ಬಂಟ್ವಾಳ: ಪೆಟ್ರೋಲ್ ಪಂಪ್ ನಲ್ಲಿ ರಾತ್ರಿ ನಿಲ್ಲಿಸಲಾಗಿದ್ದ ಖಾಸಗಿ ಬಸ್ ವೊಂದರ ಬ್ಯಾಟರಿ ಕಳವು ಮಾಡಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಕಳವು ನಡೆಯುವ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಅಗುತ್ತಿದೆ.

ಮಂಗಳವಾರ ರಾತ್ರಿ ಸುಮಾರು 1.30ರ ವೇಳೆಗೆ ಬಿಸಿರೋಡ್ ಪೆಟ್ರೋಲ್ ಪಂಪ್ ಬಳಿ ನಿಂತಿದ್ದ ಬಿಸಿರೋಡ್ ಕೊಣಾಜೆಯಿಂದ ಮಂಗಳೂರು ಪ್ರಯಾಣಿಸುವ ಖಾಸಗಿ ಬಸ್ ನಿಂದ ಬ್ಯಾಟರಿ ಕಳವು ಮಾಡಿದ್ದಾರೆ. ಅಲ್ಲದೆ ಕೆಲ ದಿನಗಳಿಂದ ಪೆಟ್ರೋಲ್ ಪಂಪ್ ನಲ್ಲಿ ನಿಲ್ಲಿಸಲಾಗಿದ್ದ ಬಸ್ ಗಳ ಬ್ಯಾಟರಿ ಕಳವು ನಡೆದಿದೆ ಎನ್ನಲಾಗಿದೆ. ಒಟ್ಟು ನಾಲ್ಕು ಬಸ್ ಗಳ ಬ್ಯಾಟರಿ ಕಳವಾಗಿದೆ ಎನ್ನಲಾಗಿದ್ದು, ಯಾರು ಕೂಡಾ ಈವರೆಗೆ ಲಿಖಿತವಾಗಿ ಪೋಲೀಸ್ ಠಾಣೆಗೆ ದೂರು ನೀಡಿಲ್ಲ ಎಂದು ಪೋಲೀಸರು ತಿಳಿಸಿದ್ದಾರೆ.

ಕಳೆದ 20 ದಿನಗಳ ಹಿಂದೆ ಸಜೀಪದ ಕಂದೂರು ಎಂಬಲ್ಲಿ ಶಾಮಿಯಾನದವರ ಬ್ಯಾಟರಿ ಕೂಡಾ ಕಳವಾಗಿತ್ತು.
ಬಂಟ್ವಾಳ ತಾಲೂಕಿನಲ್ಲಿ ಕಳೆದ ಕೆಲ ತಿಂಗಳಿನಿಂದ ನಿರಂತರವಾಗಿ ಬ್ಯಾಟರಿ ಕಳವು ನಡೆಯುತ್ತಿದ್ದು ಬಸ್ ಮಾಲಕರಲ್ಲಿ ಆತಂಕ ವ್ಯಕ್ತವಾಗಿದೆ.ಬಸ್ ಮಾಲಕರು ದೂರು ನೀಡದಿದ್ದರೂ ಕೂಡಾ ಬಂಟ್ವಾಳ ಅಪರಾಧ ವಿಭಾಗದ ಪೋಲೀಸರು ಕಳ್ಳರ ಚಲನವಲನಗಳನ್ನು ಗಮನಿಸಲು ಆರಂಭಿಸಿದ್ದಾರೆ.‌

 

LEAVE A REPLY

 Click this button or press Ctrl+G to toggle between Kannada and English

Please enter your comment!
Please enter your name here