Monday, April 8, 2024

ಮಾಡರ್ನ್ ಕವನ- ಮುಖವಾಡ

ನಾನು
ಸಭ್ಯತೆ ಉಳ್ಳವನಂತೆ
ಕಾಣಬೇಕು
ಹೇಗೆ ತಿಳಿಸುವಿರಾ‌..!

ಕದ್ದು ತಿಂದದ್ದು
ತಲೆ ಒಡೆದು ಬದುಕಿದ್ದು
ಮೋಸ ಮಾಡುತ್ತ ಸಾಗಿದ್ದು
ಯಾವುದು ಗೊತ್ತಾಗಬಾರದು
ಅಂತಹ ಮುಖವಾಡ
ಇದ್ದರೆ ಹೇಳಿ
ನಿಮಗೊಂದಿಷ್ಟು ಪಾಲು ಕೊಡಲು
ಮರೆಯುವುದಿಲ್ಲ..
ನನ್ನ ಪಾಪ ಪುಣ್ಯದಲ್ಲಿ…!

ಬಡವನ ಹಸಿವಿನಲ್ಲಿ
ಹೆಣ್ಣಿನ ಕಣ್ಣೀರಿನಲ್ಲಿ
ನನ್ನ ಪಾಲಿರಬೇಕು
ನೆನೆದು ಗಹಿ ಗಹಿಸಿ ನಗಬೇಕು
ನಾನೇ ಕಾರಣವೆಂದು ಗೊತ್ತಾಗಬಾರದು
ಅಂತಹ ಉಡುಗೆ ತೊಡುಗೆ ಬೇಕು
ರಕ್ತದ ಕಳೆ ಅಂಟಬಾರದು
ಇದ್ದರೆ ತಿಳಿಸಿಕೊಡಿ
ಖಂಡಿತ ನಿಮಗೆ ಪಾಲು ಕೊಡುತ್ತೇನೆ
ಮಾಡಿದ ಕರ್ಮದಲ್ಲಿ

ನಾನು ಏನು ಮಾಡಿದರು
ಉಪಕಾರ ಮಾಡಿದವರನ್ನು
ಮರೆಯುವುದಿಲ್ಲ
ಸಭ್ಯನಾಗಿ ಕಾಣಲು
ಸಹಾಯ ಮಾಡಿದವರ
ಎಂದು ಮರೆಯುವುದಿಲ್ಲ…

ಏಕೆಂದರೆ
ನನಗೆ
ಸಭ್ಯತೆಯ ಮುಖವಾಡ ಬೇಕು
ಯಾರಲ್ಲಿ ಹೆಚ್ಚಿದೆ…!?

 

✍ಯತೀಶ್ ಕಾಮಾಜೆ

More from the blog

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...

ಕೊಳವೆ ಬಾವಿಗೆ ಬಿದ್ದ 2 ವರ್ಷದ ಕಂದಮ್ಮ : ರಕ್ಷಣೆಗೆ ಅರ್ಧ ಅಡಿಯಷ್ಟೇ ಬಾಕಿ

ವಿಜಯಪುರ: ಕೊಳವೆ ಬಾವಿಗೆ ಬಿದ್ದಿರುವ ಮಗು ಸಾತ್ವಿಕ ಸುರಕ್ಷಿತವಾಗಿದ್ದು, ರಕ್ಷಣಾ ಕಾರ್ಯಾಚರಣೆ ಅಂತಿಮ ಹಂತಕ್ಕೆ ಬಂದಿದೆ. ಮಗು ಸುರಕ್ಷಿತವಾಗಿದ್ದು, ಕಾರ್ಯಾಚರಣೆ ಆಶಾದಾಯಕವಾಗಿದೆ. 16 ಅಡಿ ಆಳದಲ್ಲಿರುವ ಸಾತ್ವಿಕ್ ರಕ್ಷಣೆಗಾಗಿ 22 ಅಡಿ ಆಳದವರೆಗೆ ಸುರಂಗ...

ಮಿತಿ ಮೀರಿದ ತಾಪಮಾನ : ಖಡಕ್​ ಎಚ್ಚರಿಕೆ ಕೊಟ್ಟ ಹವಾಮಾನ ಇಲಾಖೆ

ಬೆಂಗಳೂರು: ರಾಜ್ಯದಲ್ಲಿ ಬಿರು ಬಿಸಿಲು ಹೆಚ್ಚಳವಾಗುತ್ತಿದ್ದು ಮುಂದಿನ 14 ದಿನಗಳ ಕಾಲ ಬಿಸಿಗಾಳಿ ಬೀಸಲಿದೆ ಎಂದು ಕರ್ನಾಟಕ ರಾಜ್ಯ ನೈಸರ್ಗಿಕ ವಿಕೋಪ ನಿಗಾ ಕೇಂದ್ರ (KSNDMC) ಮುನ್ಸೂಚನೆ ನೀಡಿದೆ. ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಏಪ್ರಿಲ್​...

ಮನೆಯ ಮಹಡಿಯಿಂದ ಬಿದ್ದು ಬಾಲಕ ಸಾವು

ಬಂಟ್ವಾಳ: ಮನೆಯ ಮಹಡಿಯ ಮೇಲಿಂದ ಕೆಳಗೆ ಬಿದ್ದು ಬಾಲಕನೋರ್ವ ಮೃತಪಟ್ಟ ಘಟನೆ ಎ.‌ ೧ರ ಮುಂಜಾನೆ ನಡೆದಿದೆ. ಬಂಟ್ವಾಳ ಜಕ್ರಿಬೆಟ್ಟು ನಿವಾಸಿ ದಿನೇಶ್ ಪೂಜಾರಿ ಅವರ ಪುತ್ರ ಆದಿಶ್(೧೫) ಮೃತಪಟ್ಟ ಬಾಲಕ. ಆತ ಮನೆಯಲ್ಲಿ ದೊಡ್ಡಮ್ಮನ...