Tuesday, April 9, 2024

*ನನ್ನಪ್ಪ*

ಅಪ್ಪ ನಿನ್ನ ಕಂದ ನಾನು
ಎತ್ತಿ ಹೊತ್ತೆ ನನ್ನನು
ಬೇಡಿದೊಡನೆ ಕೊಡಿಸಿ ಕುಣಿದೆ
ಬಿಡದೆ ನೆನೆವೆ ನಿನ್ನನು!

ಅಮ್ಮ ಕೋಲು ಎತ್ತಿದೊಡನೆ
ಕೂಗುತಿದ್ದೆ ಅಳುತಲಿ
ಅವಳ ಗದರಿ ನನ್ನನಪ್ಪಿ
ರಮಿಸುತ್ತಿದ್ದೆ ಬಳಿಕಲಿ!

‘ಅವ್ವ’ಎನುತ ಲಲ್ಲೆಗರೆದು
ಸುರಿಯುತಿದ್ಧೆ ಮುತ್ತನು
ಬೇಡವೆಂದರೂನು ನೀನು
ತಿನಿಸುತಿದ್ದೆ ತುತ್ತನು!

ಜಾತ್ರೆಯಲ್ಲಿ ಗೊಂಬೆ ಪೀಪಿ
ಕೊಡಿಸುತಿದ್ಧೆ ಹರುಷದಿ
ನನ್ನ ಜೊತೆಗೆ ಕುಣಿದು ನಲಿದು
ಬೀಗುತಿದ್ದೆ ಸರಸದಿ!

ಕಲಿಯುವಾಸೆ ನನಗೆ ಹಚ್ಚಿ
ಬಾಳ ದಾರಿ ತೋರಿದೆ
ಉಡಿಯ ತುಂಬಿ ಕಳಿಸುವಾಗ
ಅಮ್ಮನೊಲವ ಬೀರಿದೆ!

ತಲೆಯ ಸವರಿ ಕೆನ್ನೆ ತಟ್ಟಿ
ಅತ್ತೆ ನೀನು ಮರೆಯಲಿ
ಈಗ ಹೇಳು ಅಪ್ಪನೆಂದು
ಯಾರ ನಾನು ಕರೆಯಲಿ?

ಹೆಜ್ಜೆ ಹೆಜ್ಜೆಗೆಲ್ಲ ನೀನೆ
ಕಾಣುತಿರುವೆ ದಿನ ದಿನ
ಬದುಕನೆಲ್ಲ ಸವಿಯುವಾಗ
ನಿನ್ನ ನೆನೆವೆ ಅನುದಿನ!

 

#ನೀ.ಶ್ರೀಶೈಲ ಹುಲ್ಲೂರು

More from the blog

300 ರೂ. ಗಡಿಯತ್ತ ಹಸಿ ಕೊಕ್ಕೊ… 900 ರೂ. ಗಡಿಯತ್ತ ಒಣ ಕೊಕ್ಕೊ

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ....

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...