Thursday, April 11, 2024

ಗಜಲ್ 62

ಗೌತಮನಲ್ಲಿ ಅದೆಷ್ಟು ಭುಗಿಲೆದ್ದ ತಳಮಳ ಪಾಪ ಯುವರಾಜ ಬುದ್ದನಾಗಿ ಬಿಟ್ಟ/
ಭೀಮರಾವನಲ್ಲಿ ಎಂತಹ ಗಾಢ ಅಸಹನೆ ಪಾಪ ಅಂಬೇಡ್ಕರ್ ಬೌದ್ಧನಾಗಿ ಬಿಟ್ಟ//

ಒಕ್ಕಲೆದ್ದೂ ಹರಾಜಾಗಿದ್ದು ಧರ್ಮವೋ ದೇಶವೋ ಜನರೋ ನಿಗೂಢ ಗೊಂದಲ/
ಆಳದಲ್ಲಿ ಅಸಹಿಷ್ಣುತೆ ಮೇಲೆ ಸವರುವ ತುಪ್ಪ ಸಿದ್ದಾಂತಕ್ಕೊಬ್ಬ ಬದ್ದನಾಗಿ ಬಿಟ್ಟ//

ಬಯಸುವ ಕೇಡು ಅಧಿಕಾರದ ಮದ ದುಡ್ಡಿನ ದರ್ಪಗಳಿಗೆ ದೊಡ್ಡತನದ ರುಚಿ/
ಅರಮನೆಯಲ್ಲಿ ಕಾಣದ ಒಳ ಭೇಗುದಿ ನೆಮ್ಮದಿ ಪಡೆದು ಪರಕೀಯನಾಗಿ ಬಿಟ್ಟ//

ಆತನಿಗೆ ಅಂದು ಗೊತ್ತಿತ್ತು ಇಲ್ಲಿನ ಜನರ ಬುದ್ಧಿ ನಡವಳಿಕೆಯ ಪರಮಾವಧಿ/
ಚೀನಾ ಜಪಾನ್ ಶ್ರೀಲಂಕಾ ಆಕ್ರಮಿಸಿ ದ್ವಂದ್ವ ಭಾರತ ರಂಗಸ್ಥಳವನ್ನಾಗಿ ಬಿಟ್ಟ//

ಕೋಟಿ ದೇವರುಗಳ ಲೆಕ್ಕ ಸಿಕ್ಕಿದ ದಿನವು ಸಿಗದ ಡಂಭಾಚಾರ ಜಾತಿಗಳ ಮೊತ್ತ/
ಸೊಕ್ಕು ಅಡಗಿಸುವ ವಿಫಲ ಯತ್ನ ಮಾನವೀಯತೆಯ ಗೋಜಲಾಗಿ ಬಿಟ್ಟ//

ಜ್ಞಾನ ಉಪದೇಶಗಳಿಗೆ ಬೇರೆಯದೇ ಅರ್ಥ ಕಲ್ಪಿಸಿ ಕಳೆಯುವ ಮೂಲಾರ್ಥ/
ತಣ್ಣನೆ ಕ್ರೌರ್ಯ ಸ್ವಾರ್ಥ ತಲ್ಲಿನ ಕ್ರಾಂತಿಯ ಶಿಶು ಆಗಿರದೆ ಶಾಂತಿದೂತನಾಗಿ ಬಿಟ್ಟ//

ಬಸವರಾಜ ಕಾಸೆ

More from the blog

ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಭೇಟಿ ನೀಡಿ ಮತಯಾಚನೆ ನಡೆಸಿದ ಶಾಸಕ ರಾಜೇಶ್ ನಾಯ್ಕ್

ಲೋಕ ಸಭಾ ಚುನಾವಣೆಯ ಹಿನ್ನಲೆಯಲ್ಲಿ ಕ್ಯಾ.ಬ್ರಿಜೇಶ್ ಚೌಟ ಅವರ ಗೆಲುವಿಗಾಗಿ ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಅವರ ಗ್ರಾಮ,ಮನೆ,ಮನ ಅಭಿಯಾನದ ಅಂಗವಾಗಿ ಬಂಟ್ವಾಳದ ಉಳಿ ಗ್ರಾಮದಲ್ಲಿ ಮತದಾರರ ಮನೆಗೆ ಬೇಟಿ ನೀಡಿ...

ಮತ್ತೆ ಏರಿಕೆ ಕಂಡ ಚಿನ್ನದ ಬೆಲೆ : ಇವತ್ತಿನ ‌ಬೆಲೆ ಎಷ್ಟು ಗೊತ್ತಾ…?

ಯುಗಾದಿ ಹಬ್ಬ. ಇದು ಸಂಬಂಧ ಬೆಸೆಯುವ ಹಬ್ಬ. ಅಂದಹಾಗೆಯೇ ದೇಶದಾದ್ಯಂತ ಜನರು ಇಂದು ಸಂಭ್ರಮದಲ್ಲಿದ್ದಾರೆ. ಆದರೆ ಇದರ ನಡುವೆ ಚಿನ್ನದ ಬೆಲೆ ಏರಿಕೆಯ ಬಿಸಿಯಿಂದ ಕೊಂಚ ಬೇಸರವು ಅವರಲ್ಲಿ ಆವರಿಸಿದೆ. ಕಳೆದ ಎರಡು ದಿನಗಳ...

300 ರೂ. ಗಡಿಯತ್ತ ಹಸಿ ಕೊಕ್ಕೊ… 900 ರೂ. ಗಡಿಯತ್ತ ಒಣ ಕೊಕ್ಕೊ

ಪುತ್ತೂರು: ಕ್ಯಾಂಪ್ಕೋ ಮಾರುಕಟ್ಟೆಯಲ್ಲಿ ಹಸಿ ಕೊಕ್ಕೊ, ಒಣ ಕೊಕ್ಕೊ ಧಾರಣೆ ಮತ್ತಷ್ಟು ಜಿಗಿದಿದ್ದು, ಹೊರ ಮಾರುಕಟ್ಟೆಯಲ್ಲಿಯೂ ಅತ್ಯಧಿಕ ದರ ದಾಖಲಾಗಿದೆ. ಒಣ ಕೊಕ್ಕೊ 900 ರೂ. ಗಡಿಯತ್ತ, ಹಸಿ ಕೊಕ್ಕೊ 300 ರೂ....

ಬಂಟ್ವಾಳದ ಕುದ್ಕೋಳಿ: ಹೊತ್ತಿ ಉರಿದ ಡಸ್ಟರ್ ಕಾರು

ಬಂಟ್ವಾಳ: ಬಂಟ್ವಾಳ- ಮೂಡುಬಿದಿರೆ ರಸ್ತೆಯ ಕುದ್ಕೋಳಿ ಸಮೀಪ ಡಸ್ಟರ್ ಕಾರೊಂದು ಏಕಾಏಕಿ ಬೆಂಕಿ ಹತ್ತಿ ಉರಿದ ಘಟನೆ ಇಂದು ಬೆಳಗ್ಗೆ (ಸೋಮವಾರ) ನಡೆದಿದ್ದು, ಘಟನೆಯಲ್ಲಿ ಯಾವುದೇ ಪ್ರಾಣಾಪಾಯ ಉಂಟಾಗಿಲ್ಲ. ಬಳಿಕ ಸ್ಥಳೀಯರು ಹಾಗೂ ಬಂಟ್ವಾಳ...