ಸಿದ್ದಕಟ್ಟೆ ಸ.ಪ್ರ.ದ. ಕಾಲೇಜ್: ಮಾತೃ ಭಾಷಾ ಆಚರಣೆ

ಬಂಟ್ವಾಳ: ಸಿದ್ದಕಟ್ಟೆ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಮಾತೃಭಾಷಾ ದಿನಾಚರಣೆಯನ್ನು ವಿಭಿನ್ನ ರೀತಿಯಲ್ಲಿ ಆಚರಿಸಿದರು. ಸಿದ್ದಕಟ್ಟೆ ಸ.ಪ್ರೌ.ಶಾಲೆಯ ಪದವೀಧರ ಸಹಶಿಕ್ಷಕಿ ಮಮತಾ ಪಿ., ಮುಖ್ಯ ಅತಿಥಿಗಳಾಗಿ ಆಗಮಿಸಿ ಮಾತನಾಡಿ, ಮಾತೃಭಾಷೆ ತಾಯಿ ಭಾಷೆ, ನಮ್ಮ ಸಂವಹನ ಪರಿಣಾಮಕಾರಿಯಾಗಿ ನಡೆಯಬೇಕಾದರೆ ಮಾತೃಭಾಷೆ ಅನಿವಾರ್ಯ. ನಮ್ಮ ಸಂಸ್ಕೃತಿ ಕಲೆ ಹಾಗೂ ಇತಿಹಾಸವು ಸಂಪದ್ಭರಿತವಾಗಲು ಭಾಷೆಯ ಪಾತ್ರ ಹಿರಿದಾದುದು. ನಮ್ಮ ಭಾಷೆ ಸಂಪದ್ಬರಿತವಾಗಬೇಕಾದರೆ ಅದನ್ನು ಬರವಣಿಗೆ ರೂಪಕ್ಕೆ ತರುವುದು ನಮ್ಮೆಲ್ಲರ ಜವಾಬ್ದಾರಿ ಎಂದರು.