಪಾಲನೆ ಪ್ರತಿಯೊಬ್ಬರ ಕರ್ತವ್ಯ. ಅವರ ಜನ್ಮದಿನ ಪ್ರಯುಕ್ತ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳ ಧಾರ್ಮಿಕ ಕ್ಷೇತ್ರಗಳಲ್ಲಿ ಔಷಧೀಯ ಗಿಡಗಳನ್ನು ನೆಡುವ ಮೂಲಕ ಸೌಹಾರ್ದ ವಾತಾವರಣ ನಿರ್ಮಿಸಲು ಪ್ರಯತ್ನಿಸಲಾಗು ತ್ತಿದೆ ಎಂದು ಗುರು ಬೆಳದಿಂಗಳು ಸೇವಾ ಸಂಸ್ಥೆಯ ಅಧ್ಯಕ್ಷ ಆರ್.ಪದ್ಮರಾಜ್ ಹೇಳಿದರು.
ದರ್ಗಾ ಅಧ್ಯಕ್ಷ ಅಬ್ದುಲ್ ರಶೀದ್ ಅಧ್ಯಕ್ಷತೆ ವಹಿಸಿದ್ದರು. ಶಾಸಕ ಯು.ಟಿ.ಖಾದರ್, ಉಳ್ಳಾಲ ನಗರಸಭೆಯ ಅಧ್ಯಕ್ಷೆ ಚಿತ್ರಕಲಾ, ಉಪಾಧ್ಯಕ್ಷ ಯು.ಪಿ. ಅಯೂಬ್ ಮಂಚಿಲ, ದರ್ಗಾ ಉಪಾಧ್ಯಕ್ಷರಾದ ಯು.ಕೆ.ಮೋನು ಇಸ್ಮಾಯಿಲ್, ಬಾವ ಮೊಹಮ್ಮದ್, ಪ್ರಧಾನ ಕಾರ್ಯದರ್ಶಿ ಮೊಹಮ್ಮದ್ ತ್ವಾಹ, ಜತೆ ಕಾರ್ಯದರ್ಶಿ ನೌಷಾದ್ ಅಲಿ, ಕೋಶಾಧಿ ಕಾರಿ ಯು.ಕೆ.ಇಲ್ಯಾಸ್, ಲೆಕ್ಕ ಪರಿಶೋಧಕ ಯು.ಟಿ.ಇಲ್ಯಾಸ್, ಚಾರಿಟೇಬಲ್ ಟ್ರಸ್ಟ್ ಉಪಾಧ್ಯಕ್ಷರಾದ ಮುಸ್ತಫಾ ಅಬ್ದುಲ್ಲಾ, ಯು.ಕೆ.ಇಬ್ರಾಹಿಂ, ಜತೆಕಾರ್ಯದರ್ಶಿ ಎ.ಕೆ.ಮೊಯಿದ್ದೀನ್, ಕೋಶಾಧಿಕಾರಿ ಜೆ.ಅಬ್ದುಲ್ ಹಮೀದ್, ಅರೆಬಿಕ್ ಟ್ರಸ್ಟ್ ಉಪಾಧ್ಯಕ್ಷ ಅಬೂಬಕ್ಕರ್ ಕೋಟೆಪುರ, ಜತೆಕಾರ್ಯದರ್ಶಿ ಅಸಿಫ್ ಅಬ್ದುಲ್ಲಾ, ಸದಸ್ಯರಾದ ಫಾರೂಕ್ ಉಳ್ಳಾಲ್, ಅದ್ದಾಕ ಕೋಟೆಪುರ, ಯು.ಕೆ.ಹಮ್ಮಬ್ಬ ಕೋಟೆಪುರ, ಹಸೈನಾರ್ ಬೊಟ್ಟು, ಅಬೂಬಕ್ಕರ್ ಅಲಿನಗರ, ಇಬ್ರಾಹಿಂ ಉಳ್ಳಾಲಬೈಲು, ಕೆ.ಎನ್.ಮಹ್ಮೂದ್ ಅಳೇಕಲ, ಮಯ್ಯದ್ದಿ ಕೋಡಿ, ಖಾದರ್ ಮುಸ್ಲಿಯಾರ್ ಅಕ್ಕರೆಕರೆ, ಯು.ಪಿ.ಹಮೀದ್ ಅಳೇಕಲ, ಸಿ.ಎಂ. ಹನೀಫ್ ಚೆಂಬುಗುಡ್ಡೆ, ಎನ್.ಕೆ.ಅಹ್ಮದ್ ಅಳೇಕಲ, ಮೊಯ್ದಿನಬ್ಬ ಉಳ್ಳಾಲಬೈಲು, ಯು.ಟಿ.ಇಲ್ಯಾಸ್ ಕಲ್ಲಾಪು, ಯು.ಕೆ.ಹನೀಫ್ ಮಾರ್ಗತಲೆ, ಬಿ.ಎಸ್.ಹಾಶಿರ್ ಮದನಿ ನಗರ, ಮೊಹಮ್ಮದ್ ಕಲ್ಲಾಪು, ಹಸನಬ್ಬ ಕೈಕೊ, ಹನೀಫ್ ಕೋಡಿ ಸೋಲಾರ್, ಫಾರೂಕ್ ಚೆಂಬುಗುಡ್ಡೆ, ಅಬ್ದುಲ್ ರಹ್ಮಾನ್ ದಾರಂದಬಾಗಿಲು, ಜಬ್ಬಾರ್ ಮೇಲಂಗಡಿ, ಯು.ಬಿ.ಸಲೀಂ ಮೇಲಂಗಡಿ, ಅದ್ದಾಮ ಮೇಲಂಗಡಿ, ಕೆ.ಪಿ.ನಝೀರ್, ಯು.ಎಂ ಅಹ್ಮದ್, ಮತ್ತಿತರರು ಉಪಸ್ಥಿತರಿದ್ದರು.
