Friday, April 5, 2024

*ಮಾಡರ್ನ್ ಕವನ*- *ಸತ್ಯ*

ಅದು
ಬಿರು ಬಿಸಿಲಿನ ತಾಪ ತಡೆಯಲಾಗದೆ
ತಲೆಸುತ್ತಿ
ಬಿದ್ದಾಗ ಬಿದ್ದ ಕನಸು..!

ನಾ ಸಾಕಿದ ಮರ
ನನ್ನ ಹಿಂದೆ ನಾಯಿಯಂತೆ ಬರುತ್ತಿತ್ತು
ನಾ ಹೋದಲ್ಲೆಲ್ಲ ನೆರಳು ನೀಡೋ ಕೆಲಸ ಅದಕಿತ್ತು.
ಬೆವರಲು ಬಿಡದು,
ತಂಪಾದ ಗಾಳಿ ಬೀಸೋದು ಅದಕ್ಕೆ ಗೊತ್ತು..
ಮನೆಯಿಂದ ಮಾಲ್ ಗೆ ಹೋದಾಗ
ಮಾಲ್ ಅಂಗಳದ ತನಕ ಬರುತ್ತಿತ್ತು
ನಾ ಕಾರಲಿ ನೂರಿಪ್ಪತ್ತು ಸ್ಪೀಡ್ ನಲ್ಲಿ
ಹೋದರು ಹಿಂಬಾಲಿಸುತ್ತಿತ್ತು..!

ಅದಕ್ಕೆ ಮೋಡವನು ಕರೆದು
ನಮ್ಮನೆಗೆ
ಮಳೆ ಸುರಿಸೋದು ಗೊತ್ತು
ಬೇಕೆಂದಾಗೆಲ್ಲ ಹೂ ಹಣ್ಣು
ಕೊಡುತ್ತಿತ್ತು

ಆ ಮರ ನನ್ನಲೊಬ್ಬನಲ್ಲೇ
ಇದ್ದದ್ದು..
ಕೇಳಿದವರಿಗೆ ಬಾಡಿಗೆ
ನೀಡುತ್ತಿದ್ದೆ..!
ಬೀಜಕ್ಕೆ ಲಕ್ಷಗಟ್ಟಲೆ ಹಣ
ಕೇಳುತ್ತಿದ್ದೆ..!
ಯಾರು ಕದಿಯದಂತೆ ಭದ್ರತೆ
ಒದಗಿಸಿದ್ದೆ..!

ಯಾರೋ ‘ಬಿಸ್ಲರಿ’ ಬಾಟಲಿ ಹಿಡಿದು
ನೀರು ಚಿಮ್ಮಿಸಿದಾಗಲೇ
ಕನಸಿನ ಅರಿವಾದದ್ದು..!
ಎ.ಸಿ ರೂಮೇ
ಸತ್ಯ ಎನಿಸಿದ್ದು..!

 

ಯತೀಶ್ ಕಾಮಾಜೆ

More from the blog

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...

ಮನೆಯ ಮಹಡಿಯಿಂದ ಬಿದ್ದು ಬಾಲಕ ಸಾವು

ಬಂಟ್ವಾಳ: ಮನೆಯ ಮಹಡಿಯ ಮೇಲಿಂದ ಕೆಳಗೆ ಬಿದ್ದು ಬಾಲಕನೋರ್ವ ಮೃತಪಟ್ಟ ಘಟನೆ ಎ.‌ ೧ರ ಮುಂಜಾನೆ ನಡೆದಿದೆ. ಬಂಟ್ವಾಳ ಜಕ್ರಿಬೆಟ್ಟು ನಿವಾಸಿ ದಿನೇಶ್ ಪೂಜಾರಿ ಅವರ ಪುತ್ರ ಆದಿಶ್(೧೫) ಮೃತಪಟ್ಟ ಬಾಲಕ. ಆತ ಮನೆಯಲ್ಲಿ ದೊಡ್ಡಮ್ಮನ...

ಮಾಂಸ ಪ್ರಿಯರಿಗೆ ಬೆಲೆ ಏರಿಕೆ ಶಾಕ್.. ಕೋಳಿ ಮಾಂಸದ ದರ ಏರಿಕೆ

ಮಂಗಳೂರು: ಕೋಳಿಮಾಂಸ, ಮೀನಿನ ದರ ಏರುಗತಿ ಯಲ್ಲಿ ಸಾಗುತ್ತಿದ್ದು ಮಾಂಸಾಹಾರ ಪ್ರಿಯರ ಜೇಬಿಗೂ ಕತ್ತರಿ ಬೀಳುವಂತಾಗಿದೆ. ಪ್ರಸ್ತುತ ಕೋಳಿಮಾಂಸಕ್ಕೆ (ವಿದ್‌ ಸ್ಕಿನ್‌) ಕೆ.ಜಿ.ಗೆ ಬ್ರಾಯ್ಲರ್‌ ಕೆಲವು ಕಡೆ 235-240 ರೂ., ಟೈಸನ್‌ 270 ರೂ....