Wednesday, April 17, 2024

*ಮಾಡರ್ನ್ ಕವನ* – *ಆಕರ್ಷಣೆ*

ಇದ್ದಕ್ಕಿದ್ದಂತೆ ಭೂಮಿ
ತನ್ನ ಗುರುತ್ವಾಕರ್ಷಣೆ
ಕಳೆದುಕೊಂಡಿತು….!

ರಸ್ತೆಯಲ್ಲಿ ಹೋಗುತ್ತಿದ್ದ ಸಾವಿರಾರು ವಾಹನಗಳು
ಅಲ್ಲಲ್ಲಿ ಬಿದ್ದ ಕಸ ಕಡ್ಡಿಗಳು
ಕನಸುಗಳೆಂದು ಕಟ್ಟಿದ ಮನೆಗಳು
ನೂರಾರು ಉಪಕರಣಗಳು
ಮನುಷ್ಯನ ಆಹಾರಗಳು
ಹರಿಯುತ್ತಿದ್ದ ನೀರು
ಅಷ್ಟೇ ಯಾಕೆ ಮನುಷ್ಯ ಮತ್ತು ಪ್ರಾಣಿಗಳು
ಎಲ್ಲಾ ತೇಲಿಕೊಂಡವು…!

ವಸ್ತುಗಳು
ಒಂದಕ್ಕೊಂದು ಡಿಕ್ಕಿ ಒಡೆಯುತ
ಮತ್ತೆ ಚೂರುಗಳಾಗಿ
ತೇಲುತ್ತಿದ್ದವು
ಪ್ರಾಣಿಗಳು ಚೀರಾಡುತ್ತಿದ್ದವು
ಮಾನವ ಹೊಸ ಸಮಸ್ಯೆಗೆ
ಭಯಗೊಂಡ..
ಯಾವುದೂ ಮನುಷ್ಯನ ಹಿಡಿತದಲ್ಲಿ ಇರಲಿಲ್ಲ..!

ನನ್ನದು ನನ್ನದು ಎಂದು
ಕೂಡಿಟ್ಟ ಆಸ್ತಿಗಳು
ಅವರಿವರ ತಲೆ ಹೊಡೆದು
ಮಾಡಿದ ಗಂಟುಗಳು
ಊರೆಲ್ಲ ಮಾಡಿಟ್ಟ ಹೆಸರು
ಯಾವುದು ಸಹಾಯಕ್ಕೆ ಬರುತ್ತಿರಲಿಲ್ಲ…!

ಮನುಷ್ಯ ತೆಲಾಡಿ ಒಬ್ಬರ ಕೈ ಒಬ್ಬರು
ಹಿಡಿದು ಎಲ್ಲಾ
ಜೊತೆಯಾದರು..
ಸಮಸ್ಯೆಯ ಅವಲೋಕನೆ, ಚರ್ಚೆ
ಹೀಗೆ ಎಲ್ಲಾ ನಡೆಯಿತು
ಪರಿಹಾರ ಇಲ್ಲ..
ಸೈಂಟಿಸ್ಟ್ ಇದಕ್ಕೆಲ್ಲ ಕಾರಣ ನಾವೇ ಎಂದ..!
ಭೂಮಿಯ ಬಳಸಿದ ರೀತಿಯೇ ತಪ್ಪೆಂದ
ಯಾವ ದೇವರಿಗೂ ಪರಿಹರಿಸಲಾಗದೆಂದು ತಿಳಿದಿದ್ದ..!

ಸತ್ಯ ತಿಳಿಯುವ ಹೊತ್ತಿಗೆ
ಪ್ರಾಣಿಗಳ ಜೊತೆ ಮನುಷ್ಯನು
ಆಹಾರ ತಯಾರಿಸಲಾಗದೆ
ಸತ್ತು ಹೋದನು
ಸತ್ತರೂ ತೇಲುತ್ತಿದ್ದನು..!
ಭೂಮಿಯು ಚಂದ್ರನಂತೆ
ಜೀವಿಗಳೇ ಇಲ್ಲದೆ ಬರಡಾಯಿತು..!

ಆದರೆ
ಭೂಮಿಯೊಳಗೆ ಅದೆಷ್ಟೋ
ಕಸ ಕಡ್ಡಿಗಳು ತೇಲುತ್ತಿತ್ತು…!
ಆ ಕಸ ಕಡ್ಡಿಗಳಲ್ಲಿ ಮಾನವನ ದೇಹವೂ ಒಂದು..!

 

✍ಯತೀಶ್ ಕಾಮಾಜೆ

More from the blog

ವಿಟ್ಲ ಪೇಟೆಯಲ್ಲಿ ಕಾಂಗ್ರೆಸ್ ರೋಡ್ ಶೋ: ಸುಡುಬಿಸಿಲಿಗೂ ಜಗ್ಗದ ಉತ್ಸಾಹ

ವಿಟ್ಲ: ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪದ್ಮರಾಜ್ ಆರ್. ಪೂಜಾರಿ ಅವರು ಮಂಗಳವಾರ ವಿಟ್ಲ ಪೇಟೆಯಲ್ಲಿ ರೋಡ್ ಶೋ ನಡೆಸಿ, ಪ್ರಚಾರ ಕಾರ್ಯ ನಡೆಸಿದರು. ಧಾರ್ಮಿಕ ಕೇಂದ್ರಗಳಲ್ಲಿ ವಿಶೇಷ ಪ್ರಾರ್ಥನೆ ನಡೆಸಿ, ಬಳಿಕ...

ಮಾಜಿ ಸಚಿವ ಜನಾರ್ಧನ ಪೂಜಾರಿ ಅವರ ನಿವಾಸಕ್ಕೆ ತೆರಳಿ ಮತದಾನ ಪ್ರಕ್ರಿಯೆ

ಚುನಾವಣಾ ಆಯೋಗದ ನಿರ್ದೇಶನದಂತೆ ಕಳೆದ ಬಾರಿಯಂತೆ ಸೆಕ್ಟರ್‌ ಅಧಿಕಾರಿಗಳ ನೇತೃತ್ವದಲ್ಲಿ ಮತಗಟ್ಟೆ ಅಧಿಕಾರಿಗಳ ತಂಡ ಮನೆ-ಮನೆಗೆ ತೆರಳಿ ಮತದಾನ ಮಾಡಿಸುತ್ತಿದೆ. ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205-ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ 85...

ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ : ಬಜರಂಗದಳ, ವಿ.ಹಿಂ.ಪರಿಷತ್ ಕಲ್ಲಡ್ಕ ಪ್ರಖಂಡದಿಂದ ಖಂಡನೆ

ಬಂಟ್ವಾಳ: ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ ನಡೆಸಿದ ಘಟನೆ ಕಲ್ಲಡ್ಕದ ಕರಿಂಗಾನ ಕ್ರಾಸ್ ಎಂಬಲ್ಲಿ ಸಂಜೆ ವೇಳೆ ನಡೆದಿದೆ. ಪುತ್ತೂರು ಏರ್ಮುಂಜ ಪಲ್ಲ ನಿವಾಸಿಗಳಾದ ಮಂಜುನಾಥ್ ಮತ್ತು ಅವರ ಪತ್ನಿ ಪೂರ್ಣಿಮಾ...

ಲೋಕಸಭಾ ಚುನಾವಣೆ : ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯ…. ಸ್ಥಳಕ್ಕೆ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್‌ ಭೇಟಿ

ಬಂಟ್ವಾಳ :ಮೊಡಂಕಾಪಿನಲ್ಲಿರುವ ಇನ್ಫೆಂಟ್‌ ಜೀಸಸ್‌ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ದಿನ ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205 ಬಂಟ್ವಾಳ ವಿಧಾನಸಭಾ ಕ್ಷೇತ್ರದಲ್ಲಿ ಬಳಸಲಾಗುವ ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯವು ನಡೆಯಿತು. ಈ ಸಂದರ್ಭದಲ್ಲಿ...