ಬಂಟ್ವಾಳ: ತಂದೆ ತಾಯಿಯನ್ನು ಕಳೆದುಕೊಂಡು ಅನಾಥ ಮಕ್ಕಳಿಗೆ ಕರ್ನಾಟಕ ರಾಜ್ಯ ಕುಂಬಾರ ಸರ್ಕಾರಿ ನೌಕರರ ಕ್ಷೇಮಾಭಿವೃದ್ಧಿ ಯಿಂದ ಧನ ಸಹಾಯ.
ದ. ಕ ಜಿಲ್ಲೆ ಬಂಟ್ವಾಳ ತಾಲೂಕು ಸಜಿಪಪಡು ಗ್ರಾಮದ ಮುಂಡೆ ಯಿಗುರಿ ಎಂಬಲ್ಲಿನ ನಿವಾಸಿ ತಿಮ್ಮಪ್ಪ ಮೂಲ್ಯ ಹಾಗೂ ಶಾರದ
ದಂಪತಿಗಳು ಇಬ್ಬರೂ ಕೂಡ ಅನಾರೋಗ್ಯದಿಂದ ಮೃತಪಟ್ಟಿದ್ದಾರೆ.
ತಿಮ್ಮಪ್ಪ ಮೂಲ್ಯ ಅನಾರೋಗ್ಯ ದಿಂದ ಮೃತಪಟ್ಟ ಕೆಲವೇ ಸಮಯದ ಬಳಿಕ ಕಿಡ್ನಿ ಸಮಸ್ಯೆ ಯಿಂದ ಬಳಲುತ್ತಿದ್ದ ಶಾರದಾರವರು ಕರೋನ ಸೊಂಕು ತಗುಲಿ ಮೃತಪಟ್ಟಿದ್ದಾರೆ.
ತಂದೆ ಹಾಗೂ ತಾಯಿಯನ್ನು ಕಳೆದುಕೊಂಡ ಬಬಿತಾ ಹಾಗೂ ಹರ್ಷಿತ ಕುಲಾಲ ಇಬ್ಬರು ಹೆಣ್ಣುಮಕ್ಕಳನ್ನು ಇವರ ಚಿಕ್ಕಮ್ಮ ಸೂರಿಕುಮೇರು ಅವರ ಮನೆಯಲ್ಲಿ ಸಾಕುತ್ತಿದ್ದಾರೆ.
ಅನಾಥ ಮಕ್ಕಳಿಗೆ ಕರ್ನಾಟಕ ರಾಜ್ಯ ಕುಂಬಾರ ಸರಕಾರಿ ನೌಕರರ ಕ್ಷೇಮಾಭಿವ್ರದ್ಧಿ ಸಂಘ ಕೊಡಮಾಡಿದ ರೂ.5000- ದ ಚೆಕ್ ಯುವೇದಿಕೆಯ ಮುಖಾಂತರ ವಿತರಿಸಿದ್ದಾರೆ.
ಈ ಸಂದರ್ಭ ಕುಟುಂಬದ ಸಂಕಷ್ಟದ ಪರಿಸ್ಥಿತಿ ತಿಳಿದು ಮಕ್ಕಳ ಉಚಿತ ವಿದ್ಯಾಭ್ಯಾಸಕ್ಕೆ ಸಕಲ ನೆರವು ನೀಡಲು ವೇದಿಕೆ ನಿರ್ಧರಿಸಿದೆ.
ಮಕ್ಕಳ ಸ್ಥಿತಿಯ ಬಗ್ಗೆ ರೋಟರಿ ಕಾರ್ಯಕ್ರಮದಲ್ಲಿ ವಿಷಯ ತಿಳಿದ ನಿವೃತ್ತ ಡೆಪ್ಯೂಟಿ ಕಮಾಂಡೆಂಟ್ ಚಂದಪ್ಪ ಮೂಲ್ಯರು ಒಂದು ಮಗುವನ್ನು ದತ್ತು ಪಡೆಯಲು ಒಪ್ಪಿದ್ದಾರೆ.
ಕುಲಾಲ ವೇದಿಕೆಯ ತಂಡ ಸುಕುಮಾರ್ ಬಂಟ್ವಾಳ್ ವೇದಿಕೆ ಜಿಲ್ಲಾಧ್ಯಕ್ಷ ನೇತೃ ತ್ವದಲ್ಲಿ ಹಿರಿಯ ಬಾಲಕಿ ಕುರ್ನಾಡು ಪಿ ಯು ಕಾಲೇಜಿ ನಲ್ಲಿ ದ್ವಿತೀಯ ಪಿ ಯು ಓದುತ್ತಿದ್ದು ಅದೇ ಕಾಲೇಜಲ್ಲಿ ಉಚಿತವಾಗಿ ಶಿಕ್ಷಣಕ್ಕೆ ವ್ಯವಸ್ಥೆ ಮಾಡಿದೆ.
ಕಿರಿಯ ಬಾಲಕಿ ,ಪಿ.ಯು.ಸಿ.ಗೆ ಸೇರಬೇಕಾದುದರಿಂದ ಚಿಕ್ಕಮ್ಮನ ಮನೆ ಸೂರಿಕುಮೇರು ನಲ್ಲಿ ಇರುವುದರಿಂದ ಹತ್ತಿರದ ಕಲ್ಲಡ್ಕ ದ ಶ್ರೀ ರಾಮ ವಿದ್ಯಾ ಸಂಸ್ಥೆಗೆ ಸೇರಿಸಲು ವೇದಿಕೆಯ ಪ್ರಯತ್ನ ಸಫಲವಾಗಿದೆ.
ವರ್ಷದ ಮಟ್ಟಿಗೆ ಕುಲಾಲ ಯುವವೇದಿಕೆಯು ಉಚಿತ ಶಿಕ್ಷಣದ ವ್ಯವಸ್ಥೆ ಮಾಡಿದ್ದು, ಮುಂದೆ ಈ ಮಗುವನ್ನು ಉಚಿತ ಶಿಕ್ಷಣ ನೀಡುವ ಹಿನ್ನೆಲೆಯಲ್ಲಿ ದತ್ತುಪಡೆಯುವ ಮೂಲಕ ಚಂದಪ್ಪ ಮೂಲ್ಯರು ಈ ಮಗುವಿನ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದಾರೆ.
