Thursday, April 18, 2024

ಒಂದಿಷ್ಟು ರಿಲ್ಯಾಕ್ಸ್ ತಗೊಳ್ಳಿ-40

ದಿನಾ ಬೆಳಗ್ಗೆ ಎದ್ದು ಹೋಗುವ ನನ್ನ ಸಣ್ಣ ವಾಕಿಂಗ್ ಗೆ ನನಗೆ ಸಾಥ್ ಕೊಡುವವರು ಯಾರು ಗೊತ್ತೇ? , ನಾಯಿಗಳನ್ನು ನಮ್ಮದೆಂದು ಸಾಕಿ ಕೇರ್ ಇಲ್ಲದೆ ಊರು ತಿರುಗಲು ಬಿಟ್ಟಂತಹ ಮನೆಯವರ ನಾಯಿ ಗ್ಯಾಂಗ್ ಹಾಗೂ ನಮ್ಮ ಬಿಸಿಲಿನ ದಾಹ ಹಾಗೂ ನಾಲಗೆಯ ತೃಷೆ ಇಂಗಿಸಿ ಭೂಮಿತಾಯಿಯ ಒಡಲು ಸೇರಿದ ಕರಗದ ಪ್ಲಾಸ್ಟಿಕ್ ಬಾಟಲಿಗಳು “ನಾವಿದ್ದೇವೆ ನಿಮಗೆ ಸಾಥ್ ನೀಡಲು” ಎನ್ನುವಂತೆ ತಲೆ ಎತ್ತಿ ನಿಂತಿರುತ್ತವೆ.
ಈಗಿನ ಕಾಲದಲ್ಲಿ ಟಚ್ ಸ್ಕ್ರೀನ್ ಮೊಬೈಲ್ ಹಳ್ಳಿಯ ಮೂಲೆ ಮೂಲೆಯ ಜನರ ಕೈಯಲ್ಲೂ ನಲಿದಾಡುತ್ತಿರುವಾಗ, ಕೇಳಿ, ಓದಿ, ನೋಡಿ, ವಿಷಯಗಳನ್ನು ಚರ್ಚಿಸಿ ಜನ ಬುದ್ಧಿವಂತರಾಗಿದ್ದಾರೆ. ದಡ್ಡರಾರೂ ಇಲ್ಲ. ಪೋಷಕರಿಗೆ ತಿಳಿಯದಿದ್ದರೆ ಬುದ್ಧಿಯನ್ನು ತಾವೇ ಕಲಿಸುವ ಮಕ್ಕಳಿದ್ದಾರೆ ಈಗ! ಅಂಥದ್ದರಲ್ಲಿ ತಾವು ವಾಸಿಸುವ ಭೂಮಿಯ ಮಡಿಲಿಗೆ ಕರಗದ ಪ್ಲಾಸ್ಟಿಕ್ ವಸ್ತುಗಳನ್ನು ಎಸೆಯದಿರುವಂತೆ ಮತದಾನ ಜಾಗೃತಿ ಮಾಡಿದ ಹಾಗೆ ಪ್ಲಾಸ್ಟಿಕ್ ನಿಷೇಧ ಜಾರಿ ಮಾಡಬೇಕೇನೋ!
ಅಲ್ಲದೇ ಸಣ್ಣ ಸಣ್ಣ ಮಧು, ಪಾನ್ ಪರಾಗ್ ಮೊದಲಾದ ಅಡಿಕೆಮಿಶ್ರಿತ ಪುಡಿ ತಿನ್ನುವ ಚಟದವರು ಹಳ್ಳಿಯ ಗಲ್ಲಿ ಗಲ್ಲಿಗಳಲ್ಲೂ ಇರುವುದರಿಂದ ಅವುಗಳ ರಾಶಿ ರಾಶಿ ಪ್ಯಾಕೆಟ್ ಗಳು ಎಲ್ಲೆಂದರಲ್ಲಿ ಸಿಗುತ್ತವೆ. ಉಪಯೋಗಿಸಿ ಬಿಸಾಕಿದ ನೀರಿನ ಹಾಗೂ ಜ್ಯೂಸ್ ಬಾಟಲುಗಳು, ಪ್ಲಾಸ್ಟಿಕ್ ಕವರುಗಳ ಮರುಬಳಕೆ ಇಲ್ಲವೇ ಸರಿಯಾದ ವಿಲೇವಾರಿಗೆ ಕ್ರಮ ಭಾರತದ ಯಾವ ಹಳ್ಳಿಯಲ್ಲಿದೆ? ಯಾವ ಕಸದ ತೊಟ್ಟಿಯಿಂದ ದನ ಕರುಗಳು ಪ್ಲಾಸ್ಟಿಕ್ ಸಮೇತ ಬಿಸಾಕಿದ ಊಟ ತಿಂದು ಸತ್ತು ಹೋಗುವುದನ್ನು ನಾವು ಕಣ್ಣಾರೆ ಕಾಣುತ್ತಲೇ ಮನೆಯಲ್ಲಿ ಉಳಿದ ಆಹಾರವನ್ನು ಕವರ್ನೊಳಗೆ ಹಾಕಿ ಡಸ್ಟ್ ಬಿನ್ ಬದಿಯಲ್ಲೋ, ಯಾರೂ ಕಾಣದ ರಸ್ತೆಯಲ್ಲೋ ಎಸೆವಂಥ ಕಳ್ಳರು ಭಾರತದಲ್ಲಿ ಇರುವವರೆಗೆ ಸ್ವಚ್ಛ ಭಾರತ ಸಾಧ್ಯವಾಗದು. ನಾವಾದರೂ ನಮಿಮ ಮನೆಗಳಲ್ಲಿ ಬಳಸುವ ಪ್ಲಾಸ್ಟಿಕ್ ವಸ್ತುಹೊಗಳನ್ನೆಲ್ಲ ಪಂಚಾಯತ್ ಗಾಡಿಗೋ, ಗುಜಿರಿಗೋ ಹಾಕೋಣ. ಕಂಡ ಕಂಡಲ್ಲಿ ಪ್ಲಾಸ್ಟಿಕ್ ಎಸೆದು ನಮ್ಮ ಪ್ರಕೃತಿಯ ನಾಶ ಮಾಡದಿರೋಣ. ನೀವೇನಂತೀರಿ?

 


@ಪ್ರೇಮ್@

More from the blog

ವಿಟ್ಲ ಪೇಟೆಯಲ್ಲಿ ಕಾಂಗ್ರೆಸ್ ರೋಡ್ ಶೋ: ಸುಡುಬಿಸಿಲಿಗೂ ಜಗ್ಗದ ಉತ್ಸಾಹ

ವಿಟ್ಲ: ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪದ್ಮರಾಜ್ ಆರ್. ಪೂಜಾರಿ ಅವರು ಮಂಗಳವಾರ ವಿಟ್ಲ ಪೇಟೆಯಲ್ಲಿ ರೋಡ್ ಶೋ ನಡೆಸಿ, ಪ್ರಚಾರ ಕಾರ್ಯ ನಡೆಸಿದರು. ಧಾರ್ಮಿಕ ಕೇಂದ್ರಗಳಲ್ಲಿ ವಿಶೇಷ ಪ್ರಾರ್ಥನೆ ನಡೆಸಿ, ಬಳಿಕ...

ಮಾಜಿ ಸಚಿವ ಜನಾರ್ಧನ ಪೂಜಾರಿ ಅವರ ನಿವಾಸಕ್ಕೆ ತೆರಳಿ ಮತದಾನ ಪ್ರಕ್ರಿಯೆ

ಚುನಾವಣಾ ಆಯೋಗದ ನಿರ್ದೇಶನದಂತೆ ಕಳೆದ ಬಾರಿಯಂತೆ ಸೆಕ್ಟರ್‌ ಅಧಿಕಾರಿಗಳ ನೇತೃತ್ವದಲ್ಲಿ ಮತಗಟ್ಟೆ ಅಧಿಕಾರಿಗಳ ತಂಡ ಮನೆ-ಮನೆಗೆ ತೆರಳಿ ಮತದಾನ ಮಾಡಿಸುತ್ತಿದೆ. ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205-ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿ 85...

ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ : ಬಜರಂಗದಳ, ವಿ.ಹಿಂ.ಪರಿಷತ್ ಕಲ್ಲಡ್ಕ ಪ್ರಖಂಡದಿಂದ ಖಂಡನೆ

ಬಂಟ್ವಾಳ: ಅಪಘಾತ ವಿಚಾರದಲ್ಲಿ ಗಂಡ ಹೆಂಡತಿಗೆ ನಾಲ್ವರು ಹಲ್ಲೆ ನಡೆಸಿದ ಘಟನೆ ಕಲ್ಲಡ್ಕದ ಕರಿಂಗಾನ ಕ್ರಾಸ್ ಎಂಬಲ್ಲಿ ಸಂಜೆ ವೇಳೆ ನಡೆದಿದೆ. ಪುತ್ತೂರು ಏರ್ಮುಂಜ ಪಲ್ಲ ನಿವಾಸಿಗಳಾದ ಮಂಜುನಾಥ್ ಮತ್ತು ಅವರ ಪತ್ನಿ ಪೂರ್ಣಿಮಾ...

ಲೋಕಸಭಾ ಚುನಾವಣೆ : ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯ…. ಸ್ಥಳಕ್ಕೆ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್‌ ಭೇಟಿ

ಬಂಟ್ವಾಳ :ಮೊಡಂಕಾಪಿನಲ್ಲಿರುವ ಇನ್ಫೆಂಟ್‌ ಜೀಸಸ್‌ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ದಿನ ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205 ಬಂಟ್ವಾಳ ವಿಧಾನಸಭಾ ಕ್ಷೇತ್ರದಲ್ಲಿ ಬಳಸಲಾಗುವ ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯವು ನಡೆಯಿತು. ಈ ಸಂದರ್ಭದಲ್ಲಿ...