ಬಂಟ್ವಾಳ: ಭಯೋತ್ಪಾದಕ ಶಕ್ತಿಗಳ ಪ್ರೇರಣೆಯಿಂದ ದೇಶದೊಳಗಿರುವ ರಾಷ್ಟ್ರವಿರೋಧಿಗಳು ಪಾಕಿಸ್ತಾನಕ್ಕೆ ಜೈಕಾರ ಕೂಗುವ ಕೆಲಸ ಮಾಡುತ್ತಿದ್ದು, ಅಂತವರ ಸರಕಾರ ವಿರುದ್ಧ ಕಠಿನ ಕ್ರಮ ಜರಗಿಸುವ ಕೆಲಸ ಮಾಡಬೇಕಿದೆ ಎಂದು ಹಿಂದೂ ಜಾಗರಣಾ ವೇದಿಕೆ ಪ್ರಾಂತ್ಯ ಕಾರ್ಯದರ್ಶಿ ರಾಧಾಕೃಷ್ಣ ಅಡ್ಯ‌ಂತಾಯ ಹೇಳಿದರು.
ಬಂಟ್ವಾಳ ಹಾಗೂ ವಿಟ್ಲ ತಾಲೂಕು ಹಿಂದೂ ಜಾಗರಣಾ ವೇದಿಕೆ ಆಶ್ರಯದಲ್ಲಿ ಬಿ.ಸಿ.ರೋಡಿನ ಮಿನಿವಿಧಾನಸೌಧದ ಮುಂಂಭಾಗದಲ್ಲಿ ಸೋಮವಾರ ನಡೆದ “ಪಾಕಿಸ್ತಾನ ಪರ ಘೋಷಣೆ ಕೂಗಿದ ಅಮೂಲ್ಯ ವಿರುದ್ಧ ನಡೆದ ಪ್ರತಿಭಟನೆ” ಯಲ್ಲಿ ಅವರು ಮಾತನಾಡಿದರು. ಈ ಘಟನೆ ಕೇವಲ ಅಮೂಲ್ಯ ಎಂಬ ಯುವತಿಗೆ ಸೀಮಿತವಾಗಿಲ್ಲ, ಇದರ ಹಿಂದೆ ನಕ್ಸಲ್, ಸಿಮಿಯಂತಹಾ ದೇಶದ್ರೋಹಿಗಳ ಕೈವಾಡವಿದ್ದು ಈ ಬಗ್ಗೆ ಪೊಲೀಸ್ ಇಲಾಖೆ ಗಂಭೀರ ಕ್ರಮ ಕೈಗೊಳ್ಳಬೇಕು ಎಂದವರು ಒತ್ತಾಯಿಸಿದರು. ಅಮೂಲ್ಯ ಸಿಎಎ ವಿರುದ್ದ ನಡೆದ 20 ಪ್ರತಿಭಟನೆಗಳಲ್ಲಿ ಭಾಗವಹಿಸಿ ದೇಶ ದ್ರೋಹದ ಮಾತುಗಳನ್ನು ಆಡಿರುವುದನ್ನು ಪೊಲೀಸ್ ಇಲಾಖೆಯೇ ಖಚಿತಪಡಿಸಿದ್ದು, ದೇಶದ ಅನ್ನತಿಂದು, ನೀರು ಕುಡಿದು ದೇಶಕ್ಕೆ‌ ವಿರುದ್ದವಾಗಿ ವರ್ತಿಸುವವರನ್ನು ಸುಮ್ಮನೆ ಬಿಡಬಾರದು ಎಂದು ಅಡ್ಯಂತಾಯ ಆಗ್ರಹಿಸಿದರು.
ಹಿಂಜಾಗರಣಾ ವೇದಿಕೆಯ ಜಿಲ್ಲಾ ಸಂಪರ್ಕ ಪ್ರಮುಖ್ ನರಸಿಂಹಶೆಟ್ಟಿ ಮಾಣಿ‌ ಮಾತನಾಡಿ, ಶತ್ರು ರಾಷ್ಟ್ರ ಪಾಕಿಸ್ತಾನ ಕ್ಕೆ ಜೈಕಾರ ಹಾಕುವ ಅಮೂಲ್ಯ ಲಿಯೋನ ಳಿಗೆ ತಕ್ಕ ಶಿಕ್ಷೆಯಾಗುವ ವರೆಗೂ ಸಂಘಟನೆ ಹೋರಾಟ ನಡೆಸಲಿದ್ದು, ಅಮೂಲ್ಯ ಪ್ರಕರಣವನ್ನು ರಾಷ್ಟ್ರೀಯ ತನಿಖಾದಳಕ್ಕೆ ಒಪ್ಪಿಸಬೇಕು ಎಂದರು.


ಹಿಂದೂ ಜಾಗರಣ ವೇದಿಕೆ ಜಿಲ್ಲಾಧ್ಯಕ್ಷ ಜಗದೀಶ್ ನೆತ್ರಕೆರೆ, ವಿಟ್ಲ ಅಧ್ಯಕ್ಷ ಗಣೇಶ ಕುಲಾಲ್, ಬಂಟ್ವಾಳ ಅಧ್ಯಕ್ಷ ಚಂದ್ರ ಕಲಾಯಿ, ವಿಟ್ಲ ಸಂಪರ್ಕ ಪ್ರಮುಖ್ ರತ್ನಾಕರ್ ಶೆಟ್ಟಿ, ಪ್ರಮುಖರಾದ ಮಚ್ಚೇಂದ್ರ ಸಾಲ್ಯಾನ್, ಗ್ರಾ.ಪಂ‌.ಸದಸ್ಯ ಶೇಖರ ಶೆಟ್ಟಿ ಅಮ್ಟಾಡಿ, ರವಿ ಭಂಡಾರಿ ಕಲ್ಲಡ್ಕ ,ಯೋಗೀಶ್ ತುಂಬೆ, ವಿಶ್ವ ಹಿಂದೂ ಪರಿಷತ್ತಿನ ಪದ್ಮನಾಭ ಕಟ್ಟೆ, ಶರತ್ ಆಮೈ ಮೊದಲಾದವರು ಉಪಸ್ಥಿತರಿದ್ದರು. ಈ ಸಂದರ್ಭ ಬಂಟ್ವಾಳ ಉಪ ತಹಶೀಲ್ದಾರರ ಮೂಲಕ ಕರ್ನಾಟಕ ಸರ್ಕಾರದ ಮುಖ್ಯಮಂತ್ರಿ ಹಾಗೂ ರಾಜ್ಯಪಾಲರಿಗೆ ಮನವಿಯನ್ನು ಸಲ್ಲಿಸಲಾಯಿತು.

LEAVE A REPLY

 Click this button or press Ctrl+G to toggle between Kannada and English

Please enter your comment!
Please enter your name here