Wednesday, October 25, 2023

ವಿಟ್ಲ ದಸರಾ ಸಮಾಪನ: ವಿಜೃಂಭಣೆಯ ಶೋಭಾಯಾತ್ರೆ 

Must read

ವಿಟ್ಲ: ವಿಟ್ಲ ಶ್ರೀ ದೇವತಾ ಸಮಿತಿ ಆಶ್ರಯದಲ್ಲಿ ನಡೆದ 52ನೇ ವರ್ಷದ ‘ವಿಟ್ಲ ದಸರಾ’ ಸಭಾ ಕಾರ್ಯಕ್ರಮ, ವಿಜೃಂಭಣೆಯ ಶೋಭಾಯಾತ್ರೆ, ವಿಗ್ರಹ ವಿಸರ್ಜನೆಯೊಂದಿಗೆ ಸಮಾಪನಗೊಂಡಿತು.

ಸಮಾರೋಪ ಸಭೆ ವಿಟ್ಲ ಉದ್ಯಮಿ ಪಿ ಸುಬ್ರಾಯ ಪೈ ಯವರ ಅಧ್ಯಕ್ಷತೆಯಲ್ಲಿ ನಡೆಯಿತು.

ಮುಖ್ಯ ಅತಿಥಿಗಳಾಗಿ ಪುತ್ತೂರು ವಿವೇಕಾನಂದ ಬಿ.ಎಡ್ ಕಾಲೇಜಿನ ಪ್ರಾಂಶುಪಾಲೆ ಶೋಭಿತಾ ಸತೀಶ್, ವಿಟ್ಲ ಸಿಟಿ ಲಯನ್ಸ್ ಕ್ಲಬ್ ಅಧ್ಯಕ್ಷ ಜಯರಾಮ ಬಲ್ಲಾಳ ಮತ್ತು ವಿಟ್ಲ ಹಿಂದೂ ಯುವ ಸೇನೆ ಅಧ್ಯಕ್ಷ ಪಲಿಮಾರು ರಘುಪತಿ ಪೈ ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ ಸಾರ್ವಜನಿಕರಿಗೆ ಆಯೋಜಿಸಿದ ವಿವಿಧ ಸ್ಪರ್ಧೆಯಲ್ಲಿ ವಿಜೇತರಾದವರಿಗೆ ಬಹುಮಾನ ನೀಡಲಾಯಿತು.

ಶ್ರೀ ದೇವತಾ ಸಮಿತಿ ಅಧ್ಯಕ್ಷ ರಾಧಾಕೃಷ್ಣ ನಾಯಕ್ ಸ್ವಾಗತಿಸಿದರು. ಕಾರ್ಯದರ್ಶಿ ಗೋಕುಲ್ ದಾಸ್ ಶೆಣೈ ವಂದಿಸಿದರು. ಜೇಸಿ ಶಾಲಾ ಆಡಳಿತಾಧಿಕಾರಿ ರಾಧಾಕೃಷ್ಣ ಎರುಂಬು ನಿರೂಪಿಸಿದರು. ಶ್ರೀ ದೇವತಾ ಸಮಿತಿ ಉಪಾಧ್ಯಕ್ಷರುಗಳಾದ ಅಶೋಕ ಕುಮಾರ್ ಶೆಟ್ಟಿ, ಕೆ ಸದಾಶಿವ ಆಚಾರ್ಯ ಮತ್ತು ಪ್ರಭಾಕರ ಆಚಾರ್ಯ ಜತೆ ಕಾರ್ಯದರ್ಶಿಗಳಾದ ವಿ ರಾಘವೇಂದ್ರ ಪೈ, ಶೀನ ಕಾಶಿಮಠ ಮತ್ತು ರವಿಚಂದ್ರ ಕಾಮತ್, ಕೋಶಾಧಿಕಾರಿಗಳಾದ ಕೆ ಕೃಷ್ಣಪ್ರಸಾದ್ ಶೆಣೈ ಮತ್ತು ಮೋನಪ್ಪ ಗೌಡ ಶಿವಾಜಿನಗರ, ನಿತ್ಯಾನಂದ ನಾಯಕ್, ಕರುಣಾಕರ ಶೆಟ್ಟಿಗಾರ್, ಸುಭಾಶ್ಚಂದ್ರ ನಾಯಕ್, ರಾಂಪ್ರಕಾಶ್ ನಾಯಕ್ ಮತ್ತಿತರರು ಉಪಸ್ಥಿತರಿದ್ದರು.

ಶ್ರೀ ದೇವಿಯ ಶೋಭಾಯಾತ್ರೆಯ ಬಳಿಕ ಶ್ರೀ ಅನಂತೇಶ್ವರ ದೇವಸ್ಥಾನದ ಕೆರೆಯಲ್ಲಿ ವಿಗ್ರಹ ವಿಸರ್ಜನೆ ನಡೆಸಲಾಯಿತು.

More articles

Latest article