Sunday, April 7, 2024

*ಜನ ಜಾಗೃತಿ ಜಾಥಾ*

ಕೋಟಿ ಕೋಟಿ
ದುಡ್ಡು ಸುರಿದು
ಹಗಲು ಇರುಳು
ಬೆವರು ಬಸಿದು
ಗಲ್ಲಿ ಗಲ್ಲಿಯಲ್ಲೂ
ಬೀದಿ ಬೀದಿಯಲ್ಲೂ
ನಡೆಯುತ್ತಿವೆ ಅಂತೆ
ನೂರೆಂಟು ರೂಪದಲ್ಲೂ
ಜಾಥ ಜಾಥ ಜಾಥ…
ಜನ ಜಾಗೃತಿ ಜಾಥ…

ಗುಟ್ಕಾ ತಂಬಾಕು ಜಗೆಯಬೇಡಿ
ಕಂಡ ಕಂಡಲ್ಲಿ ಉಗುಳಬೇಡಿ
ಸಿಗರೇಟು ಸೇದಬೇಡಿ
ಎಲ್ಲೆಂದರಲ್ಲಿ ಹೊಗೆಯ ಬಿಡಬೇಡಿ
ಮದ್ಯಪಾನ ಆರೋಗ್ಯಕ್ಕೆ ಹಾನಿಕಾರಕ
ನೋಡೋ ಅಣ್ಣ ಚಿತ್ರವನ್ನು
ನಮ್ಮನ್ನು ಕೇಳೋನು
ಯಾವನಲೇ ನೀನು
ನಡೆ ನುಡಿ ಹಳೆ ಕೊಳೆ
ಹೊಡಿರೀ ಅಪ್ಪಾ ಹೊಡಿರೀ
ಇನ್ನೂ ಜೋರಾಗಿ ಚಪ್ಪಾಳೆ

ದೊಡ್ಡ ಆಂದೋಲನವಿದು
ಪ್ರಸ್ತುತತೆಯ ಅರಿವು
ನಿರಂತರ ಅಭಿಯಾನವಿದು
ಸ್ವಾಸ್ತತೆಯ ಉಳಿವು
ವಿವಿಧ ಕಾರ್ಯಕ್ರಮ
ನಿತ್ಯ ರೂಪಿಸಿಕೊಂಡು
ಸಂಘ ಸಂಸ್ಥೆ ಸರಕಾರಗಳು
ಸಮಸ್ಯೆಗಳನ್ನು ಸವಾಲಾಗಿಸಿಕೊಂಡು
ಅತ್ತ ಇತ್ತ ನಿಮಿತ್ತ
ಜನ ಜಾಗೃತಿ ಜಾಥ…

ಹಣ ಹೆಂಡಕ್ಕೆ ಮಾರಿಕೊಳ್ಳಬೇಡಿ
ನಿಮ್ಮ ಮತ ಯಾರಿಗೂ
ತಪ್ಪದೇ ವೋಟು ಹಾಕಿ
ಒಳ್ಳೆಯ ಅಭ್ಯರ್ಥಿಗೂ
ಟಿವಿ ಪೇಪರ್ ನೋಡಿದ್ದೆ ಬಂತು
ಜಾತಿ ನೋಡಿ ಗುದ್ದಿದೆ ನಾನಂತೂ
ಇದ್ದದ್ದೇ ಇದೆಲ್ಲಾ ಎಂದು
ಪ್ರಜ್ಞಾವಂತರಲ್ಲೂ ಆಲಸ್ಯ ತಂತು
ಆ ಪದ್ದತಿ ಈ ಪದ್ದತಿ
ಸಾಮಾಜಿಕ ಅನಿಷ್ಠಗಳು
ಹೋಗದೆಂದು ಕುಣಿಯುತ್ತಿವೆ
ತೈ ತೈ ತಕತೈ ಅಡಿಯಾಳು

ಹಾಗೆ ಅಂದರೆ ಏನು
ಹೇಳೋರು ಹೇಳತಾರೆ ಬಿಡು
ಹೀಗೆ ಮಾಡಿದರೆ ಹೆಂಗೆ
ಮಾಡೋರು ಮಾಡತಾರೆ ನೋಡು
ಯಾರೇಷ್ಟು ಹೇಳಿದರೂ ಅಷ್ಟೇ
ಮನಸ್ಸಿಗೆ ಬಂದಂತೆ ಸಾಪಲ್ಯ
ಪೂರ್ವಾಗ್ರಹಗಳ ಅಸಹಕಾರ
ಕಾಣಿಸುವುದು ಸಮಾಜಕ್ಕೆ ವೈಫಲ್ಯ
ಗೋತಾ ಗೋತಾ ಗೋತಾ
ಜನ ಜಾಗೃತಿ ಗೋತಾ…

*ಬಸವರಾಜ ಕಾಸೆ*

More from the blog

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...

ಮನೆಯ ಮಹಡಿಯಿಂದ ಬಿದ್ದು ಬಾಲಕ ಸಾವು

ಬಂಟ್ವಾಳ: ಮನೆಯ ಮಹಡಿಯ ಮೇಲಿಂದ ಕೆಳಗೆ ಬಿದ್ದು ಬಾಲಕನೋರ್ವ ಮೃತಪಟ್ಟ ಘಟನೆ ಎ.‌ ೧ರ ಮುಂಜಾನೆ ನಡೆದಿದೆ. ಬಂಟ್ವಾಳ ಜಕ್ರಿಬೆಟ್ಟು ನಿವಾಸಿ ದಿನೇಶ್ ಪೂಜಾರಿ ಅವರ ಪುತ್ರ ಆದಿಶ್(೧೫) ಮೃತಪಟ್ಟ ಬಾಲಕ. ಆತ ಮನೆಯಲ್ಲಿ ದೊಡ್ಡಮ್ಮನ...

ಮಾಂಸ ಪ್ರಿಯರಿಗೆ ಬೆಲೆ ಏರಿಕೆ ಶಾಕ್.. ಕೋಳಿ ಮಾಂಸದ ದರ ಏರಿಕೆ

ಮಂಗಳೂರು: ಕೋಳಿಮಾಂಸ, ಮೀನಿನ ದರ ಏರುಗತಿ ಯಲ್ಲಿ ಸಾಗುತ್ತಿದ್ದು ಮಾಂಸಾಹಾರ ಪ್ರಿಯರ ಜೇಬಿಗೂ ಕತ್ತರಿ ಬೀಳುವಂತಾಗಿದೆ. ಪ್ರಸ್ತುತ ಕೋಳಿಮಾಂಸಕ್ಕೆ (ವಿದ್‌ ಸ್ಕಿನ್‌) ಕೆ.ಜಿ.ಗೆ ಬ್ರಾಯ್ಲರ್‌ ಕೆಲವು ಕಡೆ 235-240 ರೂ., ಟೈಸನ್‌ 270 ರೂ....