Thursday, April 18, 2024

*ಭಾವಯಾನ*- *ತಿರುವು*

ಹೀಗೊಂದು ತಿರುವು
ಬೇಕಾಗಿರಲಿಲ್ಲ ಬಾಳಿನಲಿ
ನಡೆದುಬಂದ ದಾರಿಯ
ನೆನಪು ಮಾತ್ರ ಮನದಲ್ಲಿ!

ನೀ ಮುಸ್ಲಿಂ, ನಾ ಹಿಂದು
ಮಾತೆಂದೂ ಬಂದಿರಲಿಲ್ಲ
ನಮ್ಮ ನಡುವಲಿ
ಚಿನ್ನಿದಾಂಡು, ಲಗೋರಿಯಲಿ
ಮೈ ಮರೆತಿದ್ದೆವು ಬಾಲ್ಯದಲಿ!

ನಮ್ಮನೆ ದೀಪಾವಳಿಗೆ ನೀನೇ ಅತಿಥಿ..
ನಿಮ್ಮನೆ ಈದ್ಮಿಲಾದ್ಗೆ ಮನೆಯವರಿಗೆಲ್ಲ
ನಾನೇ ಗೆಳತಿ!
ತುಪ್ಪದೂಟದ ಸವಿಯು ಮರೆತು ಹೋಗಿಲ್ಲ
ಪಾಯಸದ ಕಂಪು ಮಾಸಿ ಹೋಗಿಲ್ಲ!

ಬೆಳೆದುಬಿಟ್ಟೆವು ನೋಡು
ಸಮಾಜದ ಜೊತೆಗೆ ನಾವೂ ಕೂಡ
ಜಾತಿ, ಧರ್ಮದ ವಿಷಬೀಜ
ಹೆಮ್ಮರವಾಯಿತಲ್ಲ ಗೆಳೆಯಾ ?

ನೀ ನನ್ನ ನೋಡಿ ನಸುನಕ್ಕರೂ
ರುದ್ರತಾಂಡವ ಸುತ್ತಮುತ್ತಲೆಲ್ಲ..
ಸುಂದರ ಸ್ನೇಹ ಬಾಂಧವ್ಯಕೆ
ಜಾತಿಯೇ ಮುಳ್ಳಾಯಿತಲ್ಲ ?

ಪ್ರಪಂಚದ ಗೊಡವೆನೇ ನಮಗೆ ಬೇಡ
ಬಾ ಮತ್ತೊಮ್ಮೆ ಮಕ್ಕಳಾಗಿಬಿಡೋಣ
ರಕ್ತಪಿಪಾಸುಗಳ ಹಂಗೇ ನಮಗೆ ಬೇಡ
ಮುಗ್ಧತೆಯ ಲೋಕದಿ ಹಕ್ಕಿಗಳಂತೆ ವಿಹರಿಸೋಣ!!

 

*ಪ್ರಮೀಳಾ ರಾಜ್*

More from the blog

ವಿಟ್ಲ ಪೇಟೆಯಲ್ಲಿ ಕಾಂಗ್ರೆಸ್ ರೋಡ್ ಶೋ: ಸುಡುಬಿಸಿಲಿಗೂ ಜಗ್ಗದ ಉತ್ಸಾಹ

ವಿಟ್ಲ: ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪದ್ಮರಾಜ್ ಆರ್. ಪೂಜಾರಿ ಅವರು ಮಂಗಳವಾರ ವಿಟ್ಲ ಪೇಟೆಯಲ್ಲಿ ರೋಡ್ ಶೋ ನಡೆಸಿ, ಪ್ರಚಾರ ಕಾರ್ಯ ನಡೆಸಿದರು. ಧಾರ್ಮಿಕ ಕೇಂದ್ರಗಳಲ್ಲಿ ವಿಶೇಷ ಪ್ರಾರ್ಥನೆ ನಡೆಸಿ, ಬಳಿಕ...

ಮಾಜಿ ಸಚಿವ ಜನಾರ್ಧನ ಪೂಜಾರಿ ಅವರ ನಿವಾಸಕ್ಕೆ ತೆರಳಿ ಮತದಾನ ಪ್ರಕ್ರಿಯೆ

ಚುನಾವಣಾ ಆಯೋಗದ ನಿರ್ದೇಶನದಂತೆ ಕಳೆದ ಬಾರಿಯಂತೆ ಸೆಕ್ಟರ್‌ ಅಧಿಕಾರಿಗಳ ನೇತೃತ್ವದಲ್ಲಿ ಮತಗಟ್ಟೆ ಅಧಿಕಾರಿಗಳ ತಂಡ ಮನೆ-ಮನೆಗೆ ತೆರಳಿ ಮತದಾನ ಮಾಡಿಸುತ್ತಿದೆ. ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205-ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ 85...

ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ : ಬಜರಂಗದಳ, ವಿ.ಹಿಂ.ಪರಿಷತ್ ಕಲ್ಲಡ್ಕ ಪ್ರಖಂಡದಿಂದ ಖಂಡನೆ

ಬಂಟ್ವಾಳ: ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ ನಡೆಸಿದ ಘಟನೆ ಕಲ್ಲಡ್ಕದ ಕರಿಂಗಾನ ಕ್ರಾಸ್ ಎಂಬಲ್ಲಿ ಸಂಜೆ ವೇಳೆ ನಡೆದಿದೆ. ಪುತ್ತೂರು ಏರ್ಮುಂಜ ಪಲ್ಲ ನಿವಾಸಿಗಳಾದ ಮಂಜುನಾಥ್ ಮತ್ತು ಅವರ ಪತ್ನಿ ಪೂರ್ಣಿಮಾ...

ಲೋಕಸಭಾ ಚುನಾವಣೆ : ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯ…. ಸ್ಥಳಕ್ಕೆ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್‌ ಭೇಟಿ

ಬಂಟ್ವಾಳ :ಮೊಡಂಕಾಪಿನಲ್ಲಿರುವ ಇನ್ಫೆಂಟ್‌ ಜೀಸಸ್‌ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ದಿನ ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205 ಬಂಟ್ವಾಳ ವಿಧಾನಸಭಾ ಕ್ಷೇತ್ರದಲ್ಲಿ ಬಳಸಲಾಗುವ ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯವು ನಡೆಯಿತು. ಈ ಸಂದರ್ಭದಲ್ಲಿ...