Friday, April 12, 2024

*ಮಾಡರ್ನ್ ಕವನ*- *ಹುಟ್ಟಿಗೆ ಸಾವೇ ಇಲ್ಲದಿದ್ದರೆ..!*

ಇನ್ನೊಂದು ಭೂಮಿಯನ್ನು ಹುಡುಕುತ್ತಾ ಹೊರಟ
ಬಾಹ್ಯಾಕಾಶ ನೌಕೆ
ಭೂಮಿಯ ಹೋಲುವ ಗ್ರಹಕ್ಕೆ ತಲುಪಿಬಿಟ್ಟಿತ್ತು..!

ಅಲ್ಲಿ
ಹುಟ್ಟಿದ ಜೀವಿ ಸಾಯುತ್ತಲೇ
ಇರಲಿಲ್ಲ.,
ಹುಟ್ಟು ಮಾತ್ರ ಆಗುತ್ತಲೇ ಇತ್ತು.
ಪಾಪ ಪುಣ್ಯದ ಭಯವೇ ಇರಲಿಲ್ಲ..,
ನೀ ನೂರು ವರುಷ ಬಾಳು ಎಂಬ ಆಶೀರ್ವಾದವೂ ಇಲ್ಲ..!

ಅಪ್ಪಿ ತಪ್ಪಿ
ಕೈ ಕಟ್ಟಾಗಿ ಹೋದರೆ
ಮತ್ತೊಂದು ಕೈ ಅದೇ ಜಾಗದಲ್ಲಿ ಬೆಳೆಯುತ್ತಿತ್ತು
ಕಾಲು ತುಂಡಾದರೂ ಅಷ್ಟೇ..
ಅಷ್ಟೆಲ್ಲಾ ಯಾಕೆ ತಲೆ ಹೋದರೂ
ಇನ್ನೊಂದು ಬರುತ್ತಿತ್ತು..
ಥೇಟ್ ಹಾರರ್ ಮೂವಿಗಳಂತೆ..!
ಹಸಿವು ಕೂಡ ಇಲ್ಲಿ ಸಾಯಿಸಲಾರದು,
ಉಸಿರು ಕೂಡಾ ಇಲ್ಲಿ ನಿಲ್ಲಲಾರದು.

ಆದರೂ ಅಲ್ಲಿ ನಿರ್ದಿಷ್ಟ ಜನಸಂಖ್ಯೆ..!
ಕಾರಣ
ಹುಡುಕುತ್ತ ಸಾಗಿದವನಿಗೆ
ದೊರಕಿದ್ದು ವಿಚಿತ್ರ ಪ್ರಪಂಚ..!?

ಅಲ್ಲೇ ಹತ್ತಿರದಲ್ಲಿತ್ತು
ಸಾವಿನ ಗ್ರಹ..!
ಭೂಮಿಗೆ ಚಂದ್ರನಿದ್ದಂತೆ.
ನೂರು ವರುಷ ಆದ ಮರುದಿನವೇ
ಆ ಗ್ರಹದೊಳಗೆ ಸಾಗುತ್ತಿದ್ದರು..
ಅಲ್ಲಿಗೆ ಹೋದ ಕೆಲವೇ ಹೊತ್ತಿನಲ್ಲಿ
ದೇಹವೆಲ್ಲ ಭಸ್ಮ..!
ಇಲ್ಲಿ ದುಡಿಯುತ್ತಿದ್ದದ್ದು
ಹಣ ಸಂಪಾದಿಸುತ್ತಿದ್ದದ್ದು
ಕೇವಲ ಸಾವಿಗಾಗಿ..!
ಅಲ್ಲಿಗೆ ಹೋಗ ಬೇಕಾದರೆ ಇಂತಿಷ್ಟು ಹಣ ಕಟ್ಟಬೇಕು.
ಆತ್ಮಹತ್ಯೆಗೂ ಹಣ..!

ಬದುಕಿನ ಉತ್ಸಾಹ
ಕಡಿಮೆಯಾಗದಿರಲೆಂದೇ
ಈ ಸಾವು….!

 

✍ಯತೀಶ್ ಕಾಮಾಜೆ

More from the blog

ಆಯತಪ್ಪಿ ಬಾವಿಗೆ‌ ಬಿದ್ದ ಮಹಿಳೆ… ಅಗ್ನಿಶಾಮಕ ಸಿಬ್ಬಂದಿಗಳಿಂದ ರಕ್ಷಣೆ

ಮಂಗಳೂರು: ಬಾವಿಯಿಂದ ನೀರು ಸೇದುತ್ತಿದ್ದಾಗ ಆಯತಪ್ಪಿ ಬಾವಿಗೆ ಬಿದ್ದ ಮಹಿಳೆಯೋರ್ವರನ್ನು ಗುರುವಾರ ಕದ್ರಿ ಅಗ್ನಿಶಾಮಕ ಠಾಣೆಯವರು ರಕ್ಷಿಸಿದ್ದಾರೆ ಬಿಕ್ಕರ್ನಕಟ್ಟೆ ಸಮೀಪದ ನಿವಾಸಿ ಟ್ರೆಸ್ಸಿ ಡಿಸೋಜಾ ಅಗ್ನಿಶಾಮಕ ದಳದ ಸಿಬ್ಬಂದಿಯಿಂದ ರಕ್ಷಿಸಲ್ಪಟ್ಟ ಮಹಿಳೆ. ಸಂಜೆ 5 ಗಂಟೆ...

ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನ ವಾರ್ಷಿಕ ಜಾತ್ರೆ..ಮಹಾರಥೋತ್ಸವ ಕಣ್ಣುಂಬಿಕೊಂಡ ಸಾವಿರಾರು ಭಕ್ತರು

ಬಂಟ್ವಾಳ: ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದ ವಾರ್ಷಿಕ ಜಾತ್ರೆಯಲ್ಲಿ ಎ. ೧೧ರಂದು ಸಂಜೆ ರಥೋತ್ಸವ ನಡೆಯಿತು. ಜಾತ್ರೆಯಲ್ಲಿ ಸಹಸ್ರಾರು ಭಕ್ತರು ಪಾಲ್ಗೊಂಡಿದ್ದರು. ಮಹಾಪೂಜೆಯ ಬಳಿಕ ದೇವರು ರಥಾರೋಹಣಗೊಂಡು ಸಾಂಕೇತಿಕವಾಗಿ ರಥವನ್ನು ಎಳೆಯಲಾಯಿತು. ಮಧ್ಯಾಹ್ನ ರಥಕ್ಕೆ...

ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಭೇಟಿ ನೀಡಿ ಮತಯಾಚನೆ ನಡೆಸಿದ ಶಾಸಕ ರಾಜೇಶ್ ನಾಯ್ಕ್

ಲೋಕ ಸಭಾ ಚುನಾವಣೆಯ ಹಿನ್ನಲೆಯಲ್ಲಿ ಕ್ಯಾ.ಬ್ರಿಜೇಶ್ ಚೌಟ ಅವರ ಗೆಲುವಿಗಾಗಿ ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಅವರ ಗ್ರಾಮ,ಮನೆ,ಮನ ಅಭಿಯಾನದ ಅಂಗವಾಗಿ ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಬೇಟಿ ನೀಡಿ...

ಮತ್ತೆ ಏರಿಕೆ ಕಂಡ ಚಿನ್ನದ ಬೆಲೆ : ಇವತ್ತಿನ ‌ಬೆಲೆ ಎಷ್ಟು ಗೊತ್ತಾ…?

ಯುಗಾದಿ ಹಬ್ಬ. ಇದು ಸಂಬಂಧ ಬೆಸೆಯುವ ಹಬ್ಬ. ಅಂದಹಾಗೆಯೇ ದೇಶದಾದ್ಯಂತ ಜನರು ಇಂದು ಸಂಭ್ರಮದಲ್ಲಿದ್ದಾರೆ. ಆದರೆ ಇದರ ನಡುವೆ ಚಿನ್ನದ ಬೆಲೆ ಏರಿಕೆಯ ಬಿಸಿಯಿಂದ ಕೊಂಚ ಬೇಸರವು ಅವರಲ್ಲಿ ಆವರಿಸಿದೆ. ಕಳೆದ ಎರಡು ದಿನಗಳ...