Wednesday, April 10, 2024

ಒಂದಿಷ್ಟು ರಿಲ್ಯಾಕ್ಸ್ ತಗೊಳ್ಳಿ- 42

ಮಳೆರಾಯ ಕಾಣೆಯಾಗಿದ್ದಾನೆ ಈ ವರ್ಷ! ಮಾರ್ಚ್ ನಿಂದಲೇ ಆಗಾಗ ಸುರಿಯುತ್ತಿದ್ದ ಮಳೆ ಒಮ್ಮೆ ಬಂದು ಮುಖ ತೋರಿಸಿ ಇನ್ನಿಲ್ಲವೆಂಬಂತೆ ತಲೆ ಮರೆಸಿಕೊಂಡಿದೆ. ಬಾವಿ ಬರಿದಾಗಿದೆ. ಬೋರು ಬೋರಾಗಿದೆ. ಪ್ರಾಣಿ, ಪಕ್ಷಿ, ಪಶುಗಳ ಬದುಕು ಬಾಯಾರಿ ಬಳಲಿದೆ. ವಿದ್ಯುತ್ ಕೈ ಕೊಟ್ಟಿದೆ.
ಮೊನ್ನೆಯಷ್ಟೆ ಊಟಿಗೆ ಪ್ರವಾಸ ಮುಗಿಸಿ ಬಂದಾಗ ನನಗೆ ಹೀಗೂ ಉಂಟೇ ಅನ್ನಿಸಿಬಿಟ್ಟಿತು. ಅಲ್ಲೀಗ ತುಟಿ ಸಮೇತ ಗಡಗಡ ನಡುಗುವ 13-15 ಡಿಗ್ರಿಗಳ ಚಳಿ! ನನ್ನ ಗಂಟಲುನೋವು, ಶೀತ ಇನ್ನೂ ಕಡಿಮೆ ಆಗಿಲ್ಲ! ಇಲ್ಲೂ, ತಮಿಳು ನಾಡಿನ ಇತರೆಡೆಗಳಲ್ಲೂ ಅಸಾಧ್ಯ ಸೆಕೆ! ಊಟಿಗೆ ಮಾತ್ರ ಊಟಿಯೇ ಸಾಕ್ಷಿ!
ಕಳೆದ ವರುಷ ದುಪ್ಪಟ್ಟು ಸುರಿದು ಬರಬೇಡಪ್ಪಾ ಮಳೆಯೇ ಇಷ್ಟೊಂದು! ಅಂದದ್ದೇ ತಪ್ಪಾಗಿರಬೇಕು ಜನ! ಈ ವರುಷ ವರುಣ ಅಡಿಯಿಡಲೇ ಇಲ್ಲ! ಬಂದರೆ ಜೋರಾಗಿ ಒಮ್ಮೆ ನಮಗೆ ತಿಳಿಯುವುದು ಜೆಸಿಬಿ ಎಂಬ ಮಾನವನೇ ಕಂಡು ಹಿಡಿದ ಬ್ರಹ್ಮ ರಾಕ್ಷಸನ ಅವತಾರದ ಪರಿ!
ಅಲ್ಲಲ್ಲಿ ರಸ್ತೆ ಅಗಲೀಕರಣಕ್ಕೆ ಇದ್ದ ಮರಗಳನ್ನೆಲ್ಲ ಉರುಳಿಸಿ, ಗುಡ್ಡವನ್ನೆಲ್ಲ ಜರಿದು, ಆ ತಲೆಯಿಲ್ಲದ ಎತ್ತಿನ ಹೊಳೆ ತಿರುವು ಯೋಜನೆಗೆ ಕಡಿಯುವಷ್ಟು ಅರಣ್ಯ ಕಡಿದು ನಾಶ ಮಾಡಿ, ಯಾರು ಹೇಳಿದ್ದೂ ಕೇಳದೇ ತಾನೇ ಜೈ ಎಂದ ಸರಕಾರದ ಕೆಲಸದಿಂದ ಬೇರಿನ ಹಿಡಿತ ಕಳೆದುಕೊಂಡ ಮಣ್ಣು ಸವಕಳಿಗಾಗಿ ಕಾದು ಕುಳಿತಿವೆ.
ಈ ಸಲದ ಮಳೆಗಾಲದಲ್ಲಿ ನೀವು ಶಿರಾಡಿ ಕೆಸರು ಸಹಿತ ಘಾಟಿಯ ಅಂದವನ್ನೂ, ಅರ್ಧಂಬರ್ಧ ರಿಪೇರಿಯಾಗಿ ವಾಹನ ಓಡುತ್ತಿರುವ ಮಡಿಕೇರಿ ರಸ್ತೆಯ ಸ್ಥಿತಿಯನ್ನೂ, ಸಾವಿರಾರು ಗುಂಡಿಗಳ ಹೊಂದಿ ನೀರು ಕುಡಿದು ತೇಗಿ, ತುಂಬಿಸಿಕೊಂಡು ಎರಚಾಡುವ ಚಾರ್ಮಾಡಿ ಘಾಟಿಯ ಸೌಂದರ್ಯವನ್ನೂ ಸವಿಯಲೇ ಬೇಕಿದೆ!
ಏನಾದರಾಗಲಿ, ಟೆನ್ಷನ್ ಘಟ್ಟದ ಮೇಲಿನವರಿಗೆ, ನಮಗೇನು!? ಅಂತಾ ಸುಮ್ಮನಿರುತ್ತೀರೋ..ನಿಮ್ಮ ಪ್ರತಿಯೊಬ್ಬ ಮನೆಯವರ ಸಂಬಂಧಿ ಬೆಂಗಳೂರಿನಲ್ಲಿರುವರು! ನಿಮಗೆ ನಿತ್ಯ ಅಡಿಗೆಗೆ ಹಾಸನ, ಚಿಕ್ಕಮಗಳೂರು, ಬ್ಯಾಡಗಿ, ದಾವಣಗೆರೆ, ಮೈಸೂರಿನಿಂದ ಬರಬೇಕು ತರಕಾರಿ, ಬೇಳೆ, ಕಾಳು, ನೀರುಳ್ಳಿ, ಬೆಳ್ಳುಳ್ಳಿ, ಮೆಣಸು!
ಮನುಜ ಸಂಘ ಜೀವಿ.ಒಂಟಿ ಜೀವಿಯಾಗಿ ಬದುಕಲಾರ. ಪರಸ್ಪರ ಕೊಡು ಕೊಳ್ಳುವಿಕೆ, ಪ್ರೀತಿ, ವಿಶ್ವಾಸಗಳಿಲ್ಲದೆ ಬದುಕಲಾರ! ಜಗಳವೂ ಬದುಕಿನ ಒಂದಂಶವೆಂದು ಅದನ್ನೂ ಬಿಡಲಾರ!
ವರುಣನೂ ಜನರ ಕುಕೃತ್ಯಕ್ಕೆ ಮುನಿದು ಬುದ್ಧಿ ಕಲಿಸಲು ಹೊರಟಿರಬೇಕು! ಏನಾಗಲಿ, ಕೊನೆಗೆ ದೇವರಿಗೆ ಮೊರೆಯಿಡುವುದಷ್ಟೆ ಕೈಲಾಗದ ಮಾನವನ ಕಾರ್ಯ! ಇನ್ನೆರಡು ವಾರ ಮಳೆ ಬರದಿದ್ದರೆ ಅದನ್ನೆ ಮಾಡಬೇಕಷ್ಟೆ! ನೀವೇನಂತೀರಾ?

 

@ಪ್ರೇಮ್@

More from the blog

ಮತ್ತೆ ಏರಿಕೆ ಕಂಡ ಚಿನ್ನದ ಬೆಲೆ : ಇವತ್ತಿನ ‌ಬೆಲೆ ಎಷ್ಟು ಗೊತ್ತಾ…?

ಯುಗಾದಿ ಹಬ್ಬ. ಇದು ಸಂಬಂಧ ಬೆಸೆಯುವ ಹಬ್ಬ. ಅಂದಹಾಗೆಯೇ ದೇಶದಾದ್ಯಂತ ಜನರು ಇಂದು ಸಂಭ್ರಮದಲ್ಲಿದ್ದಾರೆ. ಆದರೆ ಇದರ ನಡುವೆ ಚಿನ್ನದ ಬೆಲೆ ಏರಿಕೆಯ ಬಿಸಿಯಿಂದ ಕೊಂಚ ಬೇಸರವು ಅವರಲ್ಲಿ ಆವರಿಸಿದೆ. ಕಳೆದ ಎರಡು ದಿನಗಳ...

300 ರೂ. ಗಡಿಯತ್ತ ಹಸಿ ಕೊಕ್ಕೊ… 900 ರೂ. ಗಡಿಯತ್ತ ಒಣ ಕೊಕ್ಕೊ

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ....

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...