ವಿಟ್ಲ: ಕಳೆದ 2020ರ ನವೆಂಬರ್ ನಲ್ಲಿ ನಡೆದ ಭರತನಾಟ್ಯ ಸೀನಿಯರ್ ಗ್ರೇಡ್ ಪರೀಕ್ಷೆಯಲ್ಲಿ ಕು.ಭಾರ್ಗವಿ ಡಿಸ್ಟ್ರಿಂಕ್ಷನ್ ನಲ್ಲಿ ತೇರ್ಗಡೆಯಾಗಿದ್ದಾರೆ.
ನೃತ್ಯಗುರು, ವಿದುಷಿ ಯೋಗೀಶ್ವರಿ ಜಯಪ್ರಕಾಶ್ ರವರ ಶಿಷ್ಯೆಯಾಗಿರುವ ಭಾರ್ಗವಿ 600 ರಲ್ಲಿ 563 ಅಂಕ ಪಡೆದು ಶೇಕಡಾ 93.8 ಫಲಿತಾಂಶ ದಾಖಲಿಸಿದ್ದಾಳೆ. ವಿಟ್ಲದಲ್ಲಿರುವ ವಿಠಲ ಜೇಸೀಸ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಹತ್ತನೇ ತರಗತಿ ಕಲಿಯುತ್ತಿರುವ ಈಕೆ, ಸಂಗೀತ, ಯಕ್ಷಗಾನ, ಭಾಷಣ ಹಾಗೂ ಮಾತುಗಾರಿಕೆಯಲ್ಲಿ ಮುಂಚೂಣಿಯಲ್ಲಿದ್ದಾಳೆ. ಈಕೆ ಯಕ್ಷಗಾನ ಕಲಾವಿದ ಶಿವಪ್ಪ ಜೋಗಿ ಬಾಯಾರು ಹಾಗೂ ವಿಟ್ಲ ಸಮುದಾಯ ಆರೋಗ್ಯ ಕೇಂದ್ರದ ಹಿರಿಯ ಆರೋಗ್ಯ ನಿರೀಕ್ಷಕಿ ಕುಸುಮ ದಂಪತಿಯ ಪುತ್ರಿ.
