Tuesday, April 9, 2024

*ಮಾಡರ್ನ್ ಕವನ* – *ಫಲ*

ನಿನ್ನೆ ನೆಟ್ಟ ಬಾಳೆಗಿಡ

ಇವತ್ತು ಹಣ್ಣು ನೀಡಬೇಕು

ಎನ್ನುವ ಬಯಕೆಯಲ್ಲೇ

ನಡೆದದ್ದು ಪ್ರಯೋಗ..!

ಪ್ರಯೋಗ ಯಶಸ್ವಿ

ಗೊಂಡಿತು..!

 

ನೆಟ್ಟ ಇಪ್ಪತ್ನಾಲ್ಕು ಗಂಟೆಯೊಳಗೆ

ಹಣ್ಣು ಬಿಡುವಂತೆ ಮಾಡಲಾಯಿತು.

ನಿಮಿಷ ನಿಮಿಷಕ್ಕೂ ಬೆಳವಣಿಗೆ..

ಗಂಟೆಗೊಮ್ಮೆ ನೀರು

ಒಂದಿಷ್ಟು ಗೊಬ್ಬರ

ಮತ್ತು ಮದ್ದು

ನೀಡಿದರೆ ಸಾಕು..

 

ತುಂಬಾ ಖುಷಿ

ಯಶಸ್ವಿ ಪ್ರಯೋಗ

ಇನ್ನೂ ಕಾಯಬೇಕಿಲ್ಲ

ಗಿಡ ಮರವಾಗಲು

ಹೂ ಬಿಟ್ಟು

ಕಾಯಿಯಾಗಲು

ಒಂದೇ ದಿನದಲ್ಲಿ

ಫಲ ಗ್ಯಾರಂಟಿ..!

 

ಗಿಡ ಬೆಳೆದು

ಗೊನೆ ಬಿಟ್ಟು

ಕಾಯಿ ಹಣ್ಣಾಗಿಯೇ ಬಿಟ್ಟಿತು..

 

ಆದರೆ..

ಹಣ್ಣು ಕಿತ್ತು

ಸಿಪ್ಪೆ ತೆಗೆದು

ಬಾಯಿಗೆ

ಇಡುವ ಹೊತ್ತಿಗೆ

ಹಣ್ಣು ಕೊಳೆತೂ ಬಿಟ್ಟಿತು..!

 

ಕಾಯದೆ ಸಿಕ್ಕ

ಫಲ

ಕೊಳೆತು ಹೋಗುವುದು ಸಾಮಾನ್ಯ..!

 

ಯತೀಶ್ ಕಾಮಾಜೆ

More from the blog

300 ರೂ. ಗಡಿಯತ್ತ ಹಸಿ ಕೊಕ್ಕೊ… 900 ರೂ. ಗಡಿಯತ್ತ ಒಣ ಕೊಕ್ಕೊ

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ....

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...