ಬಂಟ್ವಾಳ: ಪುರಸಭೆಯ
ಕುಡಿಯುವ ನೀರಿನ ಪೈಪ್ ಕಾಮಗಾರಿಯಿಂದ ರಸ್ತೆಯೊಂದು ಕುಸಿಯುವ ಬೀತಿಯಲ್ಲಿದೆ.

ಮೊಡಂಕಾಪು ಎಂಬಲ್ಲಿ ಕುಡಿಯುವ ನೀರಿನ ಪೈಪ್ ಲೈನ್ ಹಾದುಹೋಗಿರುವ ಭಾಗದಲ್ಲಿ ಕುಸಿತ ಕಂಡು ಬಂದಿದ್ದು ಇಲ್ಲಿನ ನಿವಾಸಿಗಳು ಭಯಬೀತರಾಗಿದ್ದಾರೆ.
ಪೈಪ್ ಅಳವಡಿಕೆ ಕಾಮಗಾರಿಯಿಂದಾಗಿ ಅ ಜಾಗದಲ್ಲಿ ಮಣ್ಣು ಒಳಕ್ಕೆ ಕುಸಿದಿದ್ದು ಜೊತೆಗೆ ರಸ್ತೆ ಕೂಡಾ ಕುಸಿಯುತ್ತಿದೆ.
ಮೊಡಂಕಾಪು ಚರ್ಚ್ , ಚರ್ಚ್ ಸ್ಕೂಲ್ ಸಹಿತ ಮೂರು ವಿದ್ಯಾಕೇಂದ್ರಗಳಿವೆ, ಒಂದು ದೇವಸ್ಥಾನ ಇದೆ, ಇಲ್ಲಿ ಬರುವ ವಿದ್ಯಾರ್ಥಿಗಳು ಹಾಗೂ ಸಾರ್ವಜನಿಕ ರಿಗೆ ಈ ಗುಂಡಿ ಉಂಟಾದ್ದರಿಂದ ಸಾಕಷ್ಟು ತೊಂದರೆಗಳು ಅಗುತ್ತಿವೆ.
ಒಬ್ಬ ಮನುಷ್ಯ ನ ಎತ್ತರಕ್ಕೆ ಈ ಗುಂಡಿಯಿದ್ದು, ರಾತ್ರಿ ಹೊತ್ತಿನಲ್ಲಿ ಅಪರೂಪವಾಗಿ ಬರುವ ದ್ಚಿಚಕ್ರ ವಾಹನ ಸವಾರರು ಮತ್ತು ಪಾದಚಾರಿ ಗಳು ಆಯ ತಪ್ಪಿ ಗುಂಡಿಯೊಳಗೆ ಬಿದ್ದರೆ ಸಾವು ನಿಶ್ಚಿತ.
ಇಂತಹ ಸಾವು ನೋವುಗಳು ಸಂಭವಿಸುವ ಮೊದಲು ಸರಿ ಮಾಡಿಕೊಡುವಂತೆ ಪುರಸಭೆಗೆ ಸ್ಥಳೀಯ ನಿವಾಸಿಗಳು ಮನವಿ ಮಾಡಿದ್ದಾರೆ. ಆದರೆ ಈ ವರೆಗೆ ಯಾವುದೇ ಕ್ರಮಕೈಗೊಂಡಿಲ್ಲ ಎಂಬ ಆರೋಪ ಇವರದ್ದು.

ಈ ಸಮಸ್ಯೆ ಯನ್ನು ಬಗೆಹರಿಸದಿದ್ದರೆ,
ರಸ್ತೆ ಕುಸಿತ ದಿಂದಾಗಿ ಬಿಸಿರೋಡು ಕೈಕಂಬದಿಂದ ಮೊಡಂಕಾಪು ಮೂಲಕ ಪೊಳಲಿ ಕೈಕಂಬಕ್ಕೆ ತೆರಳುವ ಬಸ್ ಸಂಚಾರಕ್ಕೆ ಅಡಚಣೆಯಾಗುವ ಸಂದರ್ಭಗಳು ಕೂಡ ಬರಬಹುದು ಎಂದು ಇಲ್ಲಿನ ನಿವಾಸಿಗಳು ತಿಳಿಸುತ್ತಾರೆ.
ಪುರಸಭೆಯ ವ್ಯಾಪ್ತಿಯಲ್ಲಿ ಈ ಮಲ್ಟಿಪರ್ಪಸ್ ಕುಡಿಯುವ ನೀರಿನ ಸರಬರಾಜು ಮಾಡುವ ಯೋಜನೆ ನಿಜವಾಗಿಯೂ ಉತ್ತಮ ವಾಗಿದೆ. ಆದರೆ ಸಮರ್ಪಕವಾಗಿ ಕೆಲಸ ನಿರ್ವಹಿಸದೆ ಪದೇ ಪದೇ ಸಮಸ್ಯೆ ಗಳು ಉದ್ಬವಿಸುತ್ತಿದ್ದು ಸಾರ್ವಜನಿಕ ವಲಯದಲ್ಲಿ ಆರೋಪ ಗಳಿಗರ ಈ ಯೋಜನೆ ಗುರಿಯಾಗಿದೆ.
ಹಾಗಾಗಿ ಸಂಭಂದಿಸಿದ ಇಲಾಖಾ ಅಧಿಕಾರಿಗಳು ಸಮಸ್ಯೆ ಪರಿಹಾರಕ್ಕೆ ಕ್ರಮಕೈಗೊಳ್ಳಲು ಇಲ್ಲಿನ ನಿವಾಸಿಗಳು ಮನವಿ ಮಾಡಿದ್ದಾರೆ.

LEAVE A REPLY

 Click this button or press Ctrl+G to toggle between Kannada and English

Please enter your comment!
Please enter your name here