ಬಂಟ್ವಾಳ: ಪಕ್ಷ ಸಂಘಟನೆಗಾಗಿ ಪಿಲಾತಬೆಟ್ಟುವಿನಲ್ಲಿ ಮಹಿಳಾ ವಲಯ ಕಾಂಗ್ರೆಸ್ ಸಭೆಗೆ ಚಾಲನೆ ಕೊಟ್ಟ ಬಿ ರಮಾನಾಥ್ ರೈ.
ಪಿಲಾತಬೆಟ್ಟು ಮಹಿಳಾ ವಲಯ ಕಾಂಗ್ರೆಸ್ ನ ಸಭೆಯು ವಾಲ್ಟರ್ ಪಿಂಟೋ ರವರ ಮನೆಯ ವಠಾರದಲ್ಲಿ ಜರಗಿತು. ಸಮಾರಂಭದಲ್ಲಿ ಮಾಜಿ ಸಚಿವರಾದ ಬಿ ರಮಾನಾಥ ರೈಯವರು ಹಾಗೂ ಮಹಿಳಾ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಲವೀನ ಮೊರಸ್, ಬ್ಲಾಕ್ ಅಧ್ಯಕ್ಷರಾದ ಬೇಬಿ ಕುಂದರ್, ಜಿಲ್ಲಾ ಪಂಚಾಯತ್ ಸದಸ್ಯರಾದ ಪದ್ಮಶೇಖರ್ ಜೈನ್, ಬ್ಲಾಕ್ ಉಪಾಧ್ಯಕ್ಷರಾದ ಖಂಡಿಗೆ ಸುಧಾಕರ್ ಶೆನೋಯ್ ಹಾಗೂ ಪಿಲಾತ್ತಬೆಟ್ಟು ವಲಯದ ಪ್ರಮುಖರಾದ ಸಿಂತಿಯಾ ಪಿಂಟೋ, ಪುಷ್ಪಲತಾ ಮೋಹನ್, ಬೇನೆಡಿಕ್ಟ್ರ ಡಿ ಸೋಜಾ, ಪ್ರಮೀಳಾ ಬಾಲಾಜಿ, ರಾಜೇಂದ್ರ ಕೆವಿ,ಬಾಲಾಜಿ ರಾವ್, ನೆಲ್ವಿಸ್ಟರ್ ಪಿಂಟೋ, ಮೋಹನ್ ಸಾಲಿಯಾನ್, ವಾಲ್ಟರ್ ಪಿಂಟೊ ಹಾಗೂ ಎಲ್ಲಾ ಸಮಿತಿಯ ಪದಾಧಿಕಾರಿಗಳು ಕಾರ್ಯಕರ್ತರು ಭಾಗವಹಿಸಿದ್ದರು
ಲವೀನಾ ಮೋರಸ್ ರವರು ಸರ್ಕಾರದಿಂದ ಮಹಿಳೆಯರಿಗೆ ಸಿಗುವ ಸೌಲಭ್ಯಗಳ ಬಗ್ಗೆ ಮಾಹಿತಿ ನೀಡಿದರು. ತದನಂತರ ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಬೇಬಿ ಕುಂದರ್ ಅವರು ಪಿಲಾತಬೆಟ್ಟು ಗ್ರಾಮದಲ್ಲಿ ಇಷ್ಟೊಂದು ಮಹಿಳೆಯರು ಸೇರಿದ್ದು ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್ ಗೆಲುವಿಗೆ ದಿಕ್ಸೂಚಿ ಎಂದರು. ಮೊತ್ತಮೊದಲ ವಲಯ ಮಟ್ಟದ ಮಹಿಳಾ ಕಾರ್ಯಕ್ರಮ ಯಶಸ್ವಿಯಾಗಿ ನೆರವೇರಿಸಿದ್ದಕ್ಕೆ ಪಕ್ಷದ ಪ್ರಮುಖರಿಗೆ ಹಾಗೂ ಕಾರ್ಯಕರ್ತರಿಗೆ ಅಭಿನಂದನೆಯನ್ನು ಸಲ್ಲಿಸಿದರು.
ಮಹಿಳೆಯರಿಗೆ ಚುನಾವಣೆಯಲ್ಲಿ ಅತ್ಯಧಿಕ ಪ್ರಮಾಣದಲ್ಲಿ ಮೀಸಲಾತಿ ಕೊಟ್ಟಿದ್ದು ಕಾಂಗ್ರೆಸ್, ಸಾಮಾಜಿಕ ಕ್ಷೇತ್ರದಲ್ಲಿ, ಉದ್ಯಮ ಕ್ಷೇತ್ರದಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ಕಾಂಗ್ರೆಸ್ ನಾಯಕಿ ಇಂದಿರಾಗಾಂಧಿಯವರು ನೀಡಿದ್ದಾರೆ ಅಂತೆಯೇ ಮಹಿಳೆಯರ ರಕ್ಷಣೆಗಾಗಿ ಹಲವಾರು ಕಾನೂನುಗಳನ್ನು ತಂದದ್ದು ಕಾಂಗ್ರೆಸ್ ಸರಕಾರ ಎಂದು ಮಾಜಿ ಸಚಿವ ರಮನಾಥ ರೈ ಅವರು ಹೇಳಿದರು.
ಪುಷ್ಪಲತಾ ಮೋಹನ್ ಸಾಲ್ಯಾನ್ ರವರು ಎಲ್ಲರನ್ನೂ ಸ್ವಾಗತಿಸಿ, ವನಿತಾ ಆನಂದರವರು ಧನ್ಯವಾದ ಹೇಳಿದರು. ಬೆನೆಡಿಕ್ಟ್ ಡಿಸೋಜ ರವರು ಕಾರ್ಯಕ್ರಮ ನಿರೂಪಿಸಿದರು.
