ಕಾಟಿನ ಬಾಲ್ಯ ವರ್ಷ 6 ಆಯಿನೆಟ್ಟ ಬಾರ್ಕೂರುದ ಶ್ರೀ ದೇವದಾಸ ಗಡಿಯಾರ್ ರೆನ ಪಾಲನೆ ಪೋಷಣೆ ಇತ್ತೆ, ಶ್ರೀ ಗಡಿಯಾರ್ ರೆನ ಪುದಾರ್ ಡ್ ಕಾಟಿ ಜೂನಿಯರ್ ವಿಭಾಗೋಡು ಪ್ರಥಮ ಮೆಡಲ್ ಮಲ್ದಿನಿ ಶಿರ್ವದ ಕರೆಟ್. ಶಿರ್ವ ವಿಶ್ವನಾಥ ಪ್ರಭುಕ್ಲು ಗಿಡಾದಿನಿ.
ಜೂನಿಯರ್ ವಿಭಾಗೋಡು 3 ವರ್ಸ ಮಸ್ತ್ ಮೆಡಲ್ ಮಲ್ಪುನಗ , ಕಾಟಿಗ್ ಜತೆ 4 ಎರ್ಲು ಆದಿತ್ತಗೆ. ಕಾಟಿಗ್ 6 ಪರು ಆನಗ ಕಾಟಿನೋಟ್ಟು ಪಾರುನ ಎರು ಮಲ್ಪರೆನೇ ಕಷ್ಟ ಆಂಡ್ ಗೆ. ಅದಗ ಬಾರ್ಕೂರು ಶಾಂತಾರಾಮ ಶೆಟ್ರೆಡ ಒಂಜಿ ಮೋಡೆ ಕಂಜಿನ್ ಕಾಟಿಗ್ ಜತೆ ಮಲ್ತೆರ್, ದೇವದಾಸ ಗಡಿಯಾರ್ ರು. ಆ ಸೀಸನ್ ಡ್ 1 ಕಂಬುಲಡ್ ಶಾಂತಾರಾಮ ಶೆಟ್ರೆನ ಪುದರ್ಡ್, ನನಂಜಿ ಕಂಬುಲಡ್ ದೇವದಾಸ ಗಡಿಯಾರ್ ರೆನ ಪುದಾರ್ಡ್ ಕಂಬುಲಡ್ ಪಾಲ್ಪಡೆದ್, ಆ ವರ್ಸ ಕಾಟಿ ಚಾಂಪಿಯನ್ ಆಫ್ ದಿ ಇಯರ್ ದ ಪುರಸ್ಕಾರ ಗೌರವ ಪ್ರಾಪ್ತಿ ಆಂಡ್
1998 ಡು, ಬಾರ್ಕೂರು ದೇವದಾಸ ಗಡಿಯಾರ್ ರು ಕಾಟಿನ್ ಬೆಳುವಾಯಿ ಶ್ರೀ ಸದಾನಂದ ಶೆಟ್ರೆಗ್ ಹಸ್ತಾಂತರ ಮಲ್ತೆರ್ , ಕಾಟಿ ಬೆಳುವಾಯಿಗ್ ಬತ್ತೆ. ಬೆಳುವಾಯಿ ಸದಾನಂದ ಶೆಟ್ರೆನ ಪುದಾರ್ ಡ್ , ಸೀನಿಯರ್ ಬಲ್ದ ಮಲ್ಲ ವಿಭಾಗಡ್ ,
“ಕಾಟಿ- ಮಾತಿಬೆಟ್ಟು” ಜೋಡಿ ರಂಗ ಪ್ರವೇಶ. ಸೀನಿಯರ್ ವಿಭಾಗ ಎಂಟ್ರಿದ ವರ್ಸನೇ ಕಾಟಿನ ಪಾರುನ ಸ್ಪೀಡ್ ಗ್ , ಹೆಚ್ಚಿನ ಕಂಬುಲಡ್ ಬಹುಮಾನ.
2001 ಡು ,ಬೆಳುವಾಯಿ ಸದಾನಂದ ಶೆಟ್ರೆನ ಕೈಡ್ದ್, “ಬೋಳಂತೂರು ಗಂಗಾಧರ ರೈ”ಕ್ಲು ‘ಕಾಟಿ – ಮಾತಿಬೆಟ್ಟು’ ಜೋಡಿನ್ ಗೆತೋಂದು, ಕಾಟಿ ಬೋಳಂತೂರುದ ಕಿದೆಕ್ಕ್ ಬತ್ತೆ. ಗಿಡಾಯರೆ, “ಈದು ಪಾಡ್ಯಾರ್ ಅಶೋಕ್ ಕುಮಾರ್ ಜೈನ್ ರು” ಬೋಳಂತೂರು ಗು ಬತ್ತಿ ಬೋಕ್ಕ ಕಾಟಿ ಮೂಜಿ ವರ್ಸ ಚಾಂಪಿಯನ್ ಆಫ್ ದ ಇಯರ್ ಪ್ರಶಸ್ತಿಗ್ ಪಾತ್ರ ಆಯೆ.
ಅಂಚ 2012 ಮುಟ್ಟಲಾ ಬಲ್ದ ಮಲ್ಲ ವಿಭಾಗಡ್ ಮೆಡಲ್ ಮಲ್ತೋಂದು ಬತ್ತಿನ ಕಾಟಿ, 2015ಡು ಕನಪಲಾಯಿದ ವಿಭಾಗೋಡು ಪಾಲ್ಪಡೆದ್ ಬಹುಮಾನಗ್ ಭಾಜನ ಆಯೆ.
ಪುತ್ತೂರಿನ ಕೋಟಿ – ಚೆನ್ನಯ ಕಂಬಳ, 25ನೇ ವರ್ಷಾಚರಣೆಯ ಬೆಳ್ಳಿ ಹಬ್ಬದ ಸಂಭ್ರಮ. ಈ ಸಂಭ್ರಮದ ಜತೆ ಜತೆಯಾಗಿ, “ಬೋಳಂತೂರು ಕಾಟಿಯ 25 ನೇ ವರ್ಷದ ಸಿಲ್ವರ್ ಜುಬ್ಲೀ ಆಚರಣೆ”, ಅದೂ ಪುತ್ತೂರಿನ ಕೋಟಿ ಚೆನ್ನಯ ಕಂಬಳಾಚರಣೆಯ ಬೆಳ್ಳಿಹಬ್ಬದ ಸಂಭ್ರಮದಲ್ಲಿ ಕಾಟಿಗೆ ಸನ್ಮಾನ, ಗೌರವಾರ್ಪಣೆ.
ಕಂಬಳ ಕ್ಷೇತ್ರದ ಎರ್ಲೆಡ್, ದೀರ್ಘಕಾಲ ಪಾರ್ದಿನ ಎರು ಬೋಳಂತೂರು ಕಾಟಿ. ತನ್ನ 25ನೇ ವರ್ಷ ಪ್ರಾಯೋಡು ಪುತ್ತೂರು ಕಂಬುಲೊಡು ಸನ್ಮಾನ ಪುರಸ್ಕಾರ ಪಡೆಯೆ. ಹೆಚ್ಚಿ ಕಮ್ಮಿ 22 ವರ್ಸ ಕಂಬುಲ ಕೂಟೋಡು ಪಾರ್ನ ಎರು ಬೋಳಂತೂರು ಕಾಟಿ.
ಲೇಖನ: – ಬಂಟ್ವಾಳ ಮಹಾಕಾಳಿಬೆಟ್ಟು ಸೀತರಾಮ್ ಶೆಟ್ಟಿ