Thursday, April 18, 2024

*ಮಾಡರ್ನ್ ಕವನ*-*ಮನುಷ್ಯನಿಲ್ಲದ ಕಾಲದಲ್ಲಿ*

ಮನುಷ್ಯನಿಲ್ಲದೆ
ಭೂಮಿಗೆ ಅಂತು ಇಂತು
ಇಪ್ಪತ್ತು ದಾಟಿತು..
ಈಗ ಭೂಮಿಯಲ್ಲಿ ಮಾನವನ ಕುರುಹುಗಳಷ್ಟೇ…!

ನದಿದಡದಲ್ಲಿ ಪ್ಲಾಸ್ಟಿಕ್ ಈಗಲೂ ಇದೆ
ಅತ್ತಿತ್ತ ಹಾರಾಡುತ್ತಿದೆ
ಕೆಲವು ನದಿದಡದ ಒಣ ಮರಗಳಲ್ಲಿ
ಸಿಕ್ಕಿಕೊಂಡಿವೆ
ಇನ್ನೂ ಕೆಲವು ನದಿಗಳ ಸಮುದ್ರ ಸೇರಿದ
ಗುರುತಿನಂತೆ
ನದಿ ಹರಿದು ಬಂದ ಜಾಗದಲ್ಲೇ
ಉದ್ದಕ್ಕೂ ಸಾಗುತ್ತ ಬಂದಿದೆ..!

ಕಾಂಕ್ರೀಟ್ ನೆಲಗಳು ಒಡೆದು
ಕಟ್ಟಡಗಳ ಗೋಡೆಗಳು
ಬಿರುಕು ಬಿಟ್ಟಿವೆ
ಬಿರುಕಲ್ಲಿ ಸೂರ್ಯನ ಪ್ರಖರತೆ ಇಣುಕುವುದ ಕಾಣಬಹುದು
ಆ ಬಿಸಿಯೇ ಅದೆಷ್ಟೋ ಮನೆಗಳು ಕಾರ್ಖಾನೆಗಳ ಸುಟ್ಟಿದೆ
ವಲ್ಡ್ ಟ್ರೇಡ್ ಸೆಂಟರ್, ಬುರ್ಜ್‌ ಖಲೀಫ್ನಂತಹ ಸಾವಿರ ಕಟ್ಟಡಗಳು
ನಿರ್ಮಾಣವಾಗಿದ್ದವು
ಅನ್ನುವುದಕ್ಕೆ ಅಳಿದುಳಿದ
ಅವಶೇಷಗಳೇ ಸಾಕ್ಷಿ..!

ಕೋಟಿ ಗಟ್ಟಲೇ ವಾಹನಗಳು
ತುಕ್ಕು ಹಿಡಿದಿವೆ
ಅದರಲ್ಲಿ ಕೆಲವು ನೀರ ಮೇಲೆಯೂ
ಹೋಗಬಹುದು
ಬಾನಲ್ಲೂ ಆರಬಹುದು
ಈಗ ನೆಲದ ಮೇಲೆ ಬಿದ್ದಿದೆ
ಪೆಟ್ರೋಲ್,ಎಲೆಕ್ಟ್ರಿಕಲ್
ವಿಥ್ ಡ್ರೈವರ್, ವಿಥೌಟ್ ಡ್ರೈವರ್
ಏನೇನೋ ವಾಹನಗಳು
ಎಲ್ಲ ಅಲ್ಲಲ್ಲಿ ಬಿದ್ದಿದೆ..!
ಸಮುದ್ರ ಇದ್ದ ಜಾಗದಲ್ಲಿ
ಬಿದ್ದ ಹಡಗುಗಳ ರಾಶಿಗಳ ನೋಡಿಯೇ
ಹೇಳಬಹುದು ಸಮುದ್ರದ ವಿಸ್ತೀರ್ಣ..!

ಇಷ್ಟೇ ಯಾಕೆ
ಭೂಮಿ ಸುತ್ತ ಭೂಮಿ ಒಳಗಿಂದ
ಬಿಟ್ಟ ಉಪಗ್ರಹಗಳು ಈಗಲೂ
ಸುತ್ತುತ್ತಲೇ ಇದೆ
ಯಾರ ಹಿಡಿತಕ್ಕೂ ಒಳಗಾಗದೆ
ಭೂಮಿಯ ಕಕ್ಷೆಯ ಬಿಡಲಾಗದೆ..!
ಒಮ್ಮೊಮ್ಮೆ ಒಂದಕ್ಕೊಂದು ಡಿಕ್ಕಿಯಾಗಿ
ಭೂಮಿಯ ಆಕರ್ಷಣೆಗೆ ಒಳಗಾಗಿ
ಬೆಂಕಿಯಾಗಿ
ಭೂಮಿಯ ಅಪ್ಪಳಿಸುತ್ತಿತ್ತು..!

ಸತ್ತ ಮಾನವನ ದೇಹಗಳು
ಅವನ ಕೊನೆಯ ಕ್ಷಣಗಳ ಹೇಳುವಂತಿತ್ತು
ಅವನು ಭೂಮಿಯಲ್ಲಿ ಅನ್ಯಗ್ರಹದಲ್ಲಿ
ಇದ್ದಂತೆ ಬದುಕುತ್ತಿದ್ದ
ಆಮ್ಲಜನಕವ ಕ್ರಿಯೇಟ್ ಮಾಡಿ
ಬ್ಯಾಗ್ ತುಂಬಿಸಿ
ಬೆನ್ನಿಗಂಟಿಸಿ
ಮೂಗಿಗೆ ಪೈಪ್ ಕನೆಕ್ಷನ್ ಕೊಟ್ಟಿದ್ದ
ಅಲ್ಲಲ್ಲಿ ಬಿದ್ದ ಮೂಳೆಗಳ ಬೆನ್ನಲ್ಲಿದ
ಆ “ಆಕ್ಸಿಜನ್ ಬ್ಯಾಗ್” ನಾಮಫಲಕ
ಹೊಂದಿದ್ದ ಬ್ಯಾಗುಗಳೇ ಸಾಕ್ಷಿ..!
ನೀರಿಗಾಗಿ ಹಾತೊರೆದದ್ದು
ದುಡ್ಡು ಕೊಟ್ಟದ್ದು
ಬಾಟಲಿಗಳಲ್ಲಿ ಮಾಸದಂತೆ ಬರೆದ
ಬೆಲೆಗಳೇ ಸಾಕ್ಷಿ..!

ಕೊನೆಗೆ ತಾನು ಸತ್ತ ಭೂಮಿಯ ಕೊಂದು
ಈಗ ಭೂಮಿಯೊಂದು
ಸೂರ್ಯನ ಸುತ್ತ ತಿರುಗುವ ಗ್ರಹವಷ್ಟೇ…!

 

✍ಯತೀಶ್ ಕಾಮಾಜೆ

More from the blog

ವಿಟ್ಲ ಪೇಟೆಯಲ್ಲಿ ಕಾಂಗ್ರೆಸ್ ರೋಡ್ ಶೋ: ಸುಡುಬಿಸಿಲಿಗೂ ಜಗ್ಗದ ಉತ್ಸಾಹ

ವಿಟ್ಲ: ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪದ್ಮರಾಜ್ ಆರ್. ಪೂಜಾರಿ ಅವರು ಮಂಗಳವಾರ ವಿಟ್ಲ ಪೇಟೆಯಲ್ಲಿ ರೋಡ್ ಶೋ ನಡೆಸಿ, ಪ್ರಚಾರ ಕಾರ್ಯ ನಡೆಸಿದರು. ಧಾರ್ಮಿಕ ಕೇಂದ್ರಗಳಲ್ಲಿ ವಿಶೇಷ ಪ್ರಾರ್ಥನೆ ನಡೆಸಿ, ಬಳಿಕ...

ಮಾಜಿ ಸಚಿವ ಜನಾರ್ಧನ ಪೂಜಾರಿ ಅವರ ನಿವಾಸಕ್ಕೆ ತೆರಳಿ ಮತದಾನ ಪ್ರಕ್ರಿಯೆ

ಚುನಾವಣಾ ಆಯೋಗದ ನಿರ್ದೇಶನದಂತೆ ಕಳೆದ ಬಾರಿಯಂತೆ ಸೆಕ್ಟರ್‌ ಅಧಿಕಾರಿಗಳ ನೇತೃತ್ವದಲ್ಲಿ ಮತಗಟ್ಟೆ ಅಧಿಕಾರಿಗಳ ತಂಡ ಮನೆ-ಮನೆಗೆ ತೆರಳಿ ಮತದಾನ ಮಾಡಿಸುತ್ತಿದೆ. ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205-ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ 85...

ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ : ಬಜರಂಗದಳ, ವಿ.ಹಿಂ.ಪರಿಷತ್ ಕಲ್ಲಡ್ಕ ಪ್ರಖಂಡದಿಂದ ಖಂಡನೆ

ಬಂಟ್ವಾಳ: ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ ನಡೆಸಿದ ಘಟನೆ ಕಲ್ಲಡ್ಕದ ಕರಿಂಗಾನ ಕ್ರಾಸ್ ಎಂಬಲ್ಲಿ ಸಂಜೆ ವೇಳೆ ನಡೆದಿದೆ. ಪುತ್ತೂರು ಏರ್ಮುಂಜ ಪಲ್ಲ ನಿವಾಸಿಗಳಾದ ಮಂಜುನಾಥ್ ಮತ್ತು ಅವರ ಪತ್ನಿ ಪೂರ್ಣಿಮಾ...

ಲೋಕಸಭಾ ಚುನಾವಣೆ : ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯ…. ಸ್ಥಳಕ್ಕೆ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್‌ ಭೇಟಿ

ಬಂಟ್ವಾಳ :ಮೊಡಂಕಾಪಿನಲ್ಲಿರುವ ಇನ್ಫೆಂಟ್‌ ಜೀಸಸ್‌ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ದಿನ ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205 ಬಂಟ್ವಾಳ ವಿಧಾನಸಭಾ ಕ್ಷೇತ್ರದಲ್ಲಿ ಬಳಸಲಾಗುವ ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯವು ನಡೆಯಿತು. ಈ ಸಂದರ್ಭದಲ್ಲಿ...