ಬಂಟ್ವಾಳ: ವಿಶ್ವ ಹಿಂದು ಪರಿಷತ್ ,ಬಜರಂಗದಳ ಹಾಗೂ ಹಿ.ಜಾ.ವೇ. ವಿಟ್ಲ ಹಾಗೂ ಬಂಟ್ವಾಳ ಪ್ರಖಂಡ ಬಂಟ್ವಾಳ ತಾಲೂಕು ಇದರ ಜಂಟಿ ಆಶ್ರಯದಲ್ಲಿ ಗೋಹತ್ಯೆ, ಗೋಕಳ್ಳತನ,  ಗೋಸಾಗಾಟ, ಅಕ್ರಮ ಕಸಾಯಿಖಾನೆಯ ವಿರುದ್ಧ ಬೃಹತ್ ಪ್ರತಿಭಟನೆಯು ಜು.3 ರಂದು ಬಿ.ಸಿ ರೋಡ್ ನ  ಮಿನಿವಿಧಾನಸೌಧದ  ಮುಂಭಾಗದಲ್ಲಿ ಬೆಳಿಗ್ಗೆ 10 ರಿಂದ 12 ರ ತನಕ ನಡೆಯಲಿದೆ.                                              ರೈತರ ಜೀವ ಸೆಲೆ ಗೋವು ಕೃಷಿಕನಿಂದು ಗೋವಿನ ಗೊಬ್ಬರಕ್ಕಾಗಿ ಪರಿತಪಿಸುತ್ತಿದ್ದಾನೆ. ಗೋವು ಇಲ್ಲದೆ ಕೃಷಿಕನಿಲ್ಲ. ಇಂತಹ ಅಳಿವು ಉಳಿವಿನ ಈ ಕಾಲಘಟ್ಟದಲ್ಲಿ ಗೋ ಸಂತತಿಯ ನಾಶಕ್ಕಾಗಿ ಪಣತೊಟ್ಟ ಗೋಕಳ್ಳರಿಂದ ಗೋವನ್ನು ರಕ್ಷಿಸಿಕೊಳ್ಳುವುದು ಅನಿವಾರ್ಯವಾಗಿದೆ ಎಂದು  ಜಿಲ್ಲಾ ಗೋರಕ್ಷಾ ಪ್ರಮುಖ್ ಸರಪಾಡಿ ಆಶೋಕ್ ಶೆಟ್ಟಿ ಮತ್ತು ಹಿ.ಜಾ.ವೇ.ಯ ಪುತ್ತೂರು ಜಿಲ್ಲಾ ಅಧ್ಯಕ್ಷ ರತ್ನಾಕರ ಶೆಟ್ಟಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

      ಜಿಲ್ಲಾಡಳಿತ, ಪೋಲಿಸ್ ಇಲಾಖೆ ಕರ್ತವ್ಯ ಮೆರೆದು ಜಿಲ್ಲೆಯಲ್ಲಿ ಅಕ್ರಮ ಕಸಾಯಿಖಾನೆಯನ್ನು ಗುರುತಿಸಿ ಗೋ ಹಂತಕರನ್ನು ಕಾನೂನಿನ ಕುಣಿಕೆಯ ಮೂಲಕ ಅಪರಾಧಿ ಸ್ಥಾನದಲ್ಲಿ ನಿಲ್ಲಿಸಬೇಕು. ಜಿಲ್ಲೆಯಲ್ಲಿ ಗೋವು ಸಂತತಿ ಭಯಮುಕ್ತವಾಗಿ ಬದುಕಬೇಕು. ಕೃಷಿಕ ರಾತ್ರಿ ಸುಖ ನಿದ್ದೆ ಮಾಡಬೇಕು.  ಹಾಗಾದಾಗ ನಮ್ಮ ಜಿಲ್ಲೆ ಶಾಂತಿಯ ನಾಡಾಗಬಹುದು ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.  ಅಕ್ರಮ ಕೃತ್ಯದಲ್ಲಿ ತೊಡಗಿದವರನ್ನು ಪತ್ತೆ ಹಚ್ಚದಿದ್ದಲ್ಲಿ ಪರಿವಾರ ಸಂಘಟನೆಯ ಕಾರ್ಯಕರ್ತರು ಈ ಕೆಲಸಕ್ಕೆ ಇಳಿಯಬೇಕಾಗಬಹುದು ಎಂದು ಎಚ್ಚರಿಸಿರುವ ಅವರು ಗೋವು  ನಮ್ಮ  ಸರ್ವಸ್ವವಾಗಿದ್ದು ,ಇದರ ಉಳಿವಿಗಾಗಿ ತಾಲೂಕಿನ ಸಮಾನ ಮನಸ್ಕರು  ಈ ಬೃಹತ್ ಪ್ರತಿಭಟನೆಯಲ್ಲಿ  ಕೈ ಜೋಡಿಸುವಂತೆ ಪ್ರಕಟಣೆಯ ಮನವಿ ಮಾಡಿದ್ದಾರೆ.

LEAVE A REPLY

 Click this button or press Ctrl+G to toggle between Kannada and English

Please enter your comment!
Please enter your name here