Sunday, April 7, 2024

*ಮಾಡರ್ನ್ ಕವನ* *ಹಸಿವಿಗೊಂದು ಮದ್ದು*

ಕೊನೆಗೂ
ಸಿಕ್ಕೆ ಬಿಟ್ಟಿತ್ತು
ಹಸಿವಿಗೊಂದು ಮದ್ದು..!

ಹಸಿವಿಂದ ಬೆಂದು ನೊಂದವನೇ
ನಿದ್ದೆ ಬಿಟ್ಟು ಕಂಡು ಹಿಡಿದದ್ದು
ಹಸಿವು ಮುಕ್ತ ಮಾನವ
ಆಗಬೇಕುನ್ನುವ ಮಹದಾಸೆ ಅವನದು
ಪೋಲಿಯೋ ಲಸಿಕೆ ಕೊಡುವ ಹೊತ್ತಲ್ಲೇ
ಈ ಮದ್ದನ್ನು ಎರಡು ಹನಿ ಬಿಡಲಾಗುತ್ತಿತ್ತು
ಮತ್ತೆ ಸಾಯುವ ವರೆಗೆ ಹಸಿವಿಲ್ಲ.
ಹೀಗಾದರೂ ನೆಮ್ಮದಿ ಇರಲೆನ್ನುವ ಬಯಕೆ..
ಕೊನೆಗೂ ಹಸಿವು ಮುಕ್ತ ಮಾನವ..!

ಈಗ ದೇವಸ್ಥಾನಗಳಲ್ಲಿ ಭಿಕ್ಷೆ ಬೇಡುವಂತಿಲ್ಲ
ಹಸಿವಿನ ನೆಪ ನೀಡುವಂತಿಲ್ಲ
ತರಕಾರಿ ಅಂಗಡಿಗಳಿಲ್ಲ
ಬೆಳೆಯುವವರಿಲ್ಲ
ಕೃಷಿ ಬೇಕಾಗಿಲ್ಲ
ರೈತ ಆತ್ಮಹತ್ಯೆ ಪೇಪರ್ ಟೀವಿಯಲ್ಲಿ
ಹೆಡ್ಡಿಂಗ್ ಲೈನ್ ಕಾಣಸಿಗುವುದಿಲ್ಲ..!

ಅದೆಷ್ಟೋ ರೈತರಿಗೆ
ಆಹಾರ ಉತ್ಪನ್ನ ಕಾರ್ಮಿಕರಿಗೆ
ಕೆಲಸಗಳಿಲ್ಲ
ಆದರೂ ಚಿಂತೆ ಇಲ್ಲ
ಏಕೆಂದರೆ ಹಸಿವಿಲ್ಲ..!
ಉದ್ಯೋಗ ಬೇಕಾಗಿಲ್ಲ
ಮನೆಯೊಂದಿದ್ದರೆ ಸಾಕು..!

ಮಕ್ಕಳು ಹಸಿವಿನಿಂದ ಅಳೋದಿಲ್ಲ
ಚಂದಮಾಮನ ತೋರಿಸಬೇಕಾಗಿಲ್ಲ
ಬೆವರು ಸುರಿಸಿ ದುಡಿಯಬೇಕಿಲ್ಲ
ಹಣ್ಣು ಹಂಪಲು ಬೇಕಾಗಿಲ್ಲ
ಮಾವಿನ ಕಾಯಿಗೆ ಕಲ್ಲು ಬಿಸಾಡೋದು ಇಲ್ಲ..!
ಯಾವುದೇ ಆಹಾರ ನೀಡುವ
ಮರದ ಆಗತ್ಯವೇ ಇಲ್ಲ…!

ಆದರೂ
ಆಸೆ ಮುಗಿಯಲಿಲ್ಲ
ಈಗ ಒಂದೇ ಚಿಂತೆ ಮನೆ ಬೇಕು
ಇಲ್ಲದವನಿಗೆ
ಬಿಸಿಲು ಮಳೆ ಚಳಿಯಿಂದ
ರಕ್ಷಣೆ ಪಡೆಯಲು
ಇದ್ದವನಿಗೆ ತನ್ನ ಅಂತಸ್ತು ತೋರಿಸಲು
ಈಗ
ಭಿಕ್ಷುಕ ಭಿಕ್ಷೆ ಬೇಡುವುದು
ಮನೆ ಕಟ್ಟುವ ನೆಪದಿ..
ಉದ್ಯೋಗ ಅರಸಿ ಹೋಗುವುದು
ಮನೆ ಕಟ್ಟಲು
ಆತ್ಮಹತ್ಯೆಯೂ ಹಾಗೆ
ಮನೆ ಕಟ್ಟಿ ಸಾಲ ಕಟ್ಟಲಾಗದೇ..!
ಹಸಿವು ಇಲ್ಲದಿದ್ದರು ನೆಮ್ಮದಿ ಇಲ್ಲ..!

ಹಸಿವು ಎಂದರೆ
ಹೊಟ್ಟೆಗೆ ಸಂಬಂಧಿಸಿದ್ದು
ಮಾತ್ರ ಅಲ್ಲ..!

✍ಯತೀಶ್ ಕಾಮಾಜೆ

More from the blog

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...

ಮನೆಯ ಮಹಡಿಯಿಂದ ಬಿದ್ದು ಬಾಲಕ ಸಾವು

ಬಂಟ್ವಾಳ: ಮನೆಯ ಮಹಡಿಯ ಮೇಲಿಂದ ಕೆಳಗೆ ಬಿದ್ದು ಬಾಲಕನೋರ್ವ ಮೃತಪಟ್ಟ ಘಟನೆ ಎ.‌ ೧ರ ಮುಂಜಾನೆ ನಡೆದಿದೆ. ಬಂಟ್ವಾಳ ಜಕ್ರಿಬೆಟ್ಟು ನಿವಾಸಿ ದಿನೇಶ್ ಪೂಜಾರಿ ಅವರ ಪುತ್ರ ಆದಿಶ್(೧೫) ಮೃತಪಟ್ಟ ಬಾಲಕ. ಆತ ಮನೆಯಲ್ಲಿ ದೊಡ್ಡಮ್ಮನ...

ಮಾಂಸ ಪ್ರಿಯರಿಗೆ ಬೆಲೆ ಏರಿಕೆ ಶಾಕ್.. ಕೋಳಿ ಮಾಂಸದ ದರ ಏರಿಕೆ

ಮಂಗಳೂರು: ಕೋಳಿಮಾಂಸ, ಮೀನಿನ ದರ ಏರುಗತಿ ಯಲ್ಲಿ ಸಾಗುತ್ತಿದ್ದು ಮಾಂಸಾಹಾರ ಪ್ರಿಯರ ಜೇಬಿಗೂ ಕತ್ತರಿ ಬೀಳುವಂತಾಗಿದೆ. ಪ್ರಸ್ತುತ ಕೋಳಿಮಾಂಸಕ್ಕೆ (ವಿದ್‌ ಸ್ಕಿನ್‌) ಕೆ.ಜಿ.ಗೆ ಬ್ರಾಯ್ಲರ್‌ ಕೆಲವು ಕಡೆ 235-240 ರೂ., ಟೈಸನ್‌ 270 ರೂ....