ಮುಂಗಾರು ಮಳೆಯಲ್ಲಿ ಮೊಳಕೆಯೊಡೆವ ಪ್ರೇಮಕಥೆ ಹುಡುಕುತ್ತಿರುವೆ ಎಲ್ಲೆಲ್ಲೂ/
ಹಾಳು ಕೊಚ್ಚೆಯಲ್ಲಿ ಕೊಚ್ಚಿ ಹೋಗುವ ಸಪ್ಪೆ ಅಲೆಗಳೇ ಕಾಣುತ್ತಿವೆ ಎಲ್ಲೆಲ್ಲೂ//
ಬರಡು ಮನಸ್ಸಿಗೆ ಹನಿ ಹನಿ ನೀರಾವರಿ ಜಡಿ ಸಾಲುಗಳ ತುಂತುರು ಬಂಧ/
ಕೋಟಿ ಜನರ ನಡುವೆ ಬೆಸೆದರೂ ಸಿಂಚನ ಅತೃಪ್ತ ಸಂಬಂಧಗಳಿವೆ ಎಲ್ಲೆಲ್ಲೂ//
ನಾನಾ ವಿಧಗಳ ಮುಖ ಪ್ರೀತಿ ಹೆಸರಿಗಷ್ಟೇ ರಾರಾಜಿಸುವ ಎರಡಕ್ಷರದ ಪದ/
ಒಳ ವಿಕೃತ ಹೊರ ಸುಂದರ ತೊಡಿಸಿದರೂ ಬಟ್ಟೆ ಬೆತ್ತಲೆಯಾಗಿವೆ ಎಲ್ಲೆಲ್ಲೂ//
ಸಿನೀಮಯ ಶೈಲಿ ಪ್ರಸ್ತುತ ರೀತಿ ವಾಸ್ತವದ ನೀತಿ ಆಗುವುದು ಹೆಚ್ಚೆಚ್ಚು/
ಕಳಚಿಕೊಂಡ ಋಣಗಳ ಮರು ಜೋಡಣೆ ಲೆಕ್ಕ ಮಾಯಾವಾಗಿವೆ ಎಲ್ಲೆಲ್ಲೂ//
ಹೇಳಲು ಮರುಕ ಹುಟ್ಟಿ ಕಣ್ಣೀರಾದ ಸಂಗತಿಗಳ ಮುಗಿಯದ ದುಗುಡ/
ಆರ್ಭಟಿಸುವ ಸ್ವಾರ್ಥಗಳಲ್ಲಿ ನೊಂದ ಜೀವಗಳು ಕೇಳಲು ಸಿಕ್ಕಿವೆ ಎಲ್ಲೆಲ್ಲೂ//
ಬಸವರಾಜ ಕಾಸೆ