Thursday, October 19, 2023

ಬಿಸಿರೋಡಿನ ಹೆಸರಾಂತ ಮೆಡಿಕಲ್ ಸೆಂಟರ್ ಹಾಗೂ ದಿನಸಿ ಅಂಗಡಿಯಿಂದ ಕಳ್ಳತನ

Must read

ಬಂಟ್ವಾಳ: ರಾಷ್ಟ್ರೀಯ ಹೆದ್ದಾರಿ 75 ರ ಮಂಗಳೂರು ಬೆಂಗಳೂರು ರಸ್ತೆಯ ಮಧ್ಯೆ ಬಿಸಿರೋಡಿನ ಹೃದಯ ಭಾಗದಲ್ಲಿರುವ ಹೆಸರಾಂತ ಮೆಡಿಕಲ್ ಸೆಂಟರ್ ಹಾಗೂ ಪಕ್ಕದಲ್ಲಿರುವ ದಿನಸಿ ಅಂಗಡಿವೊಂದಕ್ಕೆ ಕಳ್ಳರು ನುಗ್ಗಿದ ಘಟನೆಯ ಬಗ್ಗೆ ತಡವಾಗಿ ಮಾಹಿತಿ ಲಭ್ಯವಾಗಿದೆ.
ಬಂಟ್ವಾಳ ನಗರ ಪೋಲೀಸ್ ಸ್ಟೇಷನ್ ನ ಕೂಗಳತೆಯ ದೂರದಲ್ಲಿರುವ ರಾಷ್ಟ್ರೀಯ ಹೆದ್ದಾರಿ ಗೆ ತಾಗಿಕೊಂಡು ಪೇಟೆಯ ಮಧ್ಯ ಭಾಗದಲ್ಲಿ ಹಲವಾರು ವರ್ಷಗಳಿಂದ ಜನರ ಸೇವೆಯಲ್ಲಿರುವ ಹೆಸರಾಂತ ಗಣೇಶ್ ಮೆಡಿಕಲ್ ಸೆಂಟರ್ ಗೆ ಹಾಗೂ ಇಸುಬು ಬ್ಯಾರಿಯವರ ಮಗ ಯೂನಸ್ ಎಂಬವರ ದಿನಸಿ ಅಂಗಡಿಯ ಶಟರ್ ನ ಬೀಗ ಮುರಿದು ಒಳಗೆ ನುಗ್ಗಿ ಡ್ರವರ್ ನೊಳಗೆ ಇದ್ದ ನಗದು ಹಣವನ್ನು ದೋಚಿದ ಘಟನೆ ಬುಧವಾರ ನಡೆದಿದೆ.
ಗಣೇಶ್ ಮೆಡಿಕಲ್ ಸೆಂಟರ್ ಗೆ ನುಗ್ಗಿದ ಕಳ್ಳರು ಡ್ರವರನೊಳಗೆ ಇಟ್ಟಿದ್ದ 3000 ಸಾವಿರ ನಗದು ಹಣ ಹಾಗೂ ಕಂಪ್ಯೂಟರ್ ಮಾನಿಟರ್ ಒಂದನ್ನು ಕಳ್ಳತನ ಮಾಡಿದ್ದಾರೆ.

ಯೂನಸ್ ಅವರ ಅಂಗಡಿಯಿಂದ ಕ್ಯಾಸ್ ಕೌಂಟರ್ ನೊಳಗೆ ಇದ್ದ 5000 ಸಾವಿರ ನಗದು ಹಾಗೂ ಸಾವಿರಾರು ರೂ ಬೆಲೆಬಾಳುವ ದಿನಬಳಕೆಯ ವಸ್ತುಗಳನ್ನು ಕಳವು ಮಾಡಿದ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಘಟನಾ ಸ್ಥಳಕ್ಕೆ ಅಂಗಡಿಯವರ ದೂರಿನಂತೆ ಬಂಟ್ವಾಳ ನಗರ ಠಾಣೆ ಯ ಪೋಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ.

*ವ್ಯಾಪಾರಿಗಳ ಕಳವಳ*
ಬಿಸಿರೋಡಿನ ಹೃದಯಭಾಗದಲ್ಲಿ ಪೋಲೀಸ್ ಠಾಣೆಯ ಹತ್ತಿರದಲ್ಲೇ ಕಳ್ಳತನ ನಡೆಯುತ್ತಿರುವ ಪ್ರಕರಣಗಳು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಅಂಗಡಿ ಮಾಲಕರುಗಳ ಎದೆಯಲ್ಲಿ ನಡುಕ ಉಂಟಾಗಿದೆ.
ಮೆಡಿಕಲ್ ಸೆಂಟರ್ ಪಕ್ಕದಲ್ಲಿರುವ ಹನಿಯಾ ದರ್ಬಾರ್ ಹೋಟೆಲ್ ಗೆ ಕಳೆದ ಕೆಲ ತಿಂಗಳ ಹಿಂದೆ ಎರಡು ಬಾರಿ ಕಳ್ಳರು ನುಗ್ಗಿದ್ದಾರೆ.
ಪೇಟೆಯಲ್ಲಿ ಕಾರ್ಯಚರಿಸುತ್ತಿರುವ ಅಂಗಡಿಗಳಿಂದ ಕಳ್ಳತನ ನಡೆಯುವುದು ವ್ಯಾಪಾರಿಗಳಿಗೆ ಕಳವಳದ ಸಂಗತಿಯಾಗಿದೆ.
ಲಾಕ್ ಡೌನ್ ಬಳಿಕ ವ್ಯಾಪಾರ ಇಲ್ಲದೆ ಜನ ಜೀವನ ನಡೆಸುವುದೇ ಕಷ್ಟದ ಪರಿಸ್ಥಿತಿ ಯಾಗಿದೆ.
ಈ ನಡುವೆ ಕಳ್ಳತನ ಗಳು ನಡೆಯುವುದು ವ್ಯಾಪಾರಸ್ಥರಿಗೆ ನುಂಗಲಾರದ ತುತ್ತಾಗಿದೆ.

More articles

Latest article