Tuesday, April 9, 2024

ಬುದ್ಧಿಹೀನ ನಾಯಿ

ಆಸೆಬುರುಕ ನಾಯಿಯೊಂದು
ಅಲ್ಲಿ ಇಲ್ಲಿ ಅಲೆದು ಅಲೆದು
ಊಟ ಸಿಗದೆ ಪೆಚ್ಚು ಮೋರೆ
ಮಾಡಿಕೊಂಡಿತು

ಸಿಕ್ಕರೀಗ ತಿಂದುಬಿಡುವೆ
ಎಂದುಕೊಂಡು ನಡೆಯುವಾಗ
ದಾರಿಯಲ್ಲಿ ಎಲುಬನೊಂದ
ಕಂಡು ಹಿಗ್ಗಿತು

ಖುಷಿಯು ಹೆಚ್ಚಿ ಜಿಗಿದು ನೆಗೆದು
ಒಡನೆ ಹೋಗಿ ಅದನು ಕಚ್ಚಿ
ಓಟಕಿತ್ತ ರಭಸಕೆ ಜನ
ಬೆಚ್ಚಿ ಬಿದ್ದರು

ಎಲ್ಲ ನಾಯಿಗಳನು ದೂಡಿ
ಬಿಡದೆ ತಾನೆ ಓಡಿ ಓಡಿ
ನದಿಯ ದಡದಿ ಹೊರಟ ಅದನು
ನೋಡುತಿದ್ದರು

ಗಿಡದ ಕೆಳಗೆ ನಿಂತ ನಾಯಿ
ನೆರಳ ಸವಿಯನುಣುತ ಒಡನೆ
ನೀರು ಕುಡಿಯಲೆಂದು ನದಿಯ
ಕಡೆಗೆ ನಡೆಯಿತು

ನೀರೊಳಿರುವ ಬಿಂಬ ಕಂಡು
ಬೇರೆ ನಾಯಿ ಇದೆಂದುಕೊಂಡು
ತಪ್ಪು ತಿಳಿದ ಕ್ಷಣವೇ ಅದರ
ಎದೆಯು ಒಡೆಯಿತು

ಮರುಳುತನಕೆ ಮಾರು ಹೋಗಿ
ದುರುಳ ಬುದ್ಧಿ ತಲೆಗೆ ಏರಿ
ಹಸಿವ ಮರೆತು ಬೌ ಬೌ
ಎಂದು ಬೊಗಳಿತು

ತಿನ್ನಲೆಂದು ತಂದ ಎಲುಬು
ನೀರಿನಲ್ಲಿ ಮುಳುಗುತಿರಲು
ಕುಹಕಕಿದುವೆ ಶಿಕ್ಷೆ ಎಂದು
ತನ್ನ ತೆಗಳಿತು

 

#ನೀ.ಶ್ರೀಶೈಲ ಹುಲ್ಲೂರು
ಮಂದಹಾಸ ಬಸವೇಶ್ವರ ವೃತ್ತ
ಜಮಖಂಡಿ – 587301
🌠9448591167

More from the blog

ಮತ್ತೆ ಏರಿಕೆ ಕಂಡ ಚಿನ್ನದ ಬೆಲೆ : ಇವತ್ತಿನ ‌ಬೆಲೆ ಎಷ್ಟು ಗೊತ್ತಾ…?

ಯುಗಾದಿ ಹಬ್ಬ. ಇದು ಸಂಬಂಧ ಬೆಸೆಯುವ ಹಬ್ಬ. ಅಂದಹಾಗೆಯೇ ದೇಶದಾದ್ಯಂತ ಜನರು ಇಂದು ಸಂಭ್ರಮದಲ್ಲಿದ್ದಾರೆ. ಆದರೆ ಇದರ ನಡುವೆ ಚಿನ್ನದ ಬೆಲೆ ಏರಿಕೆಯ ಬಿಸಿಯಿಂದ ಕೊಂಚ ಬೇಸರವು ಅವರಲ್ಲಿ ಆವರಿಸಿದೆ. ಕಳೆದ ಎರಡು ದಿನಗಳ...

300 ರೂ. ಗಡಿಯತ್ತ ಹಸಿ ಕೊಕ್ಕೊ… 900 ರೂ. ಗಡಿಯತ್ತ ಒಣ ಕೊಕ್ಕೊ

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ....

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...