ದೆಹಲಿ: ಭಾರತದಲ್ಲಿ ಕೊರೋನ ಸೋಂಕಿನ ನಾಗಲೋಟ ಮುಂದುವರಿದಿದ್ದು ಗುರುವಾರ ಒಂದೇ ದಿನ 2,16,902 ಮಂದಿಗೆ ಕೊರೋನ ಪಾಸಿಟಿವ್ ಆಗಿದ್ದು 1,184 ಮಂದಿ ಸೋಂಕಿತರು ದೇಶದಲ್ಲಿ ನಿನ್ನೆ ಮೃತಪಟ್ಟಿದ್ದಾರೆ.
ಮಾರ್ಚ್ 31ರಂದು ದೇಶದಲ್ಲಿ ಸಕ್ರಿಯ ಪ್ರಕರಣಗಳ ಸಂಖ್ಯೆ 6 ಲಕ್ಷದಷ್ಟಿತ್ತು. ಪ್ರಸ್ತುತ ಸಕ್ರಿಯ ಪ್ರಕರಣಗಳ ಸಂಖ್ಯೆ 15 ಲಕ್ಷದ ಗಡಿ ದಾಟಿದೆ. ಮಹಾರಾಷ್ಟ್ರದಲ್ಲಿ ಒಂದೇ ದಿನ 61,695 ಪ್ರಕರಣಗಳು ಬೆಳಕಿಗೆ ಬಂದಿದೆ.
ಗುರುವಾರ ಮಹಾರಾಷ್ಟ್ರದಲ್ಲಿ 349 ಮಂದಿ ಮೃತಪಟ್ಟರೆ ಛತ್ತೀಸ್ಗಢದಲ್ಲಿ 135, ದಿಲ್ಲಿಯಲ್ಲಿ 112, ಉತ್ತರ ಪ್ರದೇಶದಲ್ಲಿ 104, ಗುಜರಾತ್ನಲ್ಲಿ 81, ಕರ್ನಾಟಕದಲ್ಲಿ 66 ಮತ್ತು ಮಧ್ಯಪ್ರದೇಶ 53 ಮಂದಿ ಮೃತಪಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.
