ಬಂಟ್ವಾಳ: ರೋಟರಿ ಜಿಲ್ಲೆ 3181ರ 54 ವರ್ಷಗಳ ಹಿರಿಯ ಕ್ಲಬ್ ಎನಿಸಿಕೊಂಡಿರುವ ಬಂಟ್ವಾಳ ರೋಟರಿ ಕ್ಲಬ್ನ 2023-24ನೇ ಸಾಲಿನ ನೂತನ ಅಧ್ಯಕ್ಷ ಬಿ.ಪ್ರಕಾಶ್ ಬಾಳಿಗಾ ಹಾಗೂ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ಜು. 8ರಂದು ಸಂಜೆ 6.30ಕ್ಕೆ ಬಿ.ಸಿ.ರೋಡಿನ ರೋಟರಿ ಬಿ.ಎ.ಸೋಮಯಾಜಿ ಮೆಮೋರಿಯಲ್ ಹಾಲ್ನಲ್ಲಿ ನಡೆಯಲಿದೆ ಎಂದು ಅಧ್ಯಕ್ಷ ಬಿ.ಪ್ರಕಾಶ್ ಬಾಳಿಗಾ ಹೇಳಿದ್ದಾರೆ.
ಅವರು ಬಿ.ಸಿ.ರೋಡಿನ ಪ್ರೆಸ್ಕ್ಲಬ್ನಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಮುಂದಿನ ದಿನಗಳಲ್ಲಿ ಜಿಲ್ಲಾ ಗವರ್ನರ್ ಎಚ್.ಆರ್.ಕೇಶವ್ ಅವರ ಆಶಯದಂತೆ ಸೇವಾ ಕಾರ್ಯವಾದ ಅಂಗನವಾಡಿಗಳ ಉನ್ನತೀಕರಣದ ಜತೆಗೆ ಮಾನಸಿಕ ಆರೋಗ್ಯ ಶಿಬಿರ, ಮಳೆ ನೀರು ಮರುಪೂರಣ ಮೊದಲಾದ ಸೇವಾ ಚಟುವಟಿಕೆಗಳನ್ನು ಹಮ್ಮಿಕೊಳ್ಳಲಿದ್ದೇವೆ.
ಗಣ್ಯರ ಸಮ್ಮುಖದಲ್ಲಿ ಪೂರ್ವ ಜಿಲ್ಲಾ ಗವರ್ನರ್ ಕೆ.ಕೃಷ್ಣ ಶೆಟ್ಟಿ ಅವರು ಪದಗ್ರಹಣ ನೆರವೇರಿಸಲಿದ್ದಾರೆ. ಈ ಸಾಲಿನ ಕ್ಲಬ್ ಕಾರ್ಯದರ್ಶಿಯಾಗಿ ಬಿ.ಸದಾಶಿವ ಬಾಳಿಗಾ, ಉಪಾಧ್ಯಕ್ಷ ಬಸ್ತಿ ಮಾಧವ ಶೆಣೈ, ಖಜಾಂಚಿ ಸಂದೀಪ್ ಮೆನೇಜಸ್, ನಿಕಟಪೂರ್ವ ಅಧ್ಯಕ್ಷ ಪುಷ್ಪರಾಜ್ ಹೆಗ್ಡೆ, ನಿರ್ದೇಶಕರಾಗಿ ಕ್ಲಬ್ ಸೇವೆಗೆ ಬೇಬಿ ಕುಂದರ್, ವೃತ್ತಿ ಸೇವೆ ಎಸ್.ಶಾಂತರಾಜ್, ಸಮಾಜ ಸೇವೆ ಶಾಂತಿ ಪ್ರಕಾಶ್ ಡಿಸೋಜ, ಯುವಜನ ಸೇವೆ ರಾಜೇಶ್ ಸುವರ್ಣ, ಅಂತಾರಾಷ್ಟಿçÃಯ ಸೇವೆ ಮುರಳೀಧರ ಪ್ರಭು, ಕ್ಲಬ್ ತರಬೇತುದಾರ ಕೆ.ನಾರಾಯಣ ಹೆಗ್ಡೆ, ಧಂಡಾಧಿಕಾರಿ ವಸಂತ ಪ್ರಭು, ಜತೆ ಕಾರ್ಯದರ್ಶಿ ಶ್ರೀವಿದ್ಯಾ ರೈ, ಕಾರ್ಯನಿರ್ವಾಹಕ ಕಾರ್ಯದರ್ಶಿ ಬಿ.ರಿತೇಶ್ ಬಾಳಿಗಾ ಅವರು ಕಾರ್ಯನಿರ್ವಹಿಸಲಿದ್ದಾರೆ ಎಂದರು.
ಪತ್ರಿಕಾಗೋಷ್ಠಿಯಲ್ಲಿ ರೋಟರಿ ಪದಾಽಕಾರಿಗಳಾದ ಬಿ.ಸದಾಶಿವ ಬಾಳಿಗಾ, ಬಸ್ತಿ ಮಾಧವ ಶೆಣೈ, ಕೆ.ನಾರಾಯಣ ಹೆಗ್ಡೆ, ಬಿ.ರಿತೇಶ್ ಬಾಳಿಗಾ, ಎಸ್.ಶಾಂತರಾಜ್ ಉಪಸ್ಥಿತರಿದ್ದರು
