ಬೆಳ್ತಂಗಡಿ: ಕೊರೊನಾ ಮಹಾಮಾರಿಯ ಅಟ್ಟಹಾಸದ ನಡುವೆಯು ಪ್ರತಿಭೆಗೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಬೆಳ್ತಂಗಡಿಯ ಉತ್ಸಾಹಿ ಯುವಕರ ತಂಡವೊಂದು ಬೋಧಿ ಮೀಡಿಯಾ ಎಂಬ ಯೂಟ್ಯೂಬ್ ಚಾನಲ್ ಮೂಲಕ ವಿಶ್ವ ದಾಖಲೆಯ ಕನಸನ್ನು ನನಸಾಗಿಸಿಕೊಂಡಿದೆ.
ಲಾಕ್ ಡೌನ್ ನಲ್ಲಿ ಮನೆಯಲ್ಲಿ ಕೂತು ಏನು ಮಾಡಬಹುದು ಎಂಬ ಎಷ್ಟೋ ಜನರ ಯೋಚನೆಗೆ ಈ ಯುವತಂಡ ವಿಶ್ವ ದಾಖಲೆಯನ್ನು ಮಾಡಿ ಸಮಯದ ಸದುಪಯೋಗ ತಿಳಿಸಿಕೊಟ್ಟಿದೆ. ಈ ತಂಡವೂ ಸಮೂಹ ಪ್ರತಿಭಾ ಪ್ರದರ್ಶನ ಎಂಬ ಕಾರ್ಯಕ್ರಮಕ್ಕೆ ಗೊಲ್ಡನ್ ಬುಕ್ ಆಫ್ ವಲ್ಡ್ ರೆಕಾರ್ಡ್ ಸಂಸ್ಥೆ ವಿಶ್ವದಾಖಲೆ ಮಾನ್ಯತೆಯ ಪ್ರಮಾಣಪತ್ರ ನೀಡಿ ಗೌರವಿಸಿದೆ. ಸುಮಾರು 2 ಸಾವಿರ ಮಕ್ಕಳು ಮನೆಯಲ್ಲೆ ವೀಡಿಯೋ ಮುಖಾಂತರ ಏಕಕಾಲದಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದ ಕಾರ್ಯಕ್ರಮ ವಿಶ್ವ ದಾಖಲೆ ಮಾಡಿತು.
ಬೋಧಿ ಮೀಡಿಯ ಎಂಬ ಯೂಟ್ಯೂಬ್ ಚಾನಲ್ ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಸ್ಮಿತೇಶ್ ಎಸ್. ಬಾರ್ಯ, ಅನೀಶ್, ಅನನ್ಯ, ತೇಜಸ್ವಿನಿ, ದೀಕ್ಷಿತ್ ಕೆ., ಅಕ್ಷಯ್, ದೀಕ್ಷಿತ್ ಭಂಡಾರಿ, ಚಂದ್ರಹಾಸ ಬಳಂಜ, ಹರ್ಷಿತ ಟಿ.ಪಿ.
ಕಾರ್ಯಕ್ರಮದ ಮುಂದಾಳತ್ವ ವಹಿಸಿದ್ದರು.
