ಯಕ್ಷ ಚಿಗುರು ಕಲಾ ತಂಡ ಅಡ್ಯಾಲು ಅಜಿಲಮೊಗರು ಇದರ ವತಿಯಿಂದ ಬ್ರಹ್ಮಶ್ರೀ ನಾರಾಯಣ ಗುರು ಪೂಜೆ ಮತ್ತು ನೂತನ ನಾರಾಯಣ ಗುರು ವೇದಿಕೆ ಉದ್ಘಾಟನೆ ಇಂದು ನಡೆಯಿತು.
ನವೀನ್ ಶಾಂತಿ ಅಡ್ಯಾಲು ಇವರ ಮುಂದಾಳತ್ವದಲ್ಲಿ ಮುನ್ನಡೆಯುತ್ತಿರುವ ಯಕ್ಷ ಚಿಗುರು ಕಲಾ ತಂಡದ ವತಿಯಿಂದ ಸಾಯಿ ಶಾಂತಿ ಕೋಕಲ ಇವರ ಪೌರೋಹಿತ್ವದಲ್ಲಿ ಬ್ರಹ್ಮಶ್ರೀ ನಾರಾಯಣ ಗುರು ಪೂಜೆ ಹಾಗೂ ಶ್ರೀ ಮಹಾವಿಷ್ಣುಮೂರ್ತಿ ಭಜನಾ ಮಂಡಳಿ ಇಳಿಯೂರು ಇವರಿಂದ ಭಜನಾ ಸಂಕೀರ್ತನೆ ಕಾರ್ಯಕ್ರಮ ನಡೆಯಿತು. ನಂತರ ನಾರಾಯಣ ಗುರು ವೇದಿಕೆಯ ಉದ್ಘಾಟನೆ ಕಾರ್ಯದಲ್ಲಿ ಪ್ರಶಾಂತ್ ನಾಯಕ್ ಮಾವಿನಕಟ್ಟೆ, ನಟರಾಜ್ ಪೂಜಾರಿ ಕುಟ್ಟಿಕಲ ಮತ್ತು ಪುರುಷೋತ್ತಮ ಪೂಜಾರಿ ಕಾಯರ್ ಪಲ್ಕೆ ಇವರಿಗೆ ಗೌರವಾರ್ಪಣೆ ನಡೆಯಿತು. ಸಭಾ ವೇದಿಕೆಯಲ್ಲಿ ಪುರುಷೋತ್ತಮ ಪೂಜಾರಿ ಮೊಗರು ಮಜಲು, ಶಿವಪ್ಪ ಪೂಜಾರಿ ಹಟದಡ್ಕ, ಸಾಯಿ ಶಾಂತಿ ಕೋಕಲ, ಲಕ್ಷ್ಮೀನಾರಾಯಣ ನೇಲ್ಯಪಲ್ಕೆ, ಮತ್ತು ನವೀನ್ ಶಾಂತಿ ಅಡ್ಯಾಲು ಉಪಸ್ಥಿತರಿದ್ದು, ಯಕ್ಷ ಚಿಗುರು ಕಲಾ ತಂಡದ ವಿದ್ಯಾರ್ಥಿಗಳು, ಊರ ಪರವೂರ ನಾಗರಿಕರು ಭಾಗವಹಿಸಿದರು.
