Friday, April 12, 2024

*ಜಗದ ಜಾದೂಗಾರ*

ಬಾನಂಗಳದ ಎದೆಯಲೆಲ್ಲ
ಹೊನ್ನ ಹಸಿರನು ಬಿತ್ತಿ
ಇಳೆಯ ನಲ್ಮೊಗಕೆ
ಹೊಳೆವ ತಿಲಕವನಿಟ್ಟು
ಜೀವ ಸಂಕುಲಕೆ ನವ
ಚೈತನ್ಯದ ತಾರುಣ್ಯವ ತುಂಬಿ
ಬಂದನಿದೋ ಸೃಷ್ಟಿಯ
ಸೊಗಸುಗಾರ ನಸುನಗುತಲಿ

ಇರುಳ ತಮವನು ನೆಕ್ಕಿ
ನುಂಗಿ ನೀರ್ಗುಡಿದು
ಬಾಯಿ ಚಪ್ಪರಿಸುತ
ನೀಲ ಉಪ್ಪರಿಗೆಯ ಮೇಲೇರಿ
ಖಗಮೃಗಗಳ ಕೊರಳಿಗೆ
ಧ್ವನಿಯೋನ್ಮಾದವ ಸುರಿದು
ಬಾನಾಡಿಗಳೊಡನಾಡಿ
ನಲಿವ ತೆಳುಗನಸಲಿ

ಅಂಬರದಿ ಅಂಡಲೆವ
ಹಿಂಡು ಮೋಡವ ಸರಿಸಿ
ಸುಳಿವ ಗಾಳಿಯ ಬಿಲ್ಲಿಗೆ
ಬಿಸಿಲ ಹೆದೆಯೇರಿಸಿ
ಗಿರಿ ಶೃಂಗ ಕಣಿವೆ ಕಾನನದ
ತುಂಬೆಲ್ಲ ಝೇಂಕರಿಸಿ
ಮಂಪರಿನ ಮೌನ ಮೊಗ್ಗೆ
ಯನೊಡೆದು ನಡೆವ
ತಾ ಸರಸದಿ

ಮುನಿದರೂ ಮುನ್ನಡೆವ
ದಣಿದರೂ ಬುಸುಗುಡುವ
ಯಾರೇನೆಂದರೂ ಕಿವಿಗೊಡದೆ
ತನ್ನಾರ್ಭಟದಲೇ ಮೈಯುಬ್ಬಿ
ಇರುಳರಳುವ ಮುನ್ನವೇ
ಮೌನ ಮುನಿಯಾಗಿ
ಅಂಬರದಿ ಇಳಿದಂಬುಧಿಯ
ಕೆಂಪೊಡಲ ಸೇರುವ
ಮಿಗೆ ಹರುಷದಿ

 

#ನೀ.ಶ್ರೀಶೈಲ ಹುಲ್ಲೂರು

ಚಿತ್ರ. ನಮ್ಮ ಮನೆಯ ಮುಂದಣ ರವಿ

More from the blog

ಆಯತಪ್ಪಿ ಬಾವಿಗೆ‌ ಬಿದ್ದ ಮಹಿಳೆ… ಅಗ್ನಿಶಾಮಕ ಸಿಬ್ಬಂದಿಗಳಿಂದ ರಕ್ಷಣೆ

ಮಂಗಳೂರು: ಬಾವಿಯಿಂದ ನೀರು ಸೇದುತ್ತಿದ್ದಾಗ ಆಯತಪ್ಪಿ ಬಾವಿಗೆ ಬಿದ್ದ ಮಹಿಳೆಯೋರ್ವರನ್ನು ಗುರುವಾರ ಕದ್ರಿ ಅಗ್ನಿಶಾಮಕ ಠಾಣೆಯವರು ರಕ್ಷಿಸಿದ್ದಾರೆ ಬಿಕ್ಕರ್ನಕಟ್ಟೆ ಸಮೀಪದ ನಿವಾಸಿ ಟ್ರೆಸ್ಸಿ ಡಿಸೋಜಾ ಅಗ್ನಿಶಾಮಕ ದಳದ ಸಿಬ್ಬಂದಿಯಿಂದ ರಕ್ಷಿಸಲ್ಪಟ್ಟ ಮಹಿಳೆ. ಸಂಜೆ 5 ಗಂಟೆ...

ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನ ವಾರ್ಷಿಕ ಜಾತ್ರೆ..ಮಹಾರಥೋತ್ಸವ ಕಣ್ಣುಂಬಿಕೊಂಡ ಸಾವಿರಾರು ಭಕ್ತರು

ಬಂಟ್ವಾಳ: ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದ ವಾರ್ಷಿಕ ಜಾತ್ರೆಯಲ್ಲಿ ಎ. ೧೧ರಂದು ಸಂಜೆ ರಥೋತ್ಸವ ನಡೆಯಿತು. ಜಾತ್ರೆಯಲ್ಲಿ ಸಹಸ್ರಾರು ಭಕ್ತರು ಪಾಲ್ಗೊಂಡಿದ್ದರು. ಮಹಾಪೂಜೆಯ ಬಳಿಕ ದೇವರು ರಥಾರೋಹಣಗೊಂಡು ಸಾಂಕೇತಿಕವಾಗಿ ರಥವನ್ನು ಎಳೆಯಲಾಯಿತು. ಮಧ್ಯಾಹ್ನ ರಥಕ್ಕೆ...

ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಭೇಟಿ ನೀಡಿ ಮತಯಾಚನೆ ನಡೆಸಿದ ಶಾಸಕ ರಾಜೇಶ್ ನಾಯ್ಕ್

ಲೋಕ ಸಭಾ ಚುನಾವಣೆಯ ಹಿನ್ನಲೆಯಲ್ಲಿ ಕ್ಯಾ.ಬ್ರಿಜೇಶ್ ಚೌಟ ಅವರ ಗೆಲುವಿಗಾಗಿ ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಅವರ ಗ್ರಾಮ,ಮನೆ,ಮನ ಅಭಿಯಾನದ ಅಂಗವಾಗಿ ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಬೇಟಿ ನೀಡಿ...

ಮತ್ತೆ ಏರಿಕೆ ಕಂಡ ಚಿನ್ನದ ಬೆಲೆ : ಇವತ್ತಿನ ‌ಬೆಲೆ ಎಷ್ಟು ಗೊತ್ತಾ…?

ಯುಗಾದಿ ಹಬ್ಬ. ಇದು ಸಂಬಂಧ ಬೆಸೆಯುವ ಹಬ್ಬ. ಅಂದಹಾಗೆಯೇ ದೇಶದಾದ್ಯಂತ ಜನರು ಇಂದು ಸಂಭ್ರಮದಲ್ಲಿದ್ದಾರೆ. ಆದರೆ ಇದರ ನಡುವೆ ಚಿನ್ನದ ಬೆಲೆ ಏರಿಕೆಯ ಬಿಸಿಯಿಂದ ಕೊಂಚ ಬೇಸರವು ಅವರಲ್ಲಿ ಆವರಿಸಿದೆ. ಕಳೆದ ಎರಡು ದಿನಗಳ...