Saturday, April 13, 2024

*ಮಾಡರ್ನ್ ಕವನ* – *ಮಾತೆಯೊಂದಿಗೆ ಯುದ್ಧ*

ಪದೇ ಪದೇ
ತೊಂದರೆ ಕೊಟ್ಟಾಗಲೂ
ಸುಮ್ಮನಿದ್ದ ನಿಸರ್ಗ ಮಾತೆ
ಇಂದು ಯುದ್ಧಕ್ಕೆ ನಿಂತಳು..!

ಅದಾಗಲೇ ಶೀತಲ ಸಮರ ಏರ್ಪಟ್ಟಿತ್ತು..
ಆಗಾಗ ಅವಳು
ಯುದ್ಧ ಸಾರಿದ್ದಳು.
ಹೌದು ಅಲ್ಲಲ್ಲಿ
ಭೂಕಂಪ ,ಸುನಾಮಿ, ನೆರೆ, ಬಿರುಗಾಳಿ
ಹೀಗೆ ಹಲವು ರೀತಿಯಲ್ಲಿ
ಸಣ್ಣ ಪುಟ್ಟ ಯುದ್ಧ ಕೈ ಗೊಂಡಿದ್ದಳು.
ಸೋತರು ಮಾನವನಿಗೆ ಬುದ್ಧಿ ಬರಲಿಲ್ಲ..!

ನೆರೆ ಬಂದರೆ ನಗರದೊಳಗೆ
ನುಗ್ಗದಂತೆ ಮಾಡಿದನು..!
ಸುನಾಮಿಯ ತಡೆಯುವ ಗೋಡೆಯನ್ನೇ ಸೃಷ್ಟಿಸಿದನು..!
ಭೂಕಂಪಕ್ಕೆ ಅಲುಗಾಡದ ಕಟ್ಟಡವನ್ನೇ ಕಟ್ಟಿದನು..!
ಅಷ್ಟೇ ಅಲ್ಲ
ಭೂಕಂಪದ ಮುನ್ಸೂಚನೆ
ಸುನಾಮಿಯ ಕ್ಷಣ ಗಣನೆ
ಎಲ್ಲಾ ಮೊದಲೇ ತಿಳಿಯುತ್ತಿತ್ತು..!

ಈಗ ಮತ್ತೆ ಸಿಟ್ಟುಗೊಂಡಳು
ಆಮ್ಲಜನಕ ನಿಲ್ಲಿಸಿಬಿಟ್ಟಳು
ಕೆರೆ ಭಾವಿ ನದಿ ಸಿಹಿನೀರನ್ನೇ ಆವಿಯಾಗಿಸಿದಳು..!

ಇದು ಮೊದಲೇ ತಿಳಿದಿತ್ತು ಮಾನವನಿಗೆ..!
ಕೃತಕ ಆಮ್ಲಜನಕ ಸೃಷ್ಟಿಸಿದ್ದ
ಈಗ ಬೆನ್ನಿಗೊಂದು
ಆಮ್ಲಜನಕದ ಚೀಲ ಸಾಮಾನ್ಯವಾಗಿತ್ತು..!
ಸಮುದ್ರದ ನೀರನ್ನೇ ಸಿಹಿಯಾಗಿಸಿದ..!
ಸಮುದ್ರದಂಡೆಯಲ್ಲಿ ಅಲ್ಲಲ್ಲಿ ಸಿಹಿ ನೀರ ಕೇಂದ್ರಗಳು..!

ಅವಳು ಮತ್ತೆ ಸೋತಳು..!
ಗೆದ್ದೆನೆಂದು ಬೀಗಿದವನು ಮೊದಲೇ ಸೋತಿದ್ದ…!
ತಿಳಿಯಲಿಲ್ಲ ಅಷ್ಟೇ…

ಅವಳನ್ನು
ಪ್ರೀತಿಯಿಂದ ಗೆಲ್ಲಬಹುದಿತ್ತು..!

 

✍ಯತೀಶ್ ಕಾಮಾಜೆ

More from the blog

ಲೋಕಸಭಾ ಚುನಾವಣೆ : ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯ…. ಸ್ಥಳಕ್ಕೆ ಜಿಲ್ಲಾಧಿಕಾರಿ ಮುಲ್ಲೈ ಮುಹಿಲನ್‌ ಭೇಟಿ

ಬಂಟ್ವಾಳ :ಮೊಡಂಕಾಪಿನಲ್ಲಿರುವ ಇನ್ಫೆಂಟ್‌ ಜೀಸಸ್‌ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಈ ದಿನ ಲೋಕಸಭಾ ಚುನಾವಣೆ 2024 ಕ್ಕೆ ಸಂಬಂಧಿಸಿದಂತೆ 205 ಬಂಟ್ವಾಳ ವಿಧಾನಸಭಾ ಕ್ಷೇತ್ರದಲ್ಲಿ ಬಳಸಲಾಗುವ ಮತಯಂತ್ರಗಳ ಕಮಿಷನಿಂಗ್‌ ಕಾರ್ಯವು ನಡೆಯಿತು. ಈ ಸಂದರ್ಭದಲ್ಲಿ...

ಯುವಮೋರ್ಚಾ ಬಂಟ್ವಾಳ ವತಿಯಿಂದ ಮೋದಿ ಮತ್ತೊಮ್ಮೆ ಪ್ರಧಾನಿಯಾಗಲೆಂದು ಬಿ. ಸಿ ರೋಡಿನ ರಕ್ತೇಶ್ವರಿ ದೇವಸ್ಥಾನದಲ್ಲಿ ಪ್ರಾರ್ಥನೆ

ಯುವಮೋರ್ಚಾ ಬಂಟ್ವಾಳ ವತಿಯಿಂದ ನರೇಂದ್ರ ಮೋದಿ ಮತೊಮ್ಮೆ ಪ್ರಧಾನಿಯಾಗಲೆಂದು ರಕ್ತೇಶ್ವರಿ ದೇವಸ್ಥಾನ ಬಿ. ಸಿ ರೋಡಿನಲ್ಲಿ ಪ್ರಾರ್ಥನೆ ಸಲ್ಲಿಸಲಾಯಿತು.

ಆಯತಪ್ಪಿ ಬಾವಿಗೆ‌ ಬಿದ್ದ ಮಹಿಳೆ… ಅಗ್ನಿಶಾಮಕ ಸಿಬ್ಬಂದಿಗಳಿಂದ ರಕ್ಷಣೆ

ಮಂಗಳೂರು: ಬಾವಿಯಿಂದ ನೀರು ಸೇದುತ್ತಿದ್ದಾಗ ಆಯತಪ್ಪಿ ಬಾವಿಗೆ ಬಿದ್ದ ಮಹಿಳೆಯೋರ್ವರನ್ನು ಗುರುವಾರ ಕದ್ರಿ ಅಗ್ನಿಶಾಮಕ ಠಾಣೆಯವರು ರಕ್ಷಿಸಿದ್ದಾರೆ ಬಿಕ್ಕರ್ನಕಟ್ಟೆ ಸಮೀಪದ ನಿವಾಸಿ ಟ್ರೆಸ್ಸಿ ಡಿಸೋಜಾ ಅಗ್ನಿಶಾಮಕ ದಳದ ಸಿಬ್ಬಂದಿಯಿಂದ ರಕ್ಷಿಸಲ್ಪಟ್ಟ ಮಹಿಳೆ. ಸಂಜೆ 5 ಗಂಟೆ...

ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನ ವಾರ್ಷಿಕ ಜಾತ್ರೆ..ಮಹಾರಥೋತ್ಸವ ಕಣ್ಣುಂಬಿಕೊಂಡ ಸಾವಿರಾರು ಭಕ್ತರು

ಬಂಟ್ವಾಳ: ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದ ವಾರ್ಷಿಕ ಜಾತ್ರೆಯಲ್ಲಿ ಎ. ೧೧ರಂದು ಸಂಜೆ ರಥೋತ್ಸವ ನಡೆಯಿತು. ಜಾತ್ರೆಯಲ್ಲಿ ಸಹಸ್ರಾರು ಭಕ್ತರು ಪಾಲ್ಗೊಂಡಿದ್ದರು. ಮಹಾಪೂಜೆಯ ಬಳಿಕ ದೇವರು ರಥಾರೋಹಣಗೊಂಡು ಸಾಂಕೇತಿಕವಾಗಿ ರಥವನ್ನು ಎಳೆಯಲಾಯಿತು. ಮಧ್ಯಾಹ್ನ ರಥಕ್ಕೆ...