Sunday, April 7, 2024

*ಮಾಡರ್ನ್ ಕವನ*-*ಸಾಬೂನು*

ಅದೆಷ್ಟು ಸೋಪ್
ಹೆಸರ ಹೇಳಿದರೆ ಮುಗಿಯದು..!?
ಆದರ ಕಥೆ ಕೇಳಿ…!?

ನಿನ್ನೆ ತನಕ ಎಲ್ಲಿದೆಯೋ ಅಲ್ಲಿದೆ
ಆರೋಗ್ಯ ಅನ್ನುವ ಸಾಬೂನು
ಬಚ್ಚಲು ಮನೆಯಲ್ಲಿ
ಕರಗಿ ಹೋಗುತ್ತಿರುವಾಗ
ವಯಸ್ಸನ್ನೇ ಮರೆಮಾಚುವ ಸೋಪ್
ಬಂದೇ ಬಿಟ್ಟಿತ್ತು…!

ಆ ನಟಿ ಮಣಿಗಳು
ಉಪಯೋಗಿಸುವ ಸಾಬೂನು ಒಂದಾದರೆ,
ಋಷಿ ಮುನಿಗಳ ಪ್ರೇರಣೆಯಲ್ಲಿ
ತಯಾರಿಸಿದ ಸಾಬೂನೊಂದು..
ಆ ಗಿಡ ಈ ಕಾಯಿ ಸೇರಿಸಿ ಮಾಡಿದ ಪುರಾತನ ವಿದ್ಯೆಯ
ತಿಳಿದು ಮಾಡಿದ ಸೋಪು..
ಶಾಸ್ತ್ರೀಯ ವಿದ್ಯೆಗಳ ಜೊತೆ ವೈಜ್ಞಾನಿಕ ವಿದ್ಯೆಯಿಂದ
ತಯಾರದ ಸೋಪು..
ಎಲ್ಲಾ ನಮ್ಮನ್ನು ಉದ್ದಾರ ಮಾಡಲು.!
ನಮ್ಮ ದೇಹದ ಅರೋಗ್ಯ ಕಾಪಾಡಲು..!?

ಬಟ್ಟೆ ಒಗೆಯಲು ಇವೆ ಬೇರೆ ಬೇರೆ ಸೋಪು,
ಇದು ಇದ್ದಲ್ಲಿ ಕೊಳೆಯ ಮಾತೆಲ್ಲಿ,
ಲಿಂಬೆಯಲ್ಲಿದೆ ಹಠಮಾರಿ ಕೊಳೆ ತೆಗೆಯುವ ಶಕ್ತಿ.,
ಪರಿಮಳ ಯುಕ್ತ,
ಕಳೆ ಮುಕ್ತ..
ಹೀಗೆ ಬಟ್ಟೆ ಚಿಂದಿ ಚಿತ್ರಾನ್ನ
ಆಗುವವರೆಗೆ ತೊಳೆಯುವ ಸೋಪು

ಪಾತ್ರೆ ತೊಳೆಯುವ ಸಾಬೂನುಗಳ
ಪಾತ್ರವೇ ಬೇರೆ..
ಎಣ್ಣೆ ಜಿಡ್ಡು ತೆಗೆಯಲು ಒಂದು,
ಕರಿದ ಪದಾರ್ಥಗಳ ಪಾತ್ರೆ ತೊಳೆಯಲೊಂದು.
ಅದಕ್ಕೆ ಲಿಂಬೆಯಂತೆ ,ನೀಮ್ ಅಂತೆ
ಏನೇನೋ ವೈಜ್ಞಾನಿಕ ಆವಿಷ್ಕಾರವಂತೆ…!

ಬರಬಹುದು ಮಾಡಿದ ಪಾಪವ
ಅಳಿಸುವ ಸೋಪ್ ,
ಹರಿದ ಬಟ್ಟೆಯ ಹೊಲಿಯುವ ಸೋಪ್,
ನಜ್ಜಿದ ಪಾತ್ರೆಯ ಮೂತಿ ಸರಿ ಮಾಡುವ ಸೋಪ್..!
ಸ್ವಚ್ಚ ಮಾಡುವ ಸೋಪೇ
ಕಲುಷಿತ ಮಾಡಿತು,
ಪರಿಮಳ ಸೂಸುವ ಸಾಬೂನೇ
ಕೆಟ್ಟ ವಾಸನೇ ಬೀರಿತು,
ಅರೋಗ್ಯ ಕಾಪಾಡುವ ಸಾಬೂನೇ
ರೋಗ ತಂದಿತು..!

ಯಾವ ಸೋಪಲಿ
ಸ್ನಾನ ಮಾಡಲಿ,
ದೇಹದ ಜೊತೆಗೆ ಮನವ
ಶುದ್ಧ ಮಾಡುವ ಸೋಪು ಬರಲಿ…!

 

✍ಯತೀಶ್ ಕಾಮಾಜೆ

More from the blog

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...

ಮನೆಯ ಮಹಡಿಯಿಂದ ಬಿದ್ದು ಬಾಲಕ ಸಾವು

ಬಂಟ್ವಾಳ: ಮನೆಯ ಮಹಡಿಯ ಮೇಲಿಂದ ಕೆಳಗೆ ಬಿದ್ದು ಬಾಲಕನೋರ್ವ ಮೃತಪಟ್ಟ ಘಟನೆ ಎ.‌ ೧ರ ಮುಂಜಾನೆ ನಡೆದಿದೆ. ಬಂಟ್ವಾಳ ಜಕ್ರಿಬೆಟ್ಟು ನಿವಾಸಿ ದಿನೇಶ್ ಪೂಜಾರಿ ಅವರ ಪುತ್ರ ಆದಿಶ್(೧೫) ಮೃತಪಟ್ಟ ಬಾಲಕ. ಆತ ಮನೆಯಲ್ಲಿ ದೊಡ್ಡಮ್ಮನ...

ಮಾಂಸ ಪ್ರಿಯರಿಗೆ ಬೆಲೆ ಏರಿಕೆ ಶಾಕ್.. ಕೋಳಿ ಮಾಂಸದ ದರ ಏರಿಕೆ

ಮಂಗಳೂರು: ಕೋಳಿಮಾಂಸ, ಮೀನಿನ ದರ ಏರುಗತಿ ಯಲ್ಲಿ ಸಾಗುತ್ತಿದ್ದು ಮಾಂಸಾಹಾರ ಪ್ರಿಯರ ಜೇಬಿಗೂ ಕತ್ತರಿ ಬೀಳುವಂತಾಗಿದೆ. ಪ್ರಸ್ತುತ ಕೋಳಿಮಾಂಸಕ್ಕೆ (ವಿದ್‌ ಸ್ಕಿನ್‌) ಕೆ.ಜಿ.ಗೆ ಬ್ರಾಯ್ಲರ್‌ ಕೆಲವು ಕಡೆ 235-240 ರೂ., ಟೈಸನ್‌ 270 ರೂ....