Wednesday, April 17, 2024

ಸಂತ ಅಂತೋನಿ ಆಶ್ರಮ ಜೆಪ್ಪು: ಸಂತ ಆಂತೋನಿಯವರ ವಾರ್ಷಿಕ ಮಹೋತ್ಸವ

ಮುಂಬಯಿ (ಮಂಗಳೂರು): ಮಂಗಳೂರು ಅಲ್ಲಿನ ಸಂತ ಅಂತೋನಿ ಆಶ್ರಮ ಜೆಪ್ಪು ಇದರ ಪಾಲಕ ಸಂತ ಅಂತೋನಿ ಅವರ ವಾರ್ಷಿಕ ಮಹೋತ್ಸವ ಕಳೆದ ಗುರುವಾರ ಸಂಜೆ ಸಂಪನ್ನಗೊಂಡಿದ್ದು ಮಂಗಳೂರು ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷ ಬಿಷಪ್ ಅ| ವಂ| ಡಾ| ಪೀಟರ್ ಪಾವ್ಲ್ ಸಲ್ದಾನ್ಹಾ ವಾರ್ಷಿಕ ಮಹೋತ್ಸವದ ಪ್ರಧಾನ ಬಲಿಪೂಜೆ ಮಿಲಾಗ್ರಿಸ್ ದೇವಾಲಯದಲ್ಲಿ ಅರ್ಪಿಸಿದರು.

ಸಂತ ಅಂತೋನಿ ತಮ್ಮ ಜೀವನದಲ್ಲಿ ಯೇಸುಕ್ರಿಸ್ತರನ್ನು ಆದರ್ಶವಾಗಿಟ್ಟು ಕೊಂಡು ಅವರಂತೆ ಪರರಿಗಾಗಿ ಜೀವಿಸಲು ಪ್ರಯತ್ನ ಪಟ್ಟ ಮಹಾ ಪುರುಷ. ದೇವರು ತಮಗೆ ನೀಡಿದ ಪವಾಡ ಮಾಡುವ ಶಕ್ತಿಯಿಂದ ಜನರ ಕಷ್ಟಗಳಿಗೆ ಸ್ಪಂದಿಸಿ ಅವರಿಗೆ ಬೇಕಾದ ವರಗಳನ್ನು ನೀಡಿದ ಪುಣ್ಯ ಪುರುಷ. ಕಷ್ಟದಲ್ಲಿದ್ದವರಿಗೆ ಸಹಾಯ ಮಾಡುವುದೆಂದರೆ ದೇವೆರಿಗೇ ಸಹಾಯ ಮಾಡುವುದೆಂದು ತಿಳಿದ ಜಾಣ ವ್ಯಕ್ತಿ. ಕಥೋಲಿಕ ಧರ್ಮಸಭೆ ಅವರ ಆ ತ್ಯಾಗದ ಜೀವನಕ್ಕಾಗಿ ಅವರಿಗೆ ಸಂತ ಪದವಿ ನೀಡಿದೆ. ಆಂತೋನಿ ಅವರು ನಿಧನರಾಗಿ ಎಂಟು ಶತಮಾನ ಕಳೆದರೂ ತಮ್ಮ ಭಕ್ತರಿಗಾಗಿ ಇಂದಿಗೂ ದೇವರಲ್ಲಿ ಪ್ರಾಥಿಸಿ ಸಂಕಷ್ಟದಲ್ಲಿ ಇದ್ದವರಿಗೆ ಸಾಂತ್ವಾನ ನೀಡುತ್ತಾರೆ. ಸಂತ ಅಂತೋನಿಯವರಂತೆ ಯೇಸು ಸ್ವಾಮಿಯನ್ನು ಹಿಂಬಾಲಿಸಲು ಪ್ರಯತ್ನ ಪಡೋಣ. ಅದುವೇ ಸಂತ ಅಂತೋನಿಯವರ ಗೌರಾವಾರ್ಥ ನಾವು ಆಚರಿಸುವ ಹಬ್ಬವಾಗಿದೆ ಎಂದ ಬಿಷಪ್ ಪೀಟರ್ ಪಾವ್ಲ್ ತಿಳಿಸಿ ನೆರೆದ ಸದ್ಭಕ್ತರನ್ನು ಹರಸಿದರು.

ಕಳೆದ ಏಳು ವರ್ಷಗಳಲ್ಲಿ ಸಂತ ಅಂತೋನಿಯವರ ಭಕ್ತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಸಲಹಿ ಸಹಕರಿಸಿದ್ದು, ಶೀಘ್ರವೇ ಬಂಟ್ವಾಳ ಯೇಸು ಇಗರ್ಜಿಗೆ ವರ್ಗವಾಗಿ ಪ್ರಧಾನ ಗುರುಗಳಾಗಿ ಹೋಗುತ್ತಿರುವ ಮಿಲಾಗ್ರಿಸ್ ದೇವಾಲಯದ ಧರ್ಮಗುರು ರೆ| ಫಾ| ವಲೇರಿಯನ್ ಡಿಸೋಜ ಅವರನ್ನು ಆಶ್ರಮದ ವತಿಯಿಂದ ಸನ್ಮಾನಿಸಿ ಗೌರವಿಸಿ ಶುಭ ಕೋರಲಾಯಿತು. ಫಾ| ವಲೇರಿಯನ್ ಡಿಸೋಜರವರು ಪ್ರವಚನ ನೀಡಿದರು.

ಹಬ್ಬದ ಶುಭಾವಸರದಲ್ಲಿ ದಿನ ಬೆಳಗ್ಗೆ ಕಾಟಿಪಳ್ಳ ದೇವಾಲಯದ ಧರ್ಮಗುರು ರೆ| ಫಾ| ವಲೇರಿಯನ್ ಲುವಿಸ್, ಸಂತ ಜೋಸೆಫರ ಗುರುಮಠ ಜೆಪ್ಪು ಇದರ ಆತ್ಮಿಕ ನಿರ್ದೇಶಕರಾದ ರೆ| ಫಾ| ಫ್ರಾನ್ಸಿಸ್ ಡಿಸೋಜ ಮತ್ತು ಸಾಯಾಂಕಾಲ ಮಂಜೇಶ್ವರ ಡೊನ್ ಬೊಸ್ಕೊ ಶಾಲಾ ಪ್ರಾಂಶುಪಾಲ ರೆ| ಫಾ| ಆಗಸ್ಟಿನ್ ತೆಕ್ಕೆಪೂಕೆಂಬಿಲ್ ಅವರು ಅಭಿವಂದನಾ ಪೂಜೆ ಅರ್ಪಿಸಿದರು.

ಆಶ್ರಮದ ನಿರ್ದೇಶಕರಾದ ರೆ| ಫಾ| ಒನಿಲ್ ಡಿಸೋಜ ಅವರು ಉಪಕಾರ ಸ್ಮರಣೆ ಮಾಡಿದರು. ಸಹಾಯಕ ನಿರ್ದೇಶಕರಾದ ಫಾ| ತೃಶಾನ್, ಫಾ| ರೋಶನ್ ಮತ್ತು ನಗರದ ಆಸುಪಾಸಿನ ಧರ್ಮಗುರುಗಳು, ಧರ್ಮಭಗಿನಿಯರು ಮತ್ತು ಸಹಸ್ರಾರು ಭಕ್ತಾಧಿಗಳು ಹಬ್ಬದ ಸಂಭ್ರದಲ್ಲಿ ಪಾಲ್ಗೊಂಡರು.

More from the blog

ವೋಟ್ ಮಾಡಿದ ಕೆಲವೇ ಕ್ಷಣದಲ್ಲಿ ಪ್ರಾಣಬಿಟ್ಟ ಹಿರಿಯ ಜೀವ

ಉಡುಪಿ: ಮತದಾನ ಮಾಡಿದ ಕೆಲವೇ ಕ್ಷಣದಲ್ಲಿ ವೃದ್ಧೆಯೊಬ್ಬರು ಕೊನೆಯುಸಿರೆಳೆದಿರುವ ಘಟನೆ ಬ್ರಹ್ಮಾವರ ತಾಲೂಕಿನ ಸಾಸ್ತಾನ ಪಾಂಡೇಶ್ವರ ಚಡಗರ ಅಗ್ರಹಾರದಲ್ಲಿ ನಡೆದಿದೆ. ಚಡಗರ ಅಗ್ರಹಾರದ ನಿವಾಸಿ ಪಿ.ಯಶೋಧಾ ನಾರಾಯಣ ಉಪಾಧ್ಯ ಮೃತಪಟ್ಟವರು. ಯಶೋಧಾ ಅವರು ನಿವೃತ್ತ ಗ್ರಾಮ...

ಎಸ್.ಎಸ್.ಎಲ್.ಸಿ ಮೌಲ್ಯಮಾಪನ : ನಿಷೇಧಾಜ್ಞೆ ಜಾರಿ

ಮಂಗಳೂರು: ಮಂಗಳೂರಿನ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ಏಪ್ರಿಲ್ 15ರಿಂದ ಎಸ್.ಎಸ್.ಎಲ್.ಸಿ ಮುಖ್ಯ ಪರೀಕ್ಷೆಯ ಉತ್ತರ ಪತ್ರಿಕೆಗಳ ಮೌಲ್ಯಮಾಪನ ಕಾರ್ಯವು ನಡೆಯಲಿದ್ದು, ಮೌಲ್ಯಮಾಪನ ಕಾರ್ಯವನ್ನು ಸುಸೂತ್ರವಾಗಿ ಹಾಗೂ ಪಾರದರ್ಶಕವಾಗಿ ನಡೆಸಲು ಮತ್ತು ಕಾನೂನುಬಾಹಿರ...

ದ.ಕ ಜಿಲ್ಲೆಯ 42 ಮಂದಿ ಜೆಡಿಎಸ್ ಪದಾಧಿಕಾರಿಗಳು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆ

ಮಂಗಳೂರು: ಲೋಕಸಭಾ ಚುನಾವಣೆಯಲ್ಲಿ ಜೆಡಿಎಸ್ ಪಕ್ಷ ಬಿಜೆಪಿ ಜತೆ ಮೈತ್ರಿ ಮಾಡಿಕೊಂಡಿರುವುದನ್ನು ವಿರೋಧಿಸಿ ದ.ಕ ಜಿಲ್ಲೆಯ 42 ಮಂದಿ ಜೆಡಿಎಸ್ ಪದಾಧಿಕಾರಿಗಳು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆ ಗೊಂಡರು ಜಿಲ್ಲಾ ಕಾಂಗ್ರೆಸ್ ಕಚೇರಿಯಲ್ಲಿ ಜಿಲ್ಲಾ ಕಾಂಗ್ರೆಸ್...

ಹಿರಿಯ ನಟ, ನಿರ್ಮಾಪಕ ದ್ವಾರಕೀಶ್ ನಿಧನ

ಕನ್ನಡದ ಹಿರಿಯ ನಟ, ನಿರ್ಮಾಪಕ, ನಿರ್ದೇಶಕ ದ್ವಾರಕೀಶ್ ಅವರು ನಿಧನರಾಗಿದ್ದಾರೆ. 81 ವರ್ಷದ ದ್ವಾರಕೀಶ್ ಅವರು, ವಯೋಸಹಜ ಅನಾರೋಗ್ಯದಿಂದ ಬಳಲುತ್ತಿದ್ದರು. ದ್ವಾರಕೀಶ್ ನಿಧನಕ್ಕೆ ಕನ್ನಡ ಚಿತ್ರರಂಗದ ಗಣ್ಯರು ಕಂಬನಿ ಮಿಡಿದಿದ್ದಾರೆ. ಇವರು1942 ಆಗಸ್ಟ್ 19ರಂದು ಮೈಸೂರು...