ಬಂಟ್ವಾಳ: ಕ್ರೈಂಬ್ರಾಂಚ್ ಪೊಲೀಸ್ ಎಂದು ನಂಬಿಸಿ ವ್ಯಕ್ತಿಯೊರ್ವರ ಕೈಯಿಂದ ಲಕ್ಷಾಂತರ ರೂ ಮೌಲ್ಯದ ಬಂಗಾರ ವಸ್ತುಗಳನ್ನು ದೋಚಿಕೊಂಡು ಹೋದ ಘಟನೆ ಶನಿವಾರ ಮಧ್ಯಾಹ್ನ 12 ಗಂಟೆಯ ವೇಳೆ ಕೈಕಂಬ ಎಂಬಲ್ಲಿ ನಡೆದಿದೆ.
ಪುರಸಭಾ ವ್ಯಾಪ್ತಿಯ ಬಿಸಿರೋಡಿನ ಕೈಕಂಬ ಸಮೀಪದ ಮಿತ್ತಬೈಲು ಕೊಡಂಗೆ ನಿವಾಸಿ ಶಿವರಾಮ್ ಪ್ರಸಾದ್ ಶರ್ಮ ಎಂಬವರ ಕೈಯಿಂದ ಲಕ್ಷಾಂತರ ರೂ ಮೌಲ್ಯದ ಬಂಗಾರ ದೋಚಿಕೊಂಡು ಹೋಗಿದ್ದಾರೆ.
ನಿವೃತ್ತ ಬ್ಯಾಂಕ್ ಉದ್ಯೋಗಿ ಶಿವರಾಮ್ ಪ್ರಸಾದ್ ಶರ್ಮ ಅವರು ಕೊಡಂಗೆ ಅವರ ಮನೆಯಿಂದ ಸುಮಾರು 12 ಗಂಟೆಯ ವೇಳೆ ಕೈಕಂಬ ಸೆಲೂನ್ ಗೆ ದಾರಿಯಲ್ಲಿ ನಡೆದುಕೊಂದು ಹೋಗುವ ವೇಳೆ ಬೈಕಿನಲ್ಲಿ ಬಂದ ವ್ಯಕ್ತಿಯೋರ್ವ ತಾನು ಆಶೋಕ್ ಕ್ರೈ ಬ್ರಾಂಚ್ ಪೊಲೀಸ್ ಎಂದು ಪರಿಚಯ ಮಾಡಿಕೊಂಡು, ನೀವು ಮೈಯಲ್ಲಿ ಈ ರೀತಿಯಾಗಿ ಬಂಗಾರವನ್ನು ಹಾಕಿಕೊಂಡು ತಿರುಗಬಾರದು , ಕಳ್ಳರಿದ್ದಾರೆ ಎಂದು ಹೇಳಿದ.
ಅದೇ ಹೊತ್ತಿಗೆ ಅಲ್ಲಿಗೆ ಇನ್ನೋರ್ವ ವ್ಯಕ್ತಿ ಅಲ್ಲಿಗೆ ಅಗಮಿಸಿದ, ಅ ವ್ಯಕ್ತಿಯಲ್ಲಿಯೂ ಆಶೋಕ್ ನಾನು ಕ್ರೈ ಬ್ರಾಂಚ್ ಪೊಲೀಸ್ ಎಂದು ಪರಿಚಯ ಮಾಡಿಸಿಕೊಂಡು ಬಂಗಾರ ಹಾಕಿಕೊಂಡು ಈ ರೀತಿಯಲ್ಲಿ ತಿರುಬಾರದು ಕಳ್ಳರಿದ್ದಾರೆ ಎಂದು ಅವನಲ್ಲಿಯೂ ಅದೇ ರೀತಿಯಲ್ಲಿ ಮಾತನಾಡಿದ. ಅ ಸಂದರ್ಭದಲ್ಲಿ ಎದುರಿರುವ ವ್ಯಕ್ತಿ ನಿಮ್ಮ ಐಡಿ ಕಾರ್ಡ್ ತೋರಿಸುವಂತೆ ತಿಳಿಸಿದಾಗ ಅತ ಪೊಲೀಸ್ ಐಡಿ ಕಾರ್ಡ್ ತೋರಿಸಿದ ಬಳಿಕ ಅತನ ಕೈಯಲ್ಲಿದ್ದ ಬಂಗಾರವನ್ನು ತೆಗೆದುಕೊಂಡು ಕೊಂಡು ಕರ್ಚೀಪ್ ನಲ್ಲಿ ಕಟ್ಟಿಕೊಟ್ಟ.
ಬಳಿಕ ಶಿವರಾಮ್ ಪ್ರಸಾದ್ ಶರ್ಮ ಅವರ ಕೈಯಲ್ಲಿದ್ದ ಉಂಗುರ ಹಾಗೂ ಕುತ್ತಿಗೆಯಲ್ಲಿದ್ದ ಲಕ್ಷಾಂತರ ರೂ ಮೌಲ್ಯದ ಬಂಗಾರವನ್ನು ತೆಗೆದುಕೊಡಿ ಕಟ್ಟಿಕೊಡುತ್ತೇನೆ ಎಂದು ಕೇಳಿದ , ಎಲ್ಲಾ ಬಂಗಾರವನ್ನು ಪೊಲೀಸ್ ಎಂದು ಹೇಳಿದ ಆಶೋಕ್ ಎಂಬ ವ್ಯಕ್ತಿಗೆ ನೀಡಿದರು.
ಆಶೋಕ್ ಬಂಗಾರವನ್ನು ಹಾಗೂ ಮೊಬೈಲ್ ನಲ್ಲಿಬ ಕರ್ಚೀಪ್ ನಲ್ಲಿ ಕಟ್ಟಿ ಕೊಟ್ಟು ಬೈಕಿನಲ್ಲಿ ಅಶೋಕ್ ಅವನ ಜೊತೆ ಇನ್ನೊರ್ವ ವ್ಯಕ್ತಿಯೂ ತೆರಳಿದ.
ಬಂಗಾರ ಮೊಬೈಲ್ ಫೋನ್ ನ್ನು ಕಟ್ಟಿದ ಲಕೋಟೆಯನ್ನು ಬಿಚ್ಚಿ ನೋಡಿದಾಗ ಅದರಲ್ಲಿ ಮೊಬೈಲ್ ಮಾತ್ರ ಉಳಿದ್ದಿದ್ದು ಬಂಗಾರವನ್ನು ತೆಗೆದುಕೊಂಡು ಹೋಗಿದ್ದಾರೆ ಎಂದು ಬಂಟ್ವಾಳ ನಗರ ಪೊಲೀಸ್ ಠಾಣೆಯಲ್ಲಿ ಶಿವರಾಮ್ ಪ್ರಸಾದ್ ಶರ್ಮ ದೂರು ನೀಡಿದ್ದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಸ್ಥಳಕ್ಕೆ ಬಂಟ್ವಾಳ ಡಿ.ವೈ.ಎಸ್.ಪಿ.ವೆಲೆಂಟೈನ್ ಡಿ.ಸೋಜ, ವೃತ್ತ ನಿರೀಕ್ಷಕ ಟಿ. ಡಿ.ನಾಗರಾಜ್, ಎಸ್.ಐ.ಅವಿನಾಶ್ , ಎ್.ಎಸ್. ಐ ಸಂಜೀವ, ಹೆಚ್.ಸಿ.ಸುರೇಶ್ ಬೇಟಿ ನೀಡಿ ಪರಿಶೀಲನೆ ನಡೆಸಿ ತನಿಖೆ ಮುಂದುವರಿಸಿದ್ದಾರೆ
