ಬಂಟ್ವಾಳ: ಇತಿಹಾಸ ಪ್ರಸಿದ್ಧ ಕಾರಿಂಜೇಶ್ವರ ಮತ್ತು ಪಾಣೆಮಂಗಳೂರು ನರಹರಿ ದೇವಾಲಯದಲ್ಲಿ ಈ ಬಾರಿ ಆಟಿ ಅಮವಾಸ್ಯೆ ತೀರ್ಥಸ್ನಾನಕ್ಕೆ ಕೋವಿಡ್ -19 ಮಹಾಮಾರಿ ತಡೆ ನೀಡಿದೆ.
ಸಾವಿರಾರು ಭಕ್ತರು ಇಂದು ಆಟಿ ಅಮವಾಸ್ಯೆಗೆ ಬೆಳಿಗ್ಗೆಯಿಂದಲೇ ಸಾಲು ಸಾಲು ಸಾಲಾಗಿ ಬಂದು ತೀರ್ಥಸ್ನಾನ ಮಾಡಿ ದೇವರ ದರ್ಶನ ಪಡೆದು ಪುನೀತರಾಗುತ್ತಿರುವ ಬಗ್ಗೆ ಈ ಬಾರಿ ಕೇವಲ ನೆನಪು ಮಾತ್ರ. ಕೋವಿಡ್ ಹರಡುವುದನ್ನು ತಪ್ಪಿಸಲು ಆಡಳಿತ ಮಂಡಳಿ ಈ ಬಾರಿ ಆಟಿ ಅಮವಾಸ್ಯೆ ತೀರ್ಥಸ್ನಾನಕ್ಕೆ ಅವಕಾಶ ನೀಡಿಲ್ಲ.


ಎರಡು ಕ್ಷೇತ್ರದಲ್ಲೂ ಪೋಲೀಸ್ ಸರ್ಪ ಗಾವಲು
ದೇವಸ್ಥಾನದ ಆಡಳಿತ ಮಂಡಳಿಗಳು ತೀರ್ಥಸ್ನಾನಕ್ಕೆ ಮತ್ತು ದೇವರ ದರ್ಶನಕ್ಕೆ ಅವಕಾಶವಿಲ್ಲ ಎಂದು ಪ್ರಕಟನೆ ನೀಡಿದ್ದಾರೆ.
ಆದರೆ ಇದನ್ನು ಗಮನಿಸದೆ ದೇವಾಲಯಕ್ಕೆ ಯಾರಾದರೂ ಭಕ್ತರು ಬರುವ ನಿರೀಕ್ಷೆ ಇದ್ದು, ಅವರಿಗೆ ತಡೆ ನೀಡುವ ಸಲುವಾಗಿ ರಸ್ತೆಯಲ್ಲಿ ಬಂಟ್ವಾಳ ಗ್ರಾಮಾಂತರ, ಟ್ರಾಫಿಕ್ ಹಾಗೂ ಪುಂಜಾಲಕಟ್ಟೆ ಪೋಲೀಸರು ಬ್ಯಾರಿಕೇಡ್ ಗಳನ್ನು ರಸ್ತೆಗೆ ಅಡ್ಡಲಾಗಿ ಇಟ್ಟಿದ್ದು, ಅದರ ಜೊತೆಗೆ ಬ್ಯಾನರ್ ಕೂಡ ಅಳವಡಿಸಿದ್ದಾರೆ. ದೇವರಿಗೆ ಪ್ರತಿ ವರ್ಷದಂತೆ ಆಟಿ ಅಮವಾಸ್ಯೆಯ ವಿಶೇಷ ಪೂಜೆ ಭಕ್ತರಿಲ್ಲದೆ ನೆರವೇರಿತು.

LEAVE A REPLY

 Click this button or press Ctrl+G to toggle between Kannada and English

Please enter your comment!
Please enter your name here